يتيــم الديـــار#اكتملت

البارت السادس عشر

طلعت ميثا من المكتب بعدها وهي تبكي وزعلانه ع الوضع اللي وصلتله مع زينه وماتعرف كيف تفهمها انها اولا قاصر وثانيا فرق العمر الكبير وثالثا وضع الميتم ووضع شغل ميثا كمشرفه على زينه !

اريا : شو فيك!
ميثا: مابا اتكلم اريا احتاج اشم هوا
اريا : تستهبلين ميثا! ما يصير تطلعين وانتي جي والله لا يمسكونها مسكه المشرفات دخيل الله تمي فالستور وطلعي كل اللي فخاطرك
ميثا تدخل : طيب
عليا : شو فيها هاي بعد !
اريا : شو تتوقعين؟ اكيد زينه سمعتها كم كلمه او حتى ماردت عليها وهذا العن
عليا : يالله يارب ينحل هالموضوع قريب احسني ما قمت اتحمل
اريا : بروح اشوفها

............ ( تدخل الستور ) .........

اريا تحضنها : اهدي ميثا لاتسوين بروحك جي ! خلاص اهدي
ميثا : ماعرف شسوي اريا ماعرف
اريا : لاتسوي ولا شيء خلاص صار اللي صار وزينه بتفهم مع الوقت ان اللي سويتيه لمصلحتها
ميثا : بس وانا
اريا تنصدم : شو!
ميثا : وانا اريا كيف اتخلص من اللي داخلي
اريا : لحظه انتي تحبينها ؟
ميثا تسكت : ....
اريا : ليش قلتيلها العكس عيل
ميثا : عمري اريا وهي قاصر بعدها وكل شيء ضدي
اريا : قاصر شو ! ترا زينه اكبر منا بسنه واحنا اللي قصر هي رسمي ١٨ خلاص
ميثا : ها ؟
اريا : ايوه مب قاصر يعني وبعدين فرق العمر لو تفاهمتوا م بيصير يفرق
ميثا : ماعرف اريا صعب والله
اريا : شو ماعرف ؟ شالفايده تشوفينها تروح من يدينك وانتي جي
ميثا : هي اصلا راحت خلاص ماشفتي كيف تعاملني ؟ شو اللي اقدر اسويه
اريا : سمعي هي بتقدر انه انتي خايفه وعلاقتكم وضعها صعب وانتوا مثل ماقلتي بينكم فرق عمر قوليلها الصدق قوليلها مخاوفك وكيف الشيء مأثر عليك
ميثا : ماترد علي ارييييا ماترد افهميني
اريا تهزها من الكتف : هييي صحصحي تراك مزعلتها طبيعي م بترد حاولي اشتري خاطرها وراضيها
ميثا : كيف !!!
اريا : مب شغلي هذا انتي ادرى فيها وكثر شو مستعده تراضين وتحاولين مل انا !
ميثا : ساعديني انزين هي شو تحب شو اسويلها ويرضي
اريا : ي بنتي انتي حاولي خلها تشوف انك منهبله وتبين رضاها لو شو وبترضى والله ميثا اسمعي مني
عليا تدخل : شو فيكم منهارين وبكي لين اخر المكتبه تبون المشرفه تزخنا ؟
اريا : تستهبلين عليا يلعن ام المشرفه م تشوفينها تبكي ؟
عليا : اشوف بس خفوا شوي بتفضحونا اذا جات المشرفه شو بنقولها ان شاءالله
اريا : خلاص يا عليا يا علياااااا اطلعييييي
ميثا تقوم وتشد عليا بقو : شوفي قسم بالله كلمه وحده زياده بدعس على خشمك وزينه بتكون لي تبين تبلغين بلغي الدنيا كلها - تدفها -
عليا مصدومه : شو فيها هاي ؟ خذي زينه خذي اللي تبين محد كلمك
ميثا : وصلك العلم
زينه تطلع : شو مستوي ! شو هالصراخ - تلمح ميثا تبكي وتتجاهلها -
اريا : ولا شيء
عليا : لا شيء الاخت منهاره باخذ زينه وباخذها وبلغي اللي تبينن وتهدد انتوا مين فهمكم ابي الشر لكم! ابي السلامه وبس سلموني من المشرفات وانقلعوا
ميثا : قسم بالله انتي اكثر حد جبان شافته عيني والله
عليا : طبيعي ! طبييييييعي ! ما انضربتي ولا تهددتي وعايشه وسط اهلك ما قد احد ذلك حتى ع لقمة العيش اللي هي حقك وين تستوين جبانه؟
ميثا : هذولي البنات بنفس العيشه الزفته اللي انتي فيها محد فيهم صار جبان كذا ! ترا ما بتسلمين حتى لو مشيتي ع الصراط المستقيم لان الغلط منهم مب منك
عليا : علي اسلم بعمري واتم ساكته وما احشر خشمي كل مره واول ما حد يقولي كلمتين حلوين اركض وراه واترك اللي وراي وقدامي
اريا : عليا امسكي لسانك لان عيب واخر مره لسانك فلت شفتي وين ودانا
عليا : انتي بعد مب راضيه على الكناري ؟ يمامما انقلعوا حبوا بعض اكرهوا تفارقوا ولا تموا يعلكم اليهد مالي خص طول
ميثا : وقسم بالله انك نسخه من المشرفات لللي ماتبينهم ومب طايقتهم انتي نسخه لوصاختهم بهالكلام
زينه : خلاصص انتي وهي وش سوالف اليهال هاي ؟ كم اعماركم عسى مب حضانه انتوا !
عليا : والله شوفيلك حل مع حبيبة القلب ولا تودريها يحليلها تبكبك فالستور زينه خلتني وزينه ماردت علي ردي معاليك ردي
زينه : عليا وبعدين؟ لسانك هذا ما ينربط ؟
ميثا : لا شاطره فكلام الشوارععع بس ولا الفعل مب حوله طول
زينه تلف عليها : ميثا انتي الثانيه اسكتي ! ما لأي وحده فيكم حق تهين الثانيه كذا
عليا : اقول خل تسكت ولا بدعس عليها
زينه : ايييي خفي عن عمرك شو ادعس والثانيه كلام شوارع احشموا عماركم شوي
اريا : انهبلتوا رسمي والله! اذا م انكشفنا من شيء بننكشف من هالصراخ والهواش
عليا : والله عاد شوفي اللي بدت وناويه الشر
ميثا : ساكتين عنك وايد والله وطوفنا وقلنا تخافين لكنك جبانه لا اكثر ولا اقل
عليا : سكتوها احسلكم والله
ميثا : واذا م سكتت شو بتسوين؟ قوليلي
زينه : ميثا! ولا كلمه زياده خلاص
ميثا تخزها : نعم!
زينه : ولا كلمه قلت وامشي قدامي الستور
عليا : هذي هو قدركم المخازن
ميثا ترد وتضربها كف : احشمي عمرك عني
زينه تسحب ميثا : ميثا انهبلتي !
عليا تحاول تضربها : والله لربيك
اريا تمسكها : شو فييييييكم !!!! خلاصصص امشي قدامي الغرفه
ميثا : خلوها تجي والله ذلتنا ذل عنبو محد غيرها عايش ف دار
زينه : ميثا اهدي واسكتي مابا اسكتك غصب
ميثا : راويني كيف بتسكتيني يلا يلا راويني ! ولا انتي تهايطين نفس الاخت
زينه : اريا خذي عليا وروحوا الغرفه
عليا : مابروح لين اخذ حقي ولا برفع شكوى للمشرفات
ميثا : ارفعي بدال الشكوى ! عشره
عليا : سمعتي ب اذنك زينه كيف ؟ ولاتقولي ما قالت وقتها انا رايحه للمشرفات
اريا : انهبلتي انتي الثانيه! يوم ما كشفونا وسترنا ع عمارنا تبين انتي تفضحينا وتبلغين!
زينه : مادري عنها شكلها من البدايه تبا المشرفات يعرفون
عليا : ليش خايفين اذا مب غلط ؟
زينه : مب كل شيء ممنوع غلط عادي يكون شيء عادي ولكن القانون يسويه سالفه