الساعه 9 العشاء كانت ميعاد متوتره لان اللحين موعد زفتها واللي زاد توترها ام السيف اللي عطتها خبر ان السيف طلب يشوفها ويجلس معها وهذا الشي ماهو من عادات اهل الديره وشي مو معتاد عندهم ناظرت بالمرايه تتامل تفاصيلها المغريه وابتسمت بحب لذاتها وراحت تجلس بالكوشه وتنتظر السيف يدخل وقررت زفتها تكون بعد الشوفه
دخل السيف وقلبه يرجف من الحب والتوتر شافها جالسه بالكوشه ب اطلالتها وصد بنظراته يخفي ابتسامته اللي فضحت كل شعور في قلبه نطق وقال
السيف :-مثل القمر إنخلق زينك للسماء
و أنا سماك اللي ماتزّين إلا معاك
عند ميعاد كانت جالسه بكل نرجسيه وتصد بنظراتها تخفي توترها رجف قلبها من سمعت همس السيف وغزله فيها وابتسمت بكل خجل
قرب السيف وباس راسها وجلس بجنبها ونطق:- كيفك يابنت جسار واخت سلمان؟
استنشقت ريحه العود بكل حب وهي من دخل تحس معه بشعور الحُب وكانه حبيب ايامها وطفولتها نطقت بتوتر:- الحمدلله بخير
ابتسم السيف وهو يلاحظ توترها وخوفها مسك وجهها ورفع راسها ونطق ب ابتسامه:- لاشوف خوفك وتوترك مني انا امانك وحنانك واقرب اشخاصك
بادلته الابتسامه بكل حُب ووجهت نظراتها لعيونه
دخلت ام السيف ونطقت :- خلاصص الحريم ينتظرونك يابنيتي وانت يالسيف سلمان شايش فالحوش ينتظرك
السيف:- يمه خليني اتمتع ب حلالي
ام السيف ضربته بخفه ونطقت:- اعقب ياولد
ضحكت ميعاد وماكانت تدري ان هذي الضحكه بتكون سبب ضياع السيف اللي كان يتاملها
ونطق بحب بصوته الجهوري :- "
يا ضحكةٍ ما كنّها إلا من الغيم مصبوبه"
نطقت ام السيف بتمثيل للغيره :- بديت تميل لبنت بهاج وتترك اميمتك
توجه السيف للباب وباس راس امه وطلع
زفرت ميعاد وهي مو قادره تتنفس من الخجل والاحراج
نطقت ام السيف :- يابنيتي استعدي الحريم ينتظرون شوفتك
دخلت غاليه ليلى يجهزون ميعاد للزفه وكانت ليلى تبخرها وتحصنها وتمسح على شعرها
غاليه بدموع:- مذهله ياميعادي مذهله!
ميعاد ب احراج :- غاليه يكفيني احراج تكفين
غمزت غاليه:- شكل السيف سوا سواياه بقلبك
ابستمت ميعاد بحب وهو فعلاً سوا فيها سوايا ولعب بشعورها كله
تقدمو ليلى وام السيف وميعاد تتوسطهم ب اطلالتها اللي كانت مبهره بشكل يخليهم يتاملونها ويذكرون الله على تفاصيلها
كانت ميعاد تمشي تتوجه لاخر المجلس اللي كان مليان بالناس
تقدمو ام سطام وسلطانه بحب لميعاد مسحت ام سطام على راسها ونطقت بحب ودموع :- استودعتك الله ياحبيبة عيوني
عند اهل الديره اللي كانو يتكلمون في ميعاد وكيف انها انزفت بالملكه وهذا الشي ابداً مو في عاداتهم همست جارتهم نوريه وقالت:- بنت جسار وشهوله تنزف وتسوي شي ماتعودناه
ام نياف بحقد:- حمدلله اللي ابعدها عن نياف ولا هالبنت الله يصلح حالها بس
تقدمت ام السيف ونطقت :- ميعاد يا امي ادخلي والله اني خايفه عليك من هالنضرات
ابتسمت ميعاد بحب وباست راس ام السيف قدام الكل
ام سطام بدموع :- انتبهي على ميعادنا يام السيف تراها امانه عندكم
ام السيف بحب :- ميعاد بنيتي قبل تصير حرم السيف
YOU ARE READING
في كل حزة لك مع البال ميعاد
Romanceانا" ميعاد بنت جسار " بطلة هذي الروايه عشت معاناه ايام وسنين واختصرتها لكم , عشت ايام عمري على تلك الامنيه : "وهي ان أكون جريئة لإني جداً أكره الخجل وأنا طبعي خجوله " لكن الحياه جعلتني قويه وجريئة .. وجود السيف بحياتي كان اقوى دافع لي للقوه : عل...
