يتيــم الديـــار#اكتملت

البارت السابع عشر

* اريا تكلم بلعرب فون *

بلعرب : ليش جي عليا؟؟؟ تنرفز حرام عليها اللي سوته خربت عليهم
اريا : اخخ مادري شقول الوضع وايد متوتر
بلعرب : والله وايد اللي سوته ماله داعي
اريا : عليا ماعرف شو فيها ! غريبه صدق مب جي هي اصلا
بلعرب : ماتحسين انها تغار؟
اريا : من شو تغار؟ - تستغرب -
بلعرب : ماعرف والله بس احس يمكن هي تبا حد قريبها ومعها ؟ عشان جي يالسه فوق روسكم
اريا : ماحس عليا جي اصلا هي خوافه ولو عندها حد والله ما عطته وجه كان هرب من خوفها
بلعرب : وانتي ؟
اريا : انا شو مافهمت؟
بلعرب : بتهربين لو جاك احد يباك؟
اريا : ها ؟ - تتورط -
بلعرب : لو جاك احد يباك بترفضين؟
اريا : انا لا ما اخاف
بلعرب : امم اوكيه نشوف
اريا تغير الموضوع : المهم ماعرف شسوي
بلعرب : ابد لاتسوين ولا شيء لان مالك علاقه واذا تدخلتي اخاف تتعقد القصه زياده كل م تجيك وحده منهم هوني عليها وقوليلها تكلم الثانيه ويتفاهمون
اريا : واذا عليا سوت شيء ؟
بلعرب : عليا تتكلم بس واللي يقول بسوي مب مسوي شيء خذيها قاعده
اريا : والله ماعرف كيف اتعامل معهم الثلاث
بلعرب : اسمعي مني وسوي لي قلته
اريا : طيب لما نشوف اخرها
بلعرب تطرش صورتها : ماعلينا شوفي هنيه كنت ع الخيل
اريا تتأمل وتنسى ترد : ...
بلعرب : شالسالفه شكله بلوك فالدرب ولا شو
اريا تضحك : لا اشوف بس
بلعرب : اوف شكل عيل تتأملين
اريا : لو نخف من هالثقه شوي زين
بلعرب : من حقي دام تميتي تطالعين الصوره هالكثر
اريا : لا عيبتنيي الصوره عشان نكون صريحين
بلعرب : متى ع الله عاد تجين نشوف الخيل ع الطبيعه وادربك؟
اريا : اوه اجي بعد ؟ خلاص بعد ما يطلق سراحي من الدار
بلعرب : امم واذا ابا قبل ؟
اريا : م يصير قبل
بلعرب : حتى لو جيت؟
اريا : بتجين ع الفاضي للاسف م بيدخلونك مع ان ودي
بلعرب : حشى سجن مب دار
اريا : خليها ع الله
بلعرب : مرات م الوم عليا على خوفها ادارتكم فظيعه !
اريا : محد يلومها والله بس نلوم المبالغه اللي تسويها الحين محد عارف هي بتصرفاتها بتكشفنا
بلعرب : ماعلينا شو تحسين الوضع ويا زينه وميثا؟
اريا : متوتر وايد بعد متوتر وماعرف وين بيوصلون
بلعرب : احس اتمنى يتمون ويا بعض ويكسرون هالحاجز اللي ماله داعي ابدا العمر ما يفرق لو تفاهموا والله
اريا : تعالي فهميهم
بلعرب : اريا تعرفين نحن ليش نتكلم صح؟
اريا : مافهمت
بلعرب : يعني تعرفين السبب لي يخليني اكلمك ٢٤ ساعه؟
اريا : امم لا ماعرف
بلعرب : الا تعرفيين او ع الاقل شاكه
اريا : شو؟
بلعرب : انتي عايبتني وايد وابا اعرفك اكثر وابا اعرف كيف تفكرين بس ما حسنا نتكلم وايد نفس قبل
اريا : ..
بلعرب : تسمعيني ؟
اريا بخجل : هيه اسمع بس انتي تعرفين ان صارتلي اشياء خلت كلامي يقل وياك
بلعرب : اعرف وابد م الومك بس خاطري نتكلم اكثر لو فالليل مثلا وجي نتكلم ف اشياء تعرفني عليك
اريا : اوكي م عندي مانع
بلعرب : انزين وانتي ؟
اريا : شو؟
بلعرب : وانتي يعني تحسين بشيء صوبي ؟
اريا : ما كنت بكلمك هالكثر لو ما عندي شيء ولا بوافق على اني اكلمك اكثر لو ما ابا انا بعد
بلعرب : اوكي
اريا : بس يعني احس اسأليني واجاوب لان مابعرف اتكلم فشيء
بلعرب : اوكي اول شيء ابا اعرفه لو صار والامور مشت معنا عادي عندك تجين لي ؟
اريا : يمه بالعميق ع طول
بلعرب : يس
اريا : احس م عندي مانع لو بدرس وبكمل حياتي عندك يعني لان اصلا م عندي عيله يعني احاتيها والبنات بقدر اشوفهم زيارات
بلعرب : حلو وانا بعد م عندي عيله
اريا : ها ؟ م فهمت كيف يعني ؟
بلعرب : ابوي دايما مسافر وامي مطلقه وبس انا لحالي مع الخدم فالبيت
اريا : بس يعني ابوك م يجي ؟
بلعرب : البيت؟ لا عنده شقق وفلل واظنه متزوج كل اللي يوصلني منه اتصال بين الشهور وتحويلات مصروف ويدفع فواتيري بس
اريا : مش مزعج؟
بلعرب : بالعكس وايد مريح مش من كثر المحبه ولا انه عودني ع حنانه عشان افقده اصلا!
اريا : بس ما قلتيلي هالكلام قبل
بلعرب : ماكنت واثقه الصدق بس عرفتك اكثر وارتحت اني اقول شيء مثل ها
اريا : اوكيه بس ماتحسين غريب ؟ يعني انا م عندي عيله وخلص تأقلمت بس انتي عندك وما تشوفينهم؟
بلعرب : غريب وغلط صح بس انه يأثر علي ؟ ابدا انا من صغري عشت كذا فما فقدت شيء
اريا : طيب وهو ما يسألك عن شيء ما جبرك ع الزواج مثلا ؟ عشان يتخلص يعني
بلعرب تضحك : اوله اريا انتي وايد متأثره بالمسلسلات بس لا م صار كل ها انا ابوي خلاني وبس ويرسلي مصروفي عشان اسكت وامي تسكت
اريا : وامك طيب ؟ م طلبتك تسيرين لها ولا شيء
بلعرب : لا وين امي تزوجتلها واحد تحبه من مده ووبس خلتني عند ابوي وقالت م تبا الحضانه واصلا القانون ياخذني منها اول م تتزوج لكن ماكان له داعي ياخذني القانون هي خلتني- تضحك -
اريا : بلعرب انتي بخير؟
بلعرب : جدًا !
اريا : انتي تعرفين انه ترومين تكلميني اي وقت عن اي شيء صح؟ حتى عن هالموضوع بدون ما ترسمين حدود القوه هاي
بلعرب تتنهد : اعرف بس انا بخير لاتحاتين
اريا : زين بس عادي اعرف موضوع امك؟