في كل حزة لك مع البال ميعاد

بارت "24"

الساعه 10 الصباح صحت ميعاد على صراخ امها ودموعها اللي خوفت ميعاد وعجزت توقف على رجولها من هول الصراخ
وقفت ميعاد واتجهت لامها بكل خوف ونطقت :- يمه شفيك شصاير
ليلى حضنت ميعاد:- ابوي ياميعاد ابوي
ميعاد وهي تجلس على ركبتها :- شفيه يمه شفيه تكفين
ليلى:-ابوي تعب وحالته خطيره يامعياد ابوي بيروح مني
ميعاد بصراخ ودموع وهي تتذكر كلامه:- لااا يمه مابيموت ابوووي بيكون بخير وبيطيب لا تقولين كذا تكفين يمه
ليلى :- ياميعاد المستشفى قالو وضعه خطير خطير وانهارت ليلى بحضن ميعاد وهي تضرخ وتصيح
وقفت ميعاد بكل تعب ونطقت:- خلينا نروح لجدتي هي تحتاجنا معها هالوقت ساندت ميعاد امها ووصلت لبيت ام سطام بكل ضيق وخوف وتوتر
ام سطام حضنت ميعاد وهي تدري انها اكثر انسانه تكتم شعورها وضيقها:- ميعاد يامي ابوك بخير وبيرجع لنا بخير وعافيه لاتضيقين
ميعاد بتنهيده:- تعبت من شعور الفقد تعبت يمه
سلطانه:- ميعاد خلي ثقتك كبيره بالله ابوي بيكون بخير
ليلى:- لاتعشمون ميعاد ابوي ماهو بخير

عند بيت ابو السيف جالسين يتقهون بضيق وحزن على تعب ابو سطام
ابو السيف:- وش حال بناته ياشماء بعد ماجيتهم
ام السيف:- كلهم ضايقين ويبكون مافيهم اللي راضيه عسى ربي يرده له صحته وعافيه
السيف عوره قلبه وتنهد بضيق وهو وده يسال عن حال ميعاد لكن خايف من رد امه خايف يكون تفكيره صح ومابيده حل
ام السيف وهي تشوف حال ولدها نطقت:- بس ميعاد تعبانه ولاهي راضيه تاكل ولا تشرب وماسكه دموعها ولاتبي تنزلها وتقول تعبت من الفقد وتذرف دموعها
ابو السيف:- الله يعين على هالدنياء ويقوي قلوبهم
السيف طلع من البيت وهو ضايق يبغى يوصل لميعاد ويشيل هالحزن والضيق منها لان خوفه يتعمق هالحزن فيها تنهد بضيق واتصل على سلمان يبغى ياخذه من هالاجواء

عند بيت ابو سطام دخل محمد بدموع ونطق:- الدكتور قال ان وضع ابوي حرج ويقول حاولو تكونون معه هاليومين وحالته ماراح تستقر اللي يبغى يسلم عليه يروح يمكن يكون اخر سلام
ليلى وسلطانه انهارو وكان صراخهم مالي البيت ودموعهم ماوقفت
فزت ميعاد بدموع ونطقت :- تكفى ابي اروح له واسلم عليه طلبتك ياخالي
محمد:- يالله تجهزو كلكم بنطلع له يايمه لازم تزورينه
ام سطام ب انهيار:- يويل قلبيييي عليك يابو سطام يا حبيبي وصديقي يويلي من الدنياء من بعدك يارفيق ايامي
محمد بدموع :- يمه انا معك وانا ظلك وسندك لاتضيق بك دنياك وانا عندك
طلعو كلهم واتجهو للمستشفى بكل ضيق وحزن وكانت هذي اصعب لحظات حياتهم واطول طريق يمشون فيه

عند سلمان والسيف كانو ماشين ومتجهين للمستشفى عند ابو سطام
السيف:- سلمان هذا حالك وانت رجال كيف تسوي كذا وانت تدري ان اهلك بيضيقون وهم يشوفونك ب هذا الضعف
سلمان بضيق:- حالي هذا من وضع اهلي اللي مايسرك والله الييت مقلوب فوق تحت وكلن ضايق
تنهد السيف بحزن وهو ضايق من حزن اقرب اصحابه وحزن زوجته اللي مايقدر يشيله عنها او يشاركها حزنها
وصلو للمستشفى وكانو متجهين لغرفه ابو سطام ووقفهم نبرة صوت ميعاد اللي مستحيل يكونون جاهلين فيها السيف ولا سلمان
ميعاد بصراخ:- يمهههه تكفيييين ليه جدي نايم ليه مايحس فينا جدي قوي هذا مو جدي لاااا
فز سلمان وحضن ميعاد وهو يشوف انهيارها وضيقها وكلامها اللي غيرمفهوم
سلمان وهو يحضن ميعاد:- خليك قويه جدي مايحب يشوف هالضعف فيك
ميعاد:- انهد حيلي بتعبه كيف لو صار فيه شي تكفى ياسلمان
لايصير فيه شي
ليلى بدموع:- يابنيتي لاتضيقين وهذا امر الله
لف السيف بضيق وهو يشوف ميعاد بهذا الضعف وادرك ان ماراخ تتخطى ميعاد هالموقف وهذي اللحظه ضاق صدره وتكدر خاطره بعد ماسمعها تقول :- اسودت الدنياء بوجهي ياسلمان وهو يكره يشوف احد بهذا الضيق قرر يطلع برا يشم هوا لانه مختنق وضايق حاله من وضعهم تنهد بضيق وقال
: يارب تلطف بهم وبقلوبهم وانت اعلم بحالهم