- Plot 23 -

- 6 -

වෝඩ් එකෙන් එළියට ආපු මියුන් අයිනේ තිබ්බේ යකඩ බා(ර්) එකට බර දුන්නේ ඇගට පණ නැති ගතිය නිසාමයි... මිනිහා වාට්ටුවෙන් එළියට ආපු විදියට ක්‍රිෂ් නං හිතුවේ මුට මෙලො ආපදාවක් නැ කියලා.. ඒත් දැන් තමයි මුගේ මූණ දාහට අරන් සීයට දිලා වගේ සුදුමැලි වෙලා තියෙන්නේ.. බඩට වැදුන පාරවල් ටිකට තාම උගුරට එනවා වගේ දැනෙද්දි මියුන් එතන තිබ්බ පුටුවකින් වාඩි වුනේ ක්‍රිෂ් දිපූ වතුර බෝතලේත් අතට අරගෙන...  අර යකා ඔළුවේ පිටිපස්ස කොන්ක්‍රිට් බිත්තියේ හප්පපු හැප්පිල්ල මතක් වෙද්දි තාම තරු ඇස් ඉදිරියේ විසික් වෙනවා වගේ... මියුන් බැන්ඩේජ් කරලා තිබ්බ ඔළුව අත ගාලා බැලුවේ මැරුනේ නැති එකට පින් දිදි...

'' හොද වෙලාවට වදිද්දි පහළට තල්ලු වෙලා ..ඒක නිසා හීරිලා විතරයි...  නැත්තන් උබ එතනම ඉවරයි.. '' ක්‍රිෂ් කිව්වේ මියුන්ගේ ඔලුවේ තුවාලේ ගැන.. ක්‍රිෂ් එක්ක වැඩිය කතා නොකලට මියුන් ඔළුව වැනුවේ මුකුත් කියන්නැතුව...

'' මං පේන් කිලර්ස් ටිකක් දෙන්නම් ... ටිකක් හොද වෙනකං විලේජ් එකේ තැනක් බලන්නද ? නැත්තන් ගෙදරම යනවද ? '' ක්‍රිෂ් ඇහුවේ මේ තුවාල ගොඩ එක්ක මුව ආශක්‍යසිංහ මැන්ෂ්න් එකට එක්ක ගියොත් ප්‍රශ්නවලට උත්තර දීලාම මූ මැරෙන්න බැරි නැති නිසා.. මොනවා උනත් මේ වෙලාවේ ක්‍රිෂ්ටම කියපු එකත් සැනසිමයි මියුන්ට... මෙවීනාට කිව්වා නං හත්වලාමයි විලේජ් එකයි කොලේජ් එකයි දෙකම දෙදරවලා. අරවින්ද්ට කිව්වා නං ගවීෂ්ලායි වේඝර්ණාරච්චිලාගෙන් බාගයකුයි නිවන් ගිහින්...අනිත් අය කොහොමත් පොඩියිනේ තාම..

'' විලේජ් එකේ ඉදලා එන්නම්. ''

'' කොහේද නවතින්නේ ? තැනක් තිද නැත්තන් මං අදුරන තැනක් තියෙනවා.. යොරෙල්*කෙනෙක්ගේ ..''
( යොරෙල් - මිශ්‍ර පෙළපත)

'' මොන යොරෙල්* කෙනෙක්ද ? ''

'' මෙහෙමයි එයා හැබැයි බ්‍රර්ඩ්‍රේන් යොරෙල් කෙනෙක්.. ඒත් මගේ හොදම යාලුවෙක්'' ක්‍රිෂ් කිව්වේ නම්බ එක ඩයල් කරලා කෝල් එකකුත් ගන්න ගමන්..

'' හලො බ්‍රො... නැ නැ බං.. මගේ මල්ලි කෙනෙක්ව ටික දවසක් ඔයාගේ රිසෝට් එකේ තියාගන්න පුලුවන්ද ? ඕ ඕ .. ආශක්‍යසිංහ කෙනෙක්..  නෑ නෑ පොඩි අවුලක් වෙලා ගෙදර යන්න විදියක් නැ දැන්ම... හරි අවුලක් නැනේ එහෙනම් ? තැන්ක්ස් බ්‍රො.. හරි එහෙනං දැන් එන්නං මං.. '' ක්‍රිෂ් කෝල් එක කට් කරලා මියුන්ගේ බැග් එක කරේ දාගෙන නැගිට්ටේ කොල්ලව එහේ ගිහින් දාන්න පුලුවන් කියලා ෂුවර් නිසා..