بعد اسبوع مليان بالمناسبات بمناسبة قومة ابو سطام بالسلامه كانو اهل الديره كلهم سعيدين بسلامته
اتصلت ام السيف على سلطانه تعطيها خبر انها بتزورها اليوم
دخلت ام السيف لبيت سلطانه ولقت ليلى وسلطانه جالسين وينتظرون جيتها
استقبلتها سلطانه با ابتسامه:- يامرحبا يام السيف تو مانور داري
ام السيف:- منور فيك ياحبيبتي
كانو جالسين ويتقهوون ويسولفون ويتذكرون مواقف طفولتهم وكيف انهم مع بعض ايام عمرهم كلها
ام السيف ب فرح:- ياسلطانه جيتك بطلب وابي رايك وراي المها فيه قبل يوصل الموضوع للرجال
سلطانه بخوف:- امري ياخيتي وش طلبك
ام السيف:- ولدي سياف يبغى بنتك المها بنت الحسب والنسب
سلطانه بفرح:- ياسعد عيني والله وابرك الحزات بالنسبه لي ف والله انه اغلى من ياخذ بنتي لكن بستشيرها وابشري
ام السيف:- عسى الله يطول بعمرك ياخيتي
ليلى بفرح:- ياهينالنا وبناتنا عندكم
ام السيف:- طول عمري ماشوفهم الا بناتي كيف وهن حريم عيالي
كملو سوالف وقهوه لين المغرب وأستاذنت ام السيف ترجع لبيتها
ام السيف:- ياخيتي ياسلطانه قولي للمها انه دكتور ومعروف ومن خيرة الرجال لكن اسالي ابوي عنه عشان تريحين بالك
سلطانه:- ابشري بكلمها وعسى الله يسخرها تعرفين المها عنيده ومايعجبها شي
استاذنت ليلى ترجع لبيتها عشان سلطانه تكلم بنتهت عن الموضوع براحه وخصوصيه
دخلت سلطانه غرفت المها ونطقت :- طول عمرك يالمها تقولين ماباخذ انسان عادي ابي لي زوج له منصب يليق بي
المها بضحكه:-وللحين ماجاء المنصب اللي يليق بي
سلطانه بتوتر :- الدكتور سياف بن بهاج يبيك يابنيتي
المها ابتسمت بفرح وهي تحبه بس بينها وبين نفسها ودائماً تتمنى هالشخص يكون من نصيبها لكن يبقى كبريائها يغلبها ونطقت بحد:- بفكر واستخير وان وارد لكم
حضنتها سلطانه بحب وهي تشوف منها ليونه لهذا الموضوع رغم كبرياء المها اللي دايم يغلبها ويمنعها توافق تتزوج اي شخص
سلطانه بفرح:- بتصيرين سلفة ميعاد !
المها :- لهذا السبب انا موافقه
سلطانه:- استخيري يابنتي وردي لي
طلعت سلطانه من عند المهاء واتجهت المها لسريرها بتوتر ونطقت:- معقوله يحبني ؟ معقوله هالشي اللي بداخلي له وصل له اهخ ياسياف عسى الله يكتب اللي فيه الخير
عند ليلى دخلت بفرح على ميعاد ونطقت :- ميعاد وش البشاره
ميعاد:- ابشري يمه وش صاير ؟
ليلى:- سياف خطب المها
ميعاد بفرح:- صدق يمه
ليلى :- ايوالله يابنيتي اليوم ام السيف كلمت سلطانه
ميعاد بفرح :- حمدلله يارب تحققت امنيتي وبصير سلفة المها وانشب لها
غاليه:- احس انهم مسوين عليكم عروض
" اخذ وحده والثانيه مجاناً "
ميعاد خزتها ونطقت:- عقبال العروض عليك انتي وغدير
غاليه:- من فمك لباب السماء يارب قريب
ليلى :- غاليه ماتستحين انتي
غاليه بغمزه:- يمه ابي اصير ام جسار قبل ميعاد
فزت غاليه من شافت امها ترمي عليها المخده وتتوعد فيها
الساعه 12 الظهر دخلت المها على امها ب احراج
المها:- يمه انا لي يومين افكر واستخرت اكثر من مره وارتحت ل سياف وانا موافقه
سلطانه بدموع:- صدق يمه
المها:- يمه لا شوف دموعك اذا ماتبغين خلاص نكنسل
سلطانه:- هذي دموع الفرح طول عمري انتظر هذي اللحظه
حضنت المها امها وتخبت بصدرها بكل خجل وتوتر
فزت سلطانه لابوها تساله عن سياف واخلاقه لانها قررت العصر تعزم ام السيف وتعطيها خبر
ابو سطام:- ياهلا ب اكبر واغلى بناتي
سلطانه:- عسى الله مايحرمني منك ومن حبك يايبه
ابو سطام :- بخاطرك علم يابنتي وش اللي بغيتيه
سلطانه:- يبه وش رايك في سياف ابن بهاج
ابو سطام :- ونعم الولد رافع راسي ب شهادته ودراسته واصبح دكتور وخيره للناس كلهم
سلطانه:- يايبه سياف خطب المها وابي شورك
ابو سطام:- يابنيتي والله انه من خيرة الرجال واطيبهم ومايعيبه شي ابد
ارتحت سلطانه لكلام ابوها وابتسمت بحب واتجهت لليلى تبشرها وتعلمها ان ام السيف بتجيها اليوم وتعطيها الخبر
عند ليلى كانت جالسه وامها عندها ويناظرون للتلفزيون دخلت سلطانه واثار الابتسامه واضحه على ملامحها
سلطانه:- يمه المها خطبها سياف ابن بهاج
ام سطام:- ابرك الساعات يابنيتي تستاهل المها
سلطانه:- الليله بتجيني ام السيف وبعلمها ان المها وافقت وارتحت
ليلى:- الله يتمم لهم على خير ويوفقهم
ام سطام بدموع:- كبرو حفيداتي وصارو عرايس
ليلى :- العمر يمشي يايمه عسى الله يحسن الخاتمه
الساعه 5 العصر دخلت ام السيف عند سلطانه وكانت بتطير من الفرح وهي تشوف وجيهم اللي تدل على الموافقه والرضاء
ام السيف:- بشري عسى المها وافقت وصرنا قرايب
سلطانه:- يام السيف حتى ولو ماوافقت انتي اختنا
ام السيف:- ودي بقرب منكم من المها
سلطانه :- والمها وافقت وعسى الله يوفقهم
ام السيف ابتسمت بحب من سمعت هذا الكلام وهي سعيده لان عيالها ربحو اجمل بنات الديره واحسنهم نسب حفيدات الشيخ
نطقت ام السيف:- خبرو بناتكم ان الزواج بعد شهرين ودي اجمع عيالي
سلطانه بفرح :- الوقت اللي يناسبكم ماعندنا مانع
ليلى بهدوء:- ميعاد ماهي مستعده وماعندها زواج لين تخرج
ام السيف:- كلميها كود ان ربي يهديها
ليلى :- والله ان اخر ماكلمتها اليوم ورافضه نهائي
ام السيف بضيق:- لو كلمتها انا بتوافق
ليلى :- لاتحاولين ميعاد صغيره وماتقدر تجمع بين الزواج والدراسه
ام السيف:- بس حنا جيران ماراح يتغير عليها شي
دخلت ميعاد عليهم وهي تجهل وجود ام السيف وتجهل موضوعهم
ابتسمت بحب :- اهلين ياخاله واقول ليه الدار منور
ام السيف:- منور فيك يابنيتي
اتجهت ميعاد للدرج بتروح لغرفه المها لكن نادتها ام السيف بهدوء :- ميعاد يابنيتي السيف يبي زواجه مع اخوه
ميعاد:- ياخاله انا شرطي ماعندي زواج الا بعد الدراسه
ام السيف بضيق:- الله يهديكم ويكتب اللي فيه الخير
YOU ARE READING
في كل حزة لك مع البال ميعاد
Romanceانا" ميعاد بنت جسار " بطلة هذي الروايه عشت معاناه ايام وسنين واختصرتها لكم , عشت ايام عمري على تلك الامنيه : "وهي ان أكون جريئة لإني جداً أكره الخجل وأنا طبعي خجوله " لكن الحياه جعلتني قويه وجريئة .. وجود السيف بحياتي كان اقوى دافع لي للقوه : عل...
