يتيــم الديـــار#اكتملت

البارت العاشر

بعد ماجهزوا البنات صحوا زينه للشغل واللي كانت تعبانه من الضرب ولا لها حيل تسوي شيء ابدا لكن صار لازم تروح خصوص بعد ما تمشكلت مع ميثه هي تعرف زين ان مستحيل تتساهل معها ، ف قامت ولبست اسرع شيء وطلعت مع البنات للمكتبه

عليا : ارجوكم نشتغل ونسوي اللي تبيه ونطلع لا نرد ولا نتمشكل ولا شيء
زينه : طيب فهمت كم مره قلتولي حشى مليون مره
آريا : لانه لازم زينه هي الوحيده اللي تعاملنا معاملة بشر ولو هي صدق قد الثقه نحن ما نبا نخسرها وفنفس الوقت حتى لو كانت مع المشرفات وحد مش مضمون ما نبا نعاديها خلاص نخليها تروح في حال سبيلها بدون مشاكل
زينه : اوكيه اوكيه بسكت ولا بتكلم ابدا
آريا : ترا نحن مقررين نسير نكلمها وبنقول انك كنتي فالحجز وها مأثر عليك فلا تسوين شيء مجنون زياده
زينه : يالله والله اني بتهاوش معكم بدلها خلاص فهمت ووافقت سيروا وتعذروا ولو تبوني اعتذر ما عندي مانع
عليا : والله ياليت ع الاقل بتشوف ان انتي ندمانه ع اللي صار وبتسكت
آريا : بس لو بتتنرفزين بلاها لا تيين تزيدين الطين بله
زينه : انتوا قبل وبعدها انا بعتذر منها ولو قالت شيء بسكت ووببلع موس
آريا : زين تسوين ابلعي موسين بعد
عليا : والله يخوفي منكم اثنينكم
زينه :  شو عندك انتي بعد ؟ تفضلي اتحفيني ؟
عليا : انا خايفه منكم اثنينكم ولا وحده قنعني كلامها احسكم طايشين مب حاسين ان الاداره اصلا بدون مشاكل تظلمنا ففما بالكم بمصايبكم الاولى عايشه حب وغرام عن بعد والثانيه تهجمت ع مشرفه ولا قالتلها تدورين علاقه معاي لان المسكينه يالسه تسوي خير فينا
زينه : والله احنا اللي خايفين من خوفك هذا ما بتعيشين على خوفك بياكلونك وبتاكلك الحياة لازم تردين عن عمرك
عليا : بالهوا ش؟ لا شكرا
زينه : ترا انا ميثه ماتهاوشت معها الا بسببكم كنا نتكلم عادي بس صرت مب عارفه كيف ارد عليها واكلمها وشو اللي اجاوب عليه وشو اللي اخليه !!!
آريا : الحين ان شاءالله يتصلح وبعدها خلاص المهم مانقول اشياء خاصه وخلاص لين ما نثق
زينه : عساك بس مطبقه الشيء مع بلعرب ؟ ولا بس على زينه
عليا : خلاص عاد انتي وهي اسكتوا خلونا نشوف الزفت هذا

—— يدخلون المكتبه —-

ميثا : تأخرتوا ٧ دقايق
عليا : شوي بس عشان كنا ننظف جروح زينه
ميثا : زين معليه انا حطيت لكم مهام اليوم فالبورد مقسمين بينكم الا زينه بتكون ع نظام الارشفه لان عندها علم بالكتب وغيرها
آريا : يستوي اكلمك؟ انا وانتي بس
ميثا تدخل مكتبها : تعالي حياك الله
آريا : ميثا كنت انا ما بلف وادور بس كنت ابا اكلمك بخصوص زينه
ميثا : ماله داعي آريا مافي الا الخير بس خلاص انا يمكن بالغت فقربي منكم وانتوا من حقكم ترفضون هالشيء وبخلي حدود وبنشتغل ومافي شيء يتغير
آريا : اسمعيني انتي مب خسرانه شيء
ميثا : قولي
آريا : انا ما بتم اتعذر لك نحن صدق كنا شاكين وايد فيك انتي اول حد يعاملنا زين ويهتم ويسألنا حتى ليش جي يصير فينا وانتي اول حد فعلي شايف ان تصرفات المشرفات معانا غلط
ميثا : انزين!
آريا : بس ميثا لازم تتفهمين سبب شكنا والله مش من فراغ نحن ماقد حد سوالنا شيء بدون ما يورطنا بمشاكل او يطلع من طرف المشرفات وها اصلا سبب خوفنا وخوف زينه ووالله ترا كلنا مب بس هي شاكين فيك كنا
ميثا : انا فاهمه آريا بس زينه بالها بعيد اصلا
آريا : اعرف شو قالت لكن ترا مستحيل حد ما لمس الامان في حياته ما يفسر هالتفسيرهي شافت اهتمامك وعلى بالها شيء ثانييي ماتعرف ان هذا الطبيعي وصدقيني انا بعد مثلها كنت
عليا تدخل : سوري قطعتكم بس آريا اعذري زينه لو سمحتي والله هي متلعوزه وايد والحجز والضرب ها وايد على انسان واحد
ميثا تتنهد : اوكيه حاضر دامكم صارحتوني انا فهمت الاسباب لكن خلوا هالشيء بيني وبينكم لاتقولولها لان لازم هي روحها تحاول تصلح الغلطه بس خلص طاح الحطب تطمنوا
آريا تبتسم : شكرا ميثا والله الله يكثر من امثالك فهالمكان الزباله لعل وعسى يتغير
عليا : ع طاري الزباله المشرفه ع الباب انتبهوا