يتيــم الديـــار#اكتملت

البارت الثاني عشر

صباح يوم جديد في شقة ميثا، صحت زينه وميثا كانت غرقانه في سابع نومه ف قامت وقررت تسويها فطورها لين تصحى وبالفعل جهزت السفره والاكل وكل شيء رتبته لحد ما قامت ميثا

ميثا : اوه سويتي كل ها ؟ ماتوقعت تطبخين ؟
زينه : افا وشغلي فالمطبخ سنوات ع الفاضي شو !
ميثا : لالا واضح انه جايب نتايج مب نتيجه بس
زينه : افا علييييك اضبطك من الاخر
ميثا : اخخ والله الريوق يا ف وقته تبين الصدق كنت احتاج حد يدلعني جي
زينه : م عندي مانع العمر كله

وهنيه ميثا طالعتها وويهها بدا يصير الوان من كثر ما استحت لكنها ما ردت وسوتت نفسها مشغوله بالاكل وتجاهلت كلمة زينه وبالمثل زينه ما علقت ولا زادت كلمه جلست وبدوا ياكلون

لكن الوضع عند عليا وآريا ما كان بهالروقان، عليا بدت مخخاوفها تتزايد خصوص ان زينه قربت من ميثا بشكل واضح ومن هالجهه آريا يالسه تنسحب صوب بلعرب كل مره اكثر وهي ما تمانع لكن خوفها الوحيد المشرفات والاداره !

عليا : مش ع اساس تتسنعون؟
آريا : شو يعني ؟
عليا : انتي وزينه مب ناوين تفكونا من بلاكم ؟
آريا مستغربه : بلاء شو ؟ شو فيك عليا؟
عليا : واضح كلامي قلتوا ما بتوضحون عشان م ننفضح مع المشرفات وبعدكم تزيدون وتزيدون
آريا تعصب : عليا ! خلاصصص وبعدين مع هالحنه والكلام اللي ماله داعي كل م استانسنا دخيل الله خلينا ننسى هالعالم وهالزبايل لي حولنا
عليا : استمتعوا بحدود لاتورطونا ب اشياء مالها داعي !!! باقي فصل ونطلع ونسوي اللي نباه مابا نتدبس وما نطلع من هنيه ونتم طول عمرنا نتعذب وتحت رحمتهم
آريا : بنموت واحنا صابرين بنموت !!! ولا عاجبهم شيء عندك زينه كم صارلها ملتزمه ؟ ولا سوت شيء واحد غلط وسلمت؟ شوفيها تنضرب ليل نهار
عليا : وفوق ها ولا وحده فيكم مستوعبه ان نحن ما ننزاد ولا نبا نتورط زياده ويا الاداره حن بدون شيء مبتلشين
آريا : انا ما بخلي بلعرب لو شو اول مره يصير شيء حلو بحياتي وما بخليه عشان الاداره
عليا : ووقت ننكشف بنبلع صح؟
آريا : انا خليت حياتي كلها عشان الاداره ! شو باقي اخليه لهم ؟
عليا : استغفرالله ماعرف انا اتكلم عندي ولا شو! ما قلتلكم خلوا حد اتكلم هدوها شوي هذيك وصلت مرحله تنام عند الاخت! وانتي وراها شكله
آريا تقوم : اذا خلص هذيانك الروتيني هذا خبريني غير جي دخيل الله مش مستعده اسمع اتريي زينه والعني خيرها وقتها
عليا : لا تسمعين محد فيكم مستعد يسمعني بس وقت تصيرون في مليون داهيه تعرفوني ووقتها تذكروني زين
آريا : طيب - تروح وتصكر الباب -

تمت عليا روحها وهي تفكر بوضعها وكيف ان محد يالس يفهم هي شو تقول وشو تبا منهم وكأنها تحاول تحارب الشيء اللي يبونه بينما هي ما تبا الا مصلحتهم وانهم يكونون بخير

( ميثا وزينه يدخلون )

زينه : وين آريا؟ استوى وقت المكتبه لاه
عليا تقوم : ماعرف شيء عن حد بسير المكتبه
زينه مستغربه : بسم الله ايش في؟
عليا : شوفي اريا واسأليها هي وينها واذا بتيي ولالا انا رايحه هناك اسوي شغلي
زينه تمسكها : تكلمي عدل شو فيك! صاير شيء ؟
عليا : شو رايك انتي ؟
زينه : استغفرالله تراني ماكنت هنا لا تتعاملين وياي هالشكل !
عليا : قلتلك م عندي شيء اقوله انا كل م اتكلم اصلا كلكم تتأففون وكأني مثقله عليكم حياتكم ف بسكت
ميثا تمسك زينه : خلاص عليا روحي المكتبه الحين نحن بنشوف آريا
زينه : يفضل تروحين ع هالاسلوب الزق والله
عليا تبكي : اسلوبي زق وكلامي وكل شيء وانا كل اللي اباه انكم تكونون بخير ونطلع من هنيه سالمين ! لكن عشان ها انا اسلوبي زق صح ! اوكي
زينه : شو مسسسسستويييي؟؟؟ ليش جي تنكلمين وياي فهميني بدال ما تزقين على راسي
ميثا : خلاص انتي وياها بلا هالكلام والخرابيط عليا اهدي يا امي وروحي المكتبه بنتبعك
عليا تروح : طيب
ميثا : شو فيك عليها ! كانت تصيح تردين تعيدين الكلمه ليش ؟ واضح فيه شيء صاير ومتهاوشين ليش ترتكين ع الكلام! قلتي مره اسكتي خلاص
زينه : اه بتكملين علي انتي ؟
ميثا : ما بكمل عليك بس ليش تزيدين النار حطب خلاص خليها معصبه نشوف الموضوع ويا اريا او لما تهدا
زينه : طيب نشوف
آريا : شو فيكم؟
ميثا : شو مستوي ليش عليا جي معصبه؟
اريا : لانها تتفلسف وتعيد الكلام مليون مره وخلاص فهمنا الاداره والاداره بس خلاص لين متى بنتم خايفين
ميثا : فهميني اريا حبيبتي شو صار يعني ؟
اريا : ابدا عادت نفس الكلام انه نحن لازم نبعد ونخفف والاداره بتكشفنا وبس والله انا ما تحملت وايد تكلمت خلاص بس لمتى بنخاف !
ميثا : انزين اهدوا عليها انتوا شوي تعرفونها خوافه اول شيء وها من حرصها والله لا تخوفونها بالعكس طمنوها
اريا : خسي والله اطمنها قال خل تعدل اسلوبها اول وتبطل هالجبن اللي هي فيه راح عمرها جبانه واحنا حياتنا م تسمح نتم خوافين جي
ميثا : انا فاهمه لكن هي خايفه ساعدوها بدال م تزيدون شعورها جي
زينه : نساعدها كيف شو نسوي ؟ عليا م تسكت ترا الا لو بعدت عنك واريا حذفت بلعرب وقتها بترتاح
ميثا: لاً اكيد فيه طريقه يمكن هي بترتاح لو م تشوفكم تكلمونا قدامها ! مثلا ؟
اريا : واتم منخشه عن الاداره وعن عليا ؟ عنبو مب حياه هذي
زينه : بكلمها بعد ما نخلص شغل واذا م تبا تقتنع وتسكت خلاص تتم خايفه عمرها كله
ميثا تطلع : المهم كيفكم انا بروح المكتبه حاولوا ما تتأخرون
اريا : بخلص من بلعرب وبتبعكم