မလွယ်ခဲ့ဘူး။ဒီရက်တွေကိုယ့်အတွက် တဂယ်မလွယ်ကူခဲ့ဘူးကောင်မလေး။
မာမီ့ရှေ့မင်းလေးကိုစိုက်ကြည့်မိလျှင် ကိုယ့်မှာမနည်းစိတ်ပြန်ထိန်းနေခဲ့ရတာလဲ မလွယ်ကူခဲ့ဘူး။ မင်းလေးကိုစိုက်ကြည့်မိတိုင်း အကြောင်းအမျိုးမျိုးပြ၍ ရှောင်ဖယ်စကားပြောရတာလဲ ကိုယ့်အတွက်မလွယ်ခဲ့ဘူး။
ခက်ရသည်။ သေချာသလောက်ရှိနေသည့်ခံစားချက်ကို ကိုယ်နောက်ထပ်အတည်ပြုချင်နေမိသည်။ သေချာမှ သေချာမှမင်းလေးကိုသေချာပိုးပန်းပါ့မယ်ကွာ။ ထူးခန့်ကိုကြောက်လို့ ကိုယ့်အရိပ်လာခိုတဲ့ကောင်မလေးကို ကိုယ်ကပါမရိုးမသားစိတ်နှင့် အလောတကြီးပြုမူလိုက်ရင်မင်းလေးပါ ကိုယ့်ကိုလန့်သွားနိုင်သည်မဟုတ်လား။ အဲ့တော့ဒီတစ်ပတ်အတွင်းကိုယ်သေချာလား ထပ်ပြီးဆန်းစစ်ကြည့်ပါ့မယ်။ သေချာပြီဆိုကိုယ်တရားဝင်ပိုးပန်းပါ့မယ်ကောင်မလေးရယ်။ မင်းလေးကိုယ့်ကိုမကြောက်စေသည့်နည်းလမ်းနှင့်ပေါ့လေ။
ရွှေကူ ရေဆာလာရ၍ ၁၀ နာရီကျော်ကြီး အောက်ထပ်သို့ဆင်းလာခဲ့သည်။ မီးမဖွင့်လဲမျက်မှန်နှင့်မို့ အလင်းဖျဖျလေးတွေကြား ရွှေကူရှင်းလင်းစွာမြင်နေရပါသည်။ ရေခဲသေတ္တာထဲမှရေဗူးကိုဖွင့်၍ ထိုနေရာတွင်သာမော့သောက်လိုက်တော့သည်။
"အမလေး အကိုလေးလား.."
"အင်း"
"လန့်လိုက်တာအကိုလေးရယ် အသံလဲမပေးဘူး"
ကွန့်မြူးနံရံကိုမှီ၍ ရပ်ကြည့်နေလိုက်သည်မှာ သူမလေးရေခဲသေတ္တာဖွင့်ကတည်းကဖြစ်လေသည်။
"ရေဆာလို့လား"
"ဟုတ် အကိုလေးရောမအိပ်သေးဘူးလားဟင်"
"အင်း..ကိုယ်အိပ်မပျော်သေးလို့"
"ရွှေကူအပေါ်တတ်တော့မယ်နော်အကိုလေး "
"အင်း"
ခပ်ပါးပါးအနွေးထည်လေးဝတ်ထားသည့်သူမလေးက ချမ်းနေ၍များလား။ ဒီကကောင်က သူမလေးဘာဝတ်လဲကအစသေချာကြည့်မိနေတော့လဲခက်သားဗျာ။ ဝတ်တဲ့အင်းကျီက ပါးတယ်ထူတယ်ကအစလိုက်ကြည့်ပြီး ပြောချင်နေတာဆိုတော့လဲ တဂယ်ခက်သား။
Part 💭 12 (U&Z)
Start from the beginning