ထွက်မသွားမီ ခေါင်းဆောင်သည် သူ့သရုပ်ဆောင်ချက်ကို အဆုံးသတ်ရန် မမေ့လိုက်ချေ။
" ပြောပြပေးလို့ ကျေးဇူးပဲနော်၊ အခုတလော လုံခြုံရေးတွေက မကောင်းဘူး၊ ညဆို အပြင်မထွက်နဲ့"
" ဟုတ် ဟုတ် ရဲအရာရှိကြီးတို့ ကြိုးစားကြနော်၊ သူခိုးနောက်လိုက်တာက အရေးကြီးတယ်၊ မြန်မြန် သွားကြတော့"
ရှန်ယွဲ့သည် ခေါင်းတွင်တွင် ညိတ်ကာ လူသ-တ်သမားများက သူမညွှန်ပြလိုက်သည့် လမ်းကြားထဲ အပြေးဝင်သွားသည်ကို ပြုံး၍ ကြည့်နေလိုက်လေသည်။
အရူးတစ်သိုက်။ သူတို့တွေ ပုရွတ်ဆိတ်အိမ်ထပ်တောင် ရှုပ်ထွေးတဲ့ ဒီရပ်ကွက်ထဲဝင်လိုက်ပြီဆိုတာနဲ့ လွယ်လွယ်နဲ့ ပြန်ထွက်လို့ရတော့မှာမဟုတ်ဘူး။
ရှန်ယွဲ့သည် ထိုငတုံးတစ်သိုက်ကြောင့် အော်ရယ်မိမတတ်ဖြစ်သွားတော့သည်။
ရှန်ယွဲ့သည် သိုလှောင်ရုံဆီ ပြန်ရောက်လာချိန်၌ သူမ၏အမူအရာသည် အနည်းငယ် အေးဆေးနေ၏။
" အဲဒီလူတွေ အဝေးကြီးရောက်သွားပြီ၊ သူတို့ခဏနေ ပြန်လာလောက်တယ်၊ သွားစို့၊ ငါ နင့်ကို ခေါ်သွားပေးမယ်"
" နင့်သရုပ်ဆောင် စွမ်းရည်က တကယ်ကောင်းတာပဲ၊ သူတို့တွေကို ကောင်းကောင်း လှည့်စားနိုင်တယ်"
ကျိုးယန်သည် ရှန်ယွဲ့နှင့် ထိုလူသ-တ်သမားတို့ အပြန်အလှန်ပြောစကားကို နားထောင်လိုက်ပြီးနောက် တအံ့တဩနှင့် ပြောလိုက်လေသည်။
"သူတို့တွေ ပါမွှားလေးတွေပါ"
ရှန်ယွဲ့သည် ထိုလူသ-တ်သမားကို လုံးဝ ဂရုမစိုက်ချေ။
ကျိုးယန်လို ကောက်ရိုးအိတ်ကြီးကတောင် သူတို့လက်က လွှတ်အောင် ပြေးနိုင်တဲ့ဟာကို။ အဲလူတွေက ဒီအတိုင်း လူသ-တ်သမားတွေကို သိက္ခာချနေတာ။
ကျိုးယန်သည် ရှန်ယွဲ့က စိတ်ထဲမှ သူ့အားအထင်သေးနေသည်ကိ မသိချေ။ ယခုမူ သူ့တွင် မျှော်လင့်ချက် အမျှင်တန်းလေးတစ်ခုရှိလာရာ သူသည် အသက်ပြန်ရှင် လာသယောင် စိတ်လှုပ်ရှားစွာ မေးလိုက်လေသည်။
YOU ARE READING
အထူးလုပ်ကြံရေးသမတစ်ယောက်ရဲ့ စာမျက်နှာသစ်
Romanceလုပ်ကြံသူအဖွဲ့တစ်ခုရဲ့ ပျိုးထောင်ခံလာရပြီး ၁၃နှစ်တာလေ့ကျင့်လာပြီးနောက်ပိုင်း ရှန်ယွဲ့ဟာ အသက် ၁၇နှစ်အရွယ်မှာတော့ အကောင်းဆုံးလုပ်ကြံရေးသမား ဂုဏ်ပုဒ်ကိုရခဲ့ပြီးတော့ လုပ်ကြံရေးသမားတွေကြားမှာ ပြိုင်ဘက်ကင်း legendတစ်ယောက်ဖြစ်လာခဲ့တယ်။ legendတစ်ယောက်ဖြစ်လာ...
အပိုင်း (၂၅) အရပ်ဝတ်နဲ့ရဲအတု
Start from the beginning