#Unicode
ထိုလူနှစ်ယောက်ဝင်သွားသည့် အခန်းထဲကို Taehyung ချောင်းကြည့်နေမိသည် ။
စကားပြောတာမျိုးတော့မရှိပေ ။
ထို့နောက် Suit ဝတ်ထားတဲ့ အမျိုးသားက အပေါ်ဝတ်တွေကိုချွတ်နေ၏ ။
တစ်ခုခုမှားယွင်းနေပြီဆိုတာ Taehyung သိလိုက်သည် ။
သို့သော်လည်း သေချာချင်တာကြောင့် ဆက်ပြီးချောင်းကြည့်နေလိုက်၏ ။မူးယစ်ဆေးလို့ထင်ရသည့် အထုတ်လေးကို ကိုက်ဖောက်လိုက်သည် ။
"လခွမ်း... Condom ကြီးလား"
Taehyung မျက်နှာမှာ ခရမ်းချဉ်သီးလိုရဲတတ်သွားခဲ့သည် ။
မသင်္ကာလို့ လိုက်လာခဲ့သည်က အခုတော့ ရှက်စရာကိစ္စကို လာချောင်းတာနှင့်တူနေလေပြီ ။
ဒါက မူးယစ်ဆေးဝါးနှင့် လားလားမျှမသက်ဆိုင်တော့ပေ ။"သေလိုက်ပါတော့ Kim Taehyung ရယ်"
ကိုယ့်ကိုယ်ကိုယ် အားမလိုအားမရဖြစ်ကာ ကျိန်ဆဲပြီးနောက် လှည့်ထွက်ဖို့ပြင်လိုက်သည် ။ သို့သော်လည်း ခြေခေါက်၍ အခန်းတံခါးကို ခေါင်းနှင့်ဝင်ဆောင့်လိုက်မိ၏။
"ဘယ်သူလဲ!"
အခန်းထဲကထွက်လာတဲ့ ကျယ်ကျယ်လောင်လောင် အသံကြောင့် Taehyung လန့်ကာ ခြေမကိုင်မိလက်မကိုင်မိဖြစ်သွားသည် ။
မိသွားလျှင် နုတ်နုတ်စင်းခံရမှာသေချာသည်။
ကြံရာမရဖြစ်ပြီး ကြောက်အားလန့်အားနှင့် အနည်းငယ်ဟနေတဲ့အခန်းတံခါးကိုဆွဲဖွင့်ပြီး ဝင်လိုက်သည် ။"ဟူးး"
သက်ပြင်းချပြီးနောက် အခန်းထဲကို တစ်ချက်ကြည့်လိုက်သည် ။
"ဟင်!"
အခန်းထဲတွင် ဖဲကစားနေကြသည့် ယောက်ျားစုကြီးက သူ့အား စူးစမ်းကာဝိုင်းကြည့်နေကြသည် ။
လူဆိုးလိုလို ဘာလိုလိုနှင့် ကြောက်စရာကောင်းသည့်လူတွေက ဝိုင်းကြည့်နေကြသည်မို့ Taehyung လန့်သွားသည် ။
မသိမသာ တံတွေးမျိုချလိုက်ပြီး သွားဖြီးကာ"တွေ့ရတာ ဝမ်းသာပါတယ်"
ထိုလူတွေက သူ့ကိုပြန်မနှုတ်ဆက်ကြဘဲ ရုပ်တည်ကြီးတွေနှင့်သာ ဝိုင်းကြည့်နေကြပြန်သည် ။ပြန်ထွက်ပြေးရင်လဲ ထိုလူအုပ်ကြီးက သူ့ကိုလိုက်ရိုက်ကြမှာသေချာသည်။Club ထဲမှာပင် မရှုမလှနှင့် အသက်ပျောက်ရမည်ဖြစ်၏ ။
![](https://img.wattpad.com/cover/346426383-288-k765096.jpg)
YOU ARE READING
I Will Make You Mine(Completed)
FanfictionJEON JUNGKOOK X KIM TAEHYUNG Stat Date-11.7.2023 End Date-17.9.2023