"الساعه ٤ العصر جالسه ليلى بالحوش و قدامها ترمس القهوه و الشاي و كيكة الطيبين رفعت راسها للباب الى انفتح و دخلت امها ابتسمت بفرحه و رحبت فيها"
جلست ام سطام بعد ماخذت فنجال القهوه ونطقت بصرامه:-انا جايه ابيك بموضوع ولا فيه مجال ترديني فيه
ليلى عقدت حاجبها:- وش الموضوع يمه؟
ام سطام حطت يدها بيد ليلى :-ميعاد كبرت وتخرجت من الثنوي وهذا الوقت تصير عروسه لنياف
ليلى بلعت ريقها:-اي ماعليه بس الشور الاول والاخير لميعاد ولخوانها باخذ رايهم وارد لك خبر
ام سطام قامت وهي تعدل عباتها:-حنا يوم نطلب يا ليلى ماننرد ولا على اخر عمرك تردين امك عشان بنتك؟
ليلى قامت:-افا يمه ماعاش الى يرد كلامك بس
قاطعتها ام سطام وهي ترفع يدها بوجها:-لا تبسبسين على راسي البنت لنياف وانتهينا
"طلعت ام سطام بعد ما اطلقت قرارها الصارم و الواضح انه بيصير الى تبيه"
"بعد مرور وقت قصير من الي صار جاء لليلى اتصال"
ليلي رفعت الجوال:-هلا يمه ماجد
ماجد:-هلابك يمه جاني اتصال من خالي سطام يطلب ميعاد لنياف وش شورك؟
ليلى تنهدت وهمست:-موافقين يمه
ماجد ماعجبه تنهيده امه:-في شي صار؟
ليلي بتسمت بتصنع:-لا يمه
ماجد:-اجل فمان الله
ليلي-فمان الكريم
"عند بطلتنا ميعاد الى كانت جالسه عند غاليه وتشرح لها فرحتها بتخرجها وانا اخيرا بتدخل الجامعه"
غاليه ضحكت:-تخيلي بس تخرب فرحتك وتجينا جدتك المتسلطه وتخطبك لواحد من عيال خوالي
ميعاد كشرت و ضربتها بخفه:-وجع وراه تخربين فرحتي يالعوبه
غاليه شمقت:-اشوا ماتخرجت وغمزت عشان ما اتزوج بسرعه
ميعاد زمت شفتها بتفكير لو صدق انخطبت وش بتسوي؟
غاليه قامت:-امحق عادات و تقاليد من اهل الديره المهم بنزل لأمي تجين؟
ميعاد انسدحت:-لا بنام
"بعد مرور يومين وصل ماجد للديره عشان موعد الخطبه الرسميه و ببيت الجده كان الكل متجمع من ناحيه الخوال و ليلى اما البنات كانو بالبيت والى الان ماعندهم علم
YOU ARE READING
في كل حزة لك مع البال ميعاد
Romanceانا" ميعاد بنت جسار " بطلة هذي الروايه عشت معاناه ايام وسنين واختصرتها لكم , عشت ايام عمري على تلك الامنيه : "وهي ان أكون جريئة لإني جداً أكره الخجل وأنا طبعي خجوله " لكن الحياه جعلتني قويه وجريئة .. وجود السيف بحياتي كان اقوى دافع لي للقوه : عل...
