الساعه 12 انتهى العقد على خير وكان الكل سعيد ومبسوط لان ميعاد حبيبة اهلها وانيستهم وكلهم يفرحون لفرحها ويزعلون لزعلها ناظرت للباب اللي انفتح ورفعت راسها شافت خوالها كلهم جاين لها يشاركونها الفرحه ويباركون لها
سطام :- مبروك ياميعاد اخذتي اللي يليق بك
ميعاد بخجل:- الله يبارك فيك ياخالي
محمد بغمزه:- ماشاءالله صرتي كبيره وتزوجتي قبلي
ميعاد ب احراج :- عقباااالك حبيبي
محمد :- على حبيبة الطفوله
ام سطام بحده:- ماعاد ودنا بالحب ياوليدي
غيرت سلطانه الموضوع وقالت:- الا وشرايكم فيه؟
سالم بهدوء:- سطام في غنى عن راينا رجال ورافع راس ابوه بكل مكان
سطام :- ونعم الولد والله اخلاق ورجوله وخيرة عيال الديره
ليلى:- الله يوفقهم يارب ويبني بيتهم
استاذنت ميعاد وطلعت لغرفتها عشان ترتاح وتنام لكن النوم بعيد عن عيونها وهي مليانه ب مشاعر حلوه بدلت فستانها وغسلت الميكب وصلت الوتر كالعاده وراحت لفراشها وتذكرت تفاصيل وجود السيف جنبها وطريقه كلامه ابتسمت بحب وهمست:-
جابك الله من بياض الفال والحظ الكبير
و أستبشرت بك ضلوع صدري وفزت
ونامت بعد ليله مليانه بالمشاعر والحب
الساعه 10 الصباح صحو الكل وقررو يتجمعون بالمزرعه ويبدون اجازتهم هناك كالمعتاد
ليلى وهي تصحي غاليه:- يابنتيي قومي اهلي بالسياره ينتظرون
غاليه:- يمه تكفين احد يروح مزرعه هالوقت
ليلى :- غاليه والله لو ماقمتي ل تقعدين بالبيت
فزت غاليه بخوف وهي تكره انها تبقى لوحدها
وابتسمت ليلى ب انتصار وقالت:- ماتجين الا بالتهديد
توجهو الجميع للسيارات واتجهو للمزرعه
ميعاد:- يبه وشرايك نعيد هالسنه بالمزرعه؟
ابو سطام :- ابشري يابنيتي انتي تامريني ماتشوريني
ميعاد:- الله يخليه لك يارب
ابو سطام:- امين ويخليكم لي ولايحرمني منكم
ام سطام بضحكه :- يابو سطام اعزم بهاج واهله ينبسطون بالمزرعه معنا
ابو سطام :- يام سطام اخاف ياخذ بنيتي وينحاش بها ولدهم ماهوب هين
توترت ميعاد وحست بدوخه من كثر الاحراج
ضحكت ليلى وقالت:- حلاله يايبه خل يريحنا منها
ابو سطام ضحك بحب وناظر في ميعاد وقال :- يابوك امزح معك لا تزعلين مني
ميعاد:- يبه ما ازعل منك البنت ماتزعل من ابوها
ابتسم ابو سطام من كلام ميعاد وكيف انها دايم تقوله ابوي وكانه عوضها عن ابوها
وصلو للمزرعه وكان الجو غيوم وفرشو الجلسه عند النخل
ميعاد:- يبه سويت لك الكيكه اللي تحبها
ابو سطام :- ماحببتها يابنيتي الا وهي من يدينك
ام سطام بغيره:- ايه وانا ماعندي احد يسوي لي
غاليه بمحارش:- ياجده بسوي لك اللي تبين امري بس
ام سطام بغضب من كلمه جده :- لاتسوين لي شي مير لا تناديني جده!
ابو سطام بمزح :- افا يام سطام اجل منتي بجدتها
ام سطام :- ماني جدة احد
ضحكو بحب من عصبيه الجده ومحارش غاليه المعتاد
العصر كانو جالسين كلهم بالمزرعه ومبسوطين بالاجواء الحلوه ورشات المطر اللي تشرح الصدر
في الديره في بيت ام السيف كانو جالسين بالحوش
ام السيف:- سياف ياولدي مارديت لي بالموضوع
سياف :- يمه انا اسخترت كثير وانا مرتاح لها ورأيي من رايك
ام السيف بفرح :-اللهم لك الحمد بيجي اليوم اللي ازفك فيه
السيف :- يمه خلي زواجي انا وياه مع بعض
ام السيف:- المها خلصت دراستها ولا ميعاد توها
سياف:- يمه انا مستعجل ودي هالسنه اكون قضيت
السيف بضيق :- وكلمي ميعاد يمكن يهديها ربي
ام السيف بفرح :- يارب توفقكم وتتمم فرحتي فيكم
ابو السيف:- والله وخذيتو حفيدات ابو سطام رفيق عمري والله ان جوني ضايقين منكم ل اكسر العصا عليكم
ضحكو السيف وسياف من تهديد ابوهم وغمزت ام السيف وقالت :- عيالك قلوبهم خضرا ع حفيدات ابو سطام
ابو السيف:- قلوبهم نفس قلب ابوهم ياشما
استحت ام السيف من غزل ابو السيف ونزلت عيونها بالارض
وغمز السيف:- ماخبرتك خجوله يام السيف
ام السيف:- اعقب ياولد بهاج
ضحكو كلهم من احراج ام السيف وبدو يتقهوون ويتبادلون السوالف
YOU ARE READING
في كل حزة لك مع البال ميعاد
Romanceانا" ميعاد بنت جسار " بطلة هذي الروايه عشت معاناه ايام وسنين واختصرتها لكم , عشت ايام عمري على تلك الامنيه : "وهي ان أكون جريئة لإني جداً أكره الخجل وأنا طبعي خجوله " لكن الحياه جعلتني قويه وجريئة .. وجود السيف بحياتي كان اقوى دافع لي للقوه : عل...
