تحضى نار قلبي

-67-

هزيت راسي برفض وحچيت
-شوكت تحن  عليه وترد على اول مكالمه

دزيتله رساله 
ورجعت گعدت يمها وحچيت
-اصب الچ اكل

هزت راسها وگالت
-خابريلي بنيامين عفيه

نمنمه:گدامچ أتصلت عليه و ما رد عليه

غمضت عيونها وحچت
-أريد أنام..

نمنمه:تروحين بالغرفه ترتاحين؟

هزت راسها وگالت
-لا هنا يمچ

ما حبيبت الح عليها
انطيتها غطه خفيف و رجعت اتصل على بنيامين وهو ما يرد عليه
استسلمت للأمر الواقع تمددت لان العمليه هاجت عليه
ما حسيت بنفسي غير نايمه

مر وقت وأسمع صياحهاا تگولل
-والله ماا مامسووويه شي لا تأذوووونييي 
ااااااخخخخخ باااقررر الحگنيييي راحح أمووت باااقرررررر

يمة رااسي يوجعنييي لحگينيي راح أمووتتت
يمة اني بنيتچ ييمة ..

فزيت من نومي مخترعه حتى تأذيت من مكان العمليه

ركضت عليها بحركه مباغته  أخز بيها وأصحيها وهي تهلوس وحرارتها مرتفعه كلش
أحتاريت شسوي وياها
فتحت شالها وازراز دشداشتها وأضرب على خدها وهي فاقده فد مره

أتصلت على بنيامين أكثر من مره ما رد عليه
كررت الاتصال على آخيل نفس الحاله ما رد

صحت لبرشه أجت تركض
من شافت سحاب شهگت وضربت على صدرها

نمنمه:خاوليي بسرعه نسويلها كمادااات

  أباوع لبرشه دموعها مغرگتها
صدت عليه وگالت
-خابري الولد خل يجون ناخذها للمستشفى

نمنمه:اتصلت محد يرد

برشة:جهازچ وين

نمنمه :على الميز يمچ

أخذت جهازي وراحت صحت وراها ما ترد
وحاله سحاب وترتني وخوفتني

بالگوه تاخذ النفس وصدرها يرتفع ليفوگ وينزل بشهگاتها وكلام ما مفهوم

لحضات ورجعت برشه تحچي بسرعه
-هاچ يدك بس يرد گوليله يجيي

أخذت الجهاز منها شفته بس رقم
وفتح خط
أشرت الها همست
-ضيغممم

خزرتها وحچيت
- الوو ضيغم وياي!

رد بستهزاء
-لا المتنبي  بحد ذاته

نمنمه:نعم؟

رد بأقناع
-خايبه مخابره على خطي أكيد اني إلي أر قابل أبوي بگبره يرد

ردت أحچي سبقني يگول
- يابه تحچون لو لا روحي معلگه بطارف خشمي
وعلى بال لساني يهلهل

عرفت قصده يفشر لهل سبب أختصرتها
-سحاب حرارتها مرتفعة وتهذي بالكلام وما ترضى تصحى
أتصل على بنيامين ما ير عليه لا هو ولا آخيل