في كل حزة لك مع البال ميعاد

بارت"8"

الساعه 10 الصباح في بيت ابو السيف صحى السيف يتجهز لدوامه وشاف امه جالسه بالحوش ومعها ليلى

السيف بصوت جهوري :- درب ياولد
ام السيف :- تعال يامي مامن غريب خالتك ليلى

تقدم يبوس راس امه ونطق:- صباح الخير ياحلوة اللبن
ام السيف:- صباحي خير يومه بدا بك يامي
السيف:- شلونك ياخاله عسى امورك زينه
ليلى :- بخير ياوليدي الحمدلله

السيف:- يالله يمه طالع لدوامي ودك بشي ؟
ام السيف:- استودعتك الله ياحبيبي

تقدم بيطلع لكن وقف من سمع اسمها من بين كلام امها اللي كانت تشتكي وتفصفض عن اللي صار لها

ليلى بحزن:- ماودها به وانا جبرتها , ويوم تكلمت وفرضت رايها ما اعجب امي الموضوع ولنا سنتين ب هالمشكله
ام السيف:- طيب ميعاد ليه رافضته وهو مايعيبه شي ؟
ليلى:- كانت راضيه به مير انها سمعته ويكلم ويقول باخذها اكسر خشمها وغرورها

السيف طلع وهو مقهور كيف فكر نياف هذا التفكير وليه ميعاد بذات ركب سيارته وتعوذ من ابليس من جت بباله فكرة انه ياخذ ميعاد ويخليها تحت ظله وحمايته ومايمسها شي ...

بالجامعه كانت ميعاد جالسه وتكلم شهد عن ابتعاد نياف وسكوت جدتها عن هذا الموضوع

ميعاد بصداع:- مدري ياشهد سكوتهم يخوفني وراهم شي كبير انا اعرف جدتي ونياف

شهد بعصبيه:- وراه ماتكلمين اخوك وتنهين هذي المهزله  !
ميعاد بتنهيده:- بسسس اخوي لو درا بتكبر السالفه

شهد:- بتهون ان شاء الله  لا تتعبين نفسك بالتفكير

الساعه 5العصر في حوش الجده :
ميعاد :- بنات شرايكم نروح البقاله ؟
غاليه:- يلا تمم بس بشرط نروح على رجولنا
المها:- يالله بسرعه قبل ياذن المغرب
الجده:- ودعتكم الله وانتبهوا على انفسكم

اتجهوا البنات بكل حماس للبقاله ، وكانو مبسوطين بالاجواء والغيوم وشافو ام السيف تمشي ومعها كم غرض وراجعه بيتها
غاليه :- ميعاد لاتسوين نفسك الحنونه وتروحين تركضين لها
المها:- ايي صدق ميعاد لا تروحين لها قلنا لجدتي مابنطول
ميعاد:- حرام عليكم حرمه كبيره بالسن بروح اساعدها وانتو خلصو اغراضكم
غاليه:- تمام اهمشي لا تطولين علينا

فزت ميعاد ومسكت يد ام السيف وباست راسها

وقالت:-مساء الخير ياخاله وشهوله تروحين مشي كان اتصلتي على امي اجيب اغراضك
ام السيف بحب:- ياحبيبتي مابغى اتعبك يامي وانا قادره اجيب لزومي
اخذت الاغراض من يد ام السيف ومشت متجهه للبيت
ميعاد:- فيه احد بالبيت ؟ ولا ادخل الاغراض جوا
ام السيف :- لا يابنتي السيف بالدوام وسياف بالرياض ادخلي
دخلت ميعاد وحطت الاغراض :- يلا ياخاله بروح لامي والمره الجايه كلميني اجيب اغراضك نفس ماقلت لك

ام السيف حضنت ميعاد ونطقت وعيونها مليانه دموع :- صحيح ان ربي مارزقني ببنت بس والله انك عوضتيني عن البنات كلهم
ميعاد:- ياحبيبتي ياخاله اعتبريني بنتك واختك لاتضيقين ولا تنزل دموعك

طلعت ميعاد وهي ضايقه تفكر وش بيصير ب امها لو تزوجت هي وغاليه وكيف بتكون بلحالها وماعندها احد يساعدها تأففت بضيق ووقفها ريحه العود اللي كانت قريبه منها رفعت عيونها تشوفه وصادفت عيونه بعيونها
كان السيف واقف وعلامات الصدمه بوجهه وكان واقف على الباب وانبهر من عيونها وكيف انها ناعسه ومغريه 
ميعاد :- لو سمحت ممكن تبعد عن الطريق
السيف بحده :- اعتذر كنت ساهي ما انتبهت لك
طلعت ميعاد بخوف من نضراته وصارت تسرع خطواتها لين وصلت للبنات
غاليه:- شفيك مستعجله شصاير ؟
المها:- بسم والله وحهك مخطوف شفيك !
ميعاد:- مافيني شي اذا وصلنا البيت قلت لكم

وصلو للبيت وراحو يصلون المغرب ويتجهزون لسهرتهم المعتاده لكن هالمره بحوش الجده

في بيت ام السيف دخل السيف وكان تفكيره كله بعيون هذيك البنت وكيف نضراتها نعسانه وواضح فيها الحزن نطق وقال:-
"عيونك الناعسات إللي هدبها كثيف
‏ حرام تطعم محاجرها دموع الحزن"
مشى لامه وكان يبي يعرف مين هذي البنت
السيف:- يمه منهي البنت اللي طلعت من عندنا تو؟
ام السيف:- ياوليدي هذي بنيتي ميعاد
السيف بحده:- ميعاد بنت جسار ماغيرها ؟
ام السيف بخوف:- اي علامك تسأل لايكون صار لها شي
السيف:- لا يمه بس شفتها عند الباب وقلت اسالك عنها
ام السيف بحنيه:- ياوليدي كنت جايه من البقاله وشافتني امشي وحلفت توصلني البيت وتشيل اغراضي هذي البنت ماتستاهل اللي يصير لها
السيف بتمثيل الغباء:- ليه وش صاير لها يمه؟
ام السيف:- مجبوره على ولد خالها وولد خالها يبيها ونواياه شينه كلها لكن عسى الله يبعدهم عن بعض

طلع  السيف للمسجد يكتم غضبه بقلبه وكان مستنكر هذا الزعل والغضب وحلف انها تكون له وماتكون ل نياف مهما كانت العواقب 

في بيت الجده البنات جالسين بنهايه الحوش والجده وبناتها رايحين لجارتهم ومحد موجود بالبيت

غاليه:- ياشينك ميعاد قولي شصار
ميعاد:- قالت لهم اللي صار وابتسمت وهي مو حاسه بنفسها
المها:- يمه ميعاد كيف قدرتي تقولين له يبعد عن طريقك وراه مارجعتي داخل!
ميعاد:- مدري كيف نطقت وماكنت مستوعبه مين هو اصلاً
غاليه:- الابتسامه هذي وراها شي وغمزت لغدير
غدير:- شكلها تخلصت من نياف وحطت عينها على السيف
ميعاد بحزن:- الله يسمع منك ويبعدني عن نياف

كملوا جلستهم لين صارت الساعه 12 وقررو يروحون يرتاحون وينامون لان الوقت تاخر وهم عندهم دوامات
غاليه:- ميعاد اسبقك للبيت جيبي معك الشاحن
ميعاد:- يلا بس لاتقفلين الباب
دخلت غاليه البيت وكانت ميعاد ترتب المكان وتوجهت للبيت ووقفها صوت نياف :-
نياف بضحكه:- ماشاءالله ماتبغيني يابنت جسار ؟ ماتستحين على وجهك ترفضيني قدامهم كلهم
ميعاد سرعت خطواتها ووقفت ورا الباب وقررت ماترد  عليه
نياف مسك الباب بعصبيه ونطق بحده :- اسمعيني ياميعاد والله اني ل اخذك وغصب عنك وعن اهلك كلهم وماراح اخذك حب باخذك كره وحقد واقلب حياتك احزان
ميعاد بتحدي :- سو اللي تقدر عليه ياولد سطام
قفلت الباب بقوه
واتجهت لغرفتها تبكي خايفه ماتدري كيف تواجه مصيرها وكيف تعلم امها بهذا الموضوع بدون مشاكل