Promises Beneath The Blue Clouds (Rich Girls Series #4)

CHAPTER 25

"For sure magugustuhan mo 'to." Ngumiti s'ya sa akin at hinawakan ng mahigpit ang kamay ko. Tumango lamang naman ako at mas lalo pang lumapit sa kan'ya.

Nang malaman ni Benjamin na nasa Pasay ako, kaagad s'yang nag-aya na magha-hot air balloon daw kami. No'ng una hindi ako pumayag dahil kadarating ko lamang ng Pasay at kailan kong magpahinga, pero dahil mahal ko si Benjamin pumayag na rin ako hindi kalaunan, pero sabi ko sa kan'ya after namin maghot air balloon, doon muna ako sa hotel n'ya mag-s-stay dahil matutulog ako. Kagabi lamang kasi ng 6:30 PM lumanding ang pinapalipad kong eroplano sa NAIA, habang si Benjamin naman ay no'ng nakaraang linggo pa nandito sa Pampanga, sa Clark kasi lumanding ang pinapalipad n'yang eroplano. 'Yong hotel ko nasa Pasay habang 'yong kan'ya naman ay nandito sa Pampanga, pero okay lang malapit lang naman ang Pasay sa Pampanga. Mahigit isang oras lang naman ang biyahe.

"Inaantok ka pa rin ba, Remi?"

"Medyo na lang. Hindi na tulad kanina."

3:30 AM ako umalis ng Pasay at nakarating ako ng Pampanga 4:50 AM, dumiretcho kaagad ako sa hotel ni Benjamin at nagstay ng ilang minuto doom bago dumiretcho dito.

"Tara na!" Hinawakan ko ang kamay ni Benjamin at tinakto na ang lugar kung nasaan ang mga hot air balloon.

Ang ganda!

Nanginginig na ang mga tuhod ko!

Nang nasa mga hot air ballon na kami kaagad na kaming nakisiksik ni Benjamin sa mga tao para makita nang malapitan ang mga hot air balloon, siyempre hindi mawawala ang picturan at habang tinuturo ko nga kay Benjamin ang hot air balloon na gusto kong sakyan namin, nahagip ng mga mata ko si Valkyrie na nasa mismong harap ng isang angry bird na hot air balloon. May kasama s'yang camera man at halatang iniinterview n'ya 'yong lalaking nasa tabi n'ya, nasa tapat kasi nito ang mic.

Hindi ko inalis kay Valkyrie ang mga mata ko. Tinitigan ko lamang s'ya hanggang sa napansin na n'ya ako. No'ng una hindi n'ya ako pinansin pero nang matapos na s'ya sa pag-i-interview doon sa lalaki, lumingon ulit ito sa akin at ngumiti, kinawayan ko naman s'ya at nginitian pabalik.

Sa wakas maipapakilala ko na rin sa kan'ya si Benjamin. My boyfriend.

"Sinong kinakawayan mo?"

"Kita mo 'yon," Tinuro ko si Valkyrie na ngayon ay abala sa harap ng camera. "Si Gracen Paloma, 'yong sa Good Evening Philippines, kaibigan ko 'yon!"

Lumaki naman ang mga mata ni Benjamin at halatang nagulat sa sinabi ko.

"Bale lima kaming magkakaibigan. Alam mo ba 'yong CF's Mall? Kaibigan ko rin 'yong anak ng may-ari no'n, si Camari. Tapos kilala mo rin ba si Sydney Mavis? 'Yong dating artista? Kaibigan ko rin 'yon, tapos diba 'yong Mayor sa Zamboanga ay si Mayor Dela Martin, 'yong nag-iisang anak no'n na si Michael, kaibigan ko rin 'yon. Tas 'yong isa ko pang kaibigan na si Delaney, minsan doon kami sa hacienda nila nagbabakasyon, pero no'n pa 'yon, no'ng mga wala pang asawa 'yong tatlo kong kaibigan." Ngumiti ako ng mapait at inalala 'yong mga panahong nagbobonding kaming magkakaibigan sa hacienda nila Delaney. Namimiss ko 'yon. Kailan kaya ulit 'yon mangyayari?

"Lahat pala kayo ng mga kaibigan mo, mayayaman..."

"Ha?" Napalingon ako kay Benjamin hindi dahil sa sinabi n'ya kundi dahil sa tono ng boses n'ya. It was a low, melancholic and timid voice.

"Wala," Ngumiti s'ya ngunit hindi ito umabot sa kan'yang mga mata. "Tara, sakay na tayo sa hot air ballon." Ngumiti s'ya ulit at hinila na ako papunta sa mga hot air ballon. Nagpatianod naman ako sa kaniya hanggang nasa loob na kami ng hot air balloon. Kaagad na umarko ang mga labi ko nang maramdaman na unti-unting nang tumataas ang hot air balloon kaya kaagad akong lumingon sa ibaba. Katulad ng inaasahan ko ang lahat ng mga tao sa ibaba ay kumakaway sa amin, hindi lamang sa amin ni Benjamin kundi sa lahat ng mga hot air balloon na ngayon ay nasa mga himpapawid na.