يتيــم الديـــار#اكتملت

البارت التاسع عشر

زينه بإرتباك : امي منو ميثا؟ انتي تعرفين شيء عن هالموضوع؟
ميثا تتلعثم : ها لا
زينه تمسكها : ميثا انا اعرفك واعرف يوم تكذبين ! انتي تعرفين شيء ؟؟؟
المشرفه : يلا دوركم انتوا الثنتين خلصونا

..... يدخلون ........

دخلت ميثا وزينه المكتب وهم يتطالعون ومب عارفين شاللي صاير وكان قدامهم ٤ اشخاص اثنين منهم رجال عساكر وبنتين وحده منهم كانت تبين اصغر ومن سن ميثا

العسكري : انتوا عارفين احنا مستدعينكم ليش ؟
ميثا : لا
بنت١: ممكن تطلعون واكلمهم لحالي
الكل : اوكي

..... الكل يطلع .......

بنت١ : شو فيكم جي خايفين ؟
ميثا : الدنيا منقلبه اكيد بنخاف
بنت١ : مب قلتلكم عندي الموضوع؟
زينه تلتفت بقو : بلعرب ؟
بنت تضحك : مين غيري يعني ؟
زينه : كيف جيتي هنيه وكيف كل ها صار
بلعرب : صبر بحكيلكم كل شيء

وبدت بلعرب تقولهم وانها تكون شغالة فالتنميه الاجتماعيه وهي اصلا ادارية تحقيق ورعايه وهم كل سنة ثانوي يحاولون يتواصلون مع البنات لان الدار مشبوهه وعليها شكاوي سابقه بدون ادله

في كل مره توصل دفعه للثانوي، نحاول نتواصل معها لان عندنا خبر ان ها الوقت اللي يستلمون فيه التلفونات وها نظام عام للكل الدور مب بس هالدار
ولكن محد كان من البنات يرد وكلهم يمثلون ان الوضع تمام وانهم ما انضروا ومحد كشف مصايبهم الا بعد ما يطلعون من الدار وما يكون فيه دليل عليهم فما نقدر نسوي شيء

فهاك اليوم تعرفت عليكم وعلى اريا بالأخص وبدت تتكلم معاي والوحيده اللي تجاوبت وبدت تخبرني وكانت الخطه اني اجمع ادله كثر ما اقدر ولكن اريا ماكانت قادره تصور وانا ماقدرت اضغط عشان م انكشف اكثر بس يوم دخلتزالحجز ها اقوى دليل صار لان للحين مب قادرين يطلعون لنا اريا

واذا دل ع شيء ف ها يدل انها بعدها فالتعذيب وخايفين يطلعونها ب الاثار ويتورطون وتقولنا كل شيء ! وبس بعدها قدرت اتحرك وافتح تحقيق ولين الحين كل حد متعاون معنا الحمدالله باقي انتوا وعليا واريا

زينه تحضنها : افف الله جابك
بلعرب تضحك : لاتخافون بنطلع كلنا من هالمكان وبيتقفل على روسهم عيال الكلب
ميثا : بس اريا
بلعرب بخوف : بلاها
ميثا : اخاف م نلحق عليها اريا تعبانه وايد وكلها حروق ومعذبينها بشكل محد يتصوره
بلعرب: تعرفين مكان الحجز !
ميثا : هيه بس كله كلمات سر وبصمات وين بنوصلله
بلعرب: وصليني للمبنى وغصب ع شواربهم يفتحونه مب لعبه الدنيا
ميثا : طيب
بلعرب : قبل ابا تحكوا للعساكر كل شيء عشان يتسجل بشكل رسمي كإفاده وانا بروح للمبنى