الهاوية

البارت الثامن

عِداي لهم فضلٌ عليَّ ومِنَةٌ
          فلا أبعدَ الرحمن عني الآعاديا
همُ فتشوا عن زلتي فأجتنبتُها
         وهم نافسوني فأرتقيتُ المعاليا
_______

وطن.. اسمي وطن..

حياة.. اي وشنو يعني؟

ابتسم وبينت اسنانة كال..

وطن.. ولا شي سلامتج تعجبني وكاحتج..

حياة.. شنو هالاسلوب شنو وكاحتج متستحي؟

وطن.. لا مااستحي وانطيج اياها من الأخير اني رايدج ودخلتي كلبي كلش هويتج..

انصدمت مصار كم يوم من شفتك وشفتني وين هويتي ابن النعال بگلبي احجي عليه هزيت راسي استهزء

حياة.. اي كمل وبعد..

معجبة كلامي حرك رجلة بالتراب دفرة بخفة وكال..

وطن.. باعي اني مو مثل التعرفيهم
اني انسان واضح شفتج وحبيتج مسويت
دروب ولا حيل اجيتج من الاخير ونيتي شريفة..

رفعت ايدي بوجهة..

حياة.. اوكف لهنا حدك شنو مومثل التعرفيهم
شفتني يومية ويا واحد؟؟

وطن.. لا يبوي موهيج قصدي..

حياة.. لعد؟ ترا هاي حجايتك اكدر اسوي عليها مصيبة
عيب زحمة عليك رجال جبير واكف بالدرب تتمعشك..

حاول يحجي وياي ويبرر موقفة ابد قفلت حيل غثني مشيت شوية طلعت طفلة تركض عليه هستوها كاعدة من النوم تفرك بعيونها وتبجي صاحت..

بابا وين رحت..

انداريت عليه تفلت وغميتة
جان استحيت
عندك طفلة مثل الورد
واكيد عندك
مرة شوية تحبك احترمها
واحترم روحك

عيب شوكت تبطلون خيانة
الخاطر ربكم متكتفون؟؟

وجهة كام ينطي الوان من العصبية..

بس مهتميت اكل رزالة معدلة
عفتة ورجعت للبيت حسيت طلعت
طاقتي المكبوتة من زمان بي
شمرت المسواك بالگاع
وبلشت بالبيت والغدة

للظهر سبحت بيبي وكعدت امشط شعرها
مثل الطفلة بيدي اجة ابوية شافني من برة ودخل مبتسم كال..

صادق.. الله يرضى عليج بنيتي شلونج يوم..؟

مجاوبتة بيبي مدنكة راسها تسبح بالسبحة
متحجي ويا من يوم المشكلة مال سميرة
صار كم كلام  بينهم بس مثگلة عليه
مجبورة تكعد هنا هو طب جوة يهز بيدة معاجبة..

سمعت ونينها كالت بنعي..

صفية.. گلبي على گلب ولدي وگلب ولدي من صخر..
شفتي يمة هاي تالي طيبتي ورباتي وحملي بيهم ماغزر كل واحد بصفحة محتار بروحة ومرتة شلون يرضيها؟

حياة.. هاي اني يمج مكفية وموفية شلج بيهم حبيبة..

جرت وجهي تبوس بي..