المها ب ابتسامه:- كنت اقول ما راح اخذ اللي شخص له منصب فعلاً واخذت دكتور ! يليق بك يالمها اتجهت لسريرها تنام وهي سعيده بخطوبتها
عند ام سطام وبناتها جالسين بالحوش الخلفي وتتوسطهم القهوه والحلويات والمكسرات
سلطانه:- والله ما ادر هو يمدي المها تتجهز لزواجها ولا الوقت ضيق
ليلى:- لا ان شاءالله يمديها خليها تاخذ على مهلها
ام سطام:- الا وراه السيف ما اعرس مع اخوه
ليلى:- عيت ميعاد تقول لين اخلص دراستي
ام سطام:- هالميعاد عنيده وبالحيل الله يعين السيف
ليلى بحب:- يايمه ميعاد احن بنت بس ماتحب احد يفرض رايه عليها
سلطانه:- وليه مستنكره عندها يايمه وهي حفيدتك اللي ربت بين يديك
ام سطام بضحكه :- اي والله انها خذت مني هالطبع الشين
دخل ابو سطام ونطق:- لا والله ماهوب شين مازاد غلاك الا هالعناد
ام سطام بخجل:- عسى الله لايحرمني منك ومن غلاك
سلطانه بحب:- عسى ربي مايحرمني منكم
الساعه12 الظهر صحو كلهم يستعدون ل اجتماع ابو سطام اللي قرر يكون بالحوش للعائله كلها
ميعاد بالمطبخ:- بسوي كيكه جدي عشان ينبسط عليها
غاليه:- ميعادي كوكيز تكفيين عشان انبسط انا بعد
ميعاد:- من عيوني لو تبغين اسوي لك منيو كامل انتي تامرين !
ليلى:- ياميعاد دلعك هذا هو اللي خلاها ماتعرف تطبخ
ميعاد:- يمه هذي غاليه ماقدر عليها
غاليه بمحارش:- ميعاد لاتتزوجين ليلى بتكرفني بعدك
ميعاد بعصبيه:- غاليه ليلى هذي امك
غاليه بغمزه:- امي اسمها ليلى صح ؟
ليلى بعصبيه:-خليك منها ياميعاد هالبنت مجنونه
ضحكت ميعاد بحب من محارش غاليه المعتاد بدو يجهزون الحلويات والقهوه
عند بيت سلطانه كانو يستعدون للاجتماع والمها متردده تروح لان امس خطوبتها ومستحيه تواجههم
سلطانه:- يابنيتي عادي هذي سنه الحياه وابوي طلبنا كلنا لاتخلينها بخاطره
المها:- بقوم اسوي معك الشاهي والمعجنات ونخلص بسرعه
سلطانه بحب:- خلصت يا امي شغلي كله
المها:- ياعسى ربي يخليك لي يايمه
سلطانه:- ويخليكم لي يارب
الساعه 6 بعد صلاة المغرب كانو مجتمعين بالجلسه الخارجيه ابو سطام واولاده وبناته وحفيداته والنار تتوسط جلستهم والقهوه وحلويات والشاهي والمعجنات
ميعاد بحب :- يبه سويت لك الكيكه اللي تحبها
ابو سطام بحنيه:- والله اني ادعي واقول عسى ميعاد سوتها لي
ميعاد:- وليه ماطلبتها يبه مني والله اني ل اسويها بكل حب
ابو سطام :- ماودي اتعبك يابنيتي
ليلى بحنيه:- يايبه لو تبي عيوننا انت تامر عليها اللي تبيه اطلبه
ام سطام بمحارش:- اشوف محد سوا لي الحلا اللي احب
سلطانه بضحك:- يمه انتي ناسيه انك ماتحبين الحلويات
ام سطام :- الا فيه حلا احبه وميعاد تعرفه بس ماتسويه
ميعاد وهي ترفع الصنيه:- هذا يام سطام ؟
ام سطام بحب:- ياحبيبتي يابنيتي والله اني مغير ابي اضحكم بغيرتي
ضحكو كلهم بحب من كلام الجده ومحارشها اللي مستحيل تخلى الجلسه منه
غاليه بضحكه :- يمه ترى اللي سويته انا مو ميعاد
محمد:- كذبتي ياغاليه انتي ماتعرفين تسوي قهوه بتسوين هالحلا
غاليه بتمثيل :- حرام عليك ياخالي جرحت مشاعري
ابو سطام :- عطوني من حلا غاليه اذوقه
غاليه ب احراج:- يبه امزح ماسويته
محمد:- قايل لكم هالغاليه رفلا ماتعرف تسوي شي
سلطانه:- هي وغدير يبي لهم تعليم من جديد ميعاد والمها ماعادهم طويلات رفقه
ليلى بضحكه:- صحيح ياسلطانه يمه اخذي بناتنا علميهم السنع والطبخ
شهقت غدير:- يمههه لا تكفين جدتي ب تهاوشني لاتخلينها تعلمني
ام سطام :- هاتوهم عندي والله ل اعلهم السنع واخلي كل الديره يتكلمون ب سنعهم
غاليه:- لا يمه تكفين انا مستعده اتعلم من نفسي جدتي بتطلع قلبي مو بس سنعي
ام سطام:- هاوالله مايعلمكم غيري يالعوبات
ضحكو كلهم من خوف غدير وغاليه وعصبيه الجده اللي بانت من احمرار وجهها
ابو سطام بضحكه:- ترفقي بهم يام سطام تراها رهيفات
غاليه :- يليت الناس كلهم مثل قلبك يبه
كملو سهرتهم وسوالفهم بكل حب وحنيه ومحارش وانتهى يومهم وارواحهم خفيفه واتجهو لبيوتهم ينامون
YOU ARE READING
في كل حزة لك مع البال ميعاد
Romanceانا" ميعاد بنت جسار " بطلة هذي الروايه عشت معاناه ايام وسنين واختصرتها لكم , عشت ايام عمري على تلك الامنيه : "وهي ان أكون جريئة لإني جداً أكره الخجل وأنا طبعي خجوله " لكن الحياه جعلتني قويه وجريئة .. وجود السيف بحياتي كان اقوى دافع لي للقوه : عل...
