بسم الله الرحمن الرحيم
على الساعة 10:30صباحاً
تلفت حوله ماشاف احد قفز من على الجدار بسرعه وجاء بيركض لداخل لكن في احد مسكه من خلفه غمض عيونه وبلع ريقه التفت للخلف تنهد براحه: اسامه!
اسامه بعصبيه: انت فين كنت هاااه؟! "جمد مكانه" وش هالدم الي بثوبك
هذال وهو يرجف: انا تورطت انا في ورطه الأمن يدورني الحين
اسامه انكمش قلبه بخوف: وششش صار؟ وش سويت؟ من ذبحت؟
هذال وفكه يرتجف بلع بهلع : ماذبحت احد ماذبحت احد انا اخذتها واسعفتها المستشفى دخلوها للعمليات لكن الدكتور سمعته وهو يقول للممرض يبلغ الأمن يمسكوني يحسبوني انا ذبحتها
اسامه بعدم صبر وخوف: منهي وشهي وش تلخبط انت
هذال اخذ نفس وهو يهدي نفسه: بعلمك كل شي من البدايه يمكن تلقى لي حل
اسامه هز راسه بترقب: ايه وش قاعد يصير معك
هذال بلع ريقه وهو يحاول يهدي نبضات قلبه المتسارعه بدأ يشرح لأسامه كل شي من البداية
__________
يوم خلص شاف اسامه يجلس على الأرض وهو ماسك راسه قال: ضيعت نفسك ياهذال ضيعت نفسك بيتهمونك انك الي قتلتها اااااه ياارب
هذال جلس بجنبه وهو اعصابه منهاره: وش اسوي
الحين وش السوات
اسامه ماسك راسه وهو يحاول يدور حل فز وهو يقول: لقيته مالنا الا ضاري ولد عمي هو بيتصرف
هذال: مافهمت هو وش دخله
اسامه: هو له نفوذه بنخليه هو يمسك القضيه
هذال هز راسه بفرحه: اجل اتصل فيه بسرعه
اسامه هز راسه بالرفض: لا لا بنروح له انا ماني حافظ رقمه ولاعندي جوال فأحسن شي نروح له للبيت
هذال: اجل خلنا نتحرك الحين ماعندنا وقت
اسامه شمر ثوبه وربطه وطلع الكمامه من جيبه لبسها وهذال تلثم بشماغه ونطوا من على الجدار وركض لين لقو تكسي اشرو له وخاف من هذال المغرق دم بس ماحب يتكلم وقف لهم ومشوا متوجهين لبيت النقاشي واسامه يشرح له الطريق
وصلوا بعد مده عند الباب نزلو دخل اسامه يده بجيبه يدور فلوس كشر بوجهه ماشاف شي قال لهذال: عندك فلوس انت؟
هذال دخل يده بجيوبه؛ ماطلعت معي شي
اسامه زفر ونادى على واحد من الحرس الي جاه بسرعه قال له يجيب للسواق فلوس وهو بيجيبها له
والحارس بدون تردد مد الفلوس للسايق ومشى اسامه وهذال لداخل البيت
داخل البيت كانت قمر في الشباك غرفة غصون تتأمل الحوش الكبير والدنيا الوسيعة كانت تتأمل الحوش المقسم فيه ورود واشجار في اطرافه والأرض كلها خضراء كانت تقارن بيتهم مع بيت النقاشي نفس الفخامه والجمال لكن تختلف الراحه في بيتهم تحس بالخوف وهي بجنب ابوها! لكن هنا متطمنه تماماً جت عينها على الباب الي انفتح ودخل منه اثنين واحد منهم ثوبه كله دم فتحت عيونه ونقزت بسرعه وهي تقول بصدمه: ريم ريم اسامه وهذال شووفي
ريم فزت من على السرير وجت عندها تشوف شهقت: اي والله هم
قمر بخوف:وش فيهم ليكون تهاوشوا هم واحد في المنتجع
ريم: يمه مدري بس قلبي منقبض
قمر تعض اظافرها بتوتر: بنت ليه هاربين معقول سوو مصيبه
ريم: اششش خلني اشوف وين رايحين
قمر: رايحين لذا البيت بيت منهو
ريم: بيت عمه حمد
قمر تراقبهم بتوتر
YOU ARE READING
مابعد الصبر إلا الجميل
General Fictionرواية سعودية ابطالها. بدو وحضر. في المدينة وفي الديرة. وابطال مشاركين في برامج واقعيه تحمل هذه المناطق قصص حب نظيفة وطاهرة لقلوب لاتحمل الحقد تعاني لتصل الى هذا الحب ولكن مابعد الصبر الا الجميل للكاتبة /الرنيد
