بسم الله الرحمن الرحيم
#بعد صلاة العشاء
البنات يضمون بعض
مرام: الله يحفظكم ويوصلكم بالسلامه واحنا ان شاالله جايينكم
نوف: في إنتظاركم تنورون الديره واهلها
سما تضم سمر: بنتظركم
سمر: ان شآء الله بنجيكم وبنفلها سوى
وكملو وداعهم والخدامات ينزلون شنط نوف للسياره
نواف واقف هو وضاري عند السياره بعد ماودعهم نواف
وكلهم حاولو يقنعوه يخليها للصباح بس هو رافض ومصر على السفر
ضاري بضيق: يارجال اجلسو للصبح
نواف: الله يكثر خيرك ياخوي والله اني منحرج من ابو سعود ابطينا ببنته
ضاري تنهد خفيف: الله يسهل دربكم يارب
نواف ابتسم: والله ماانسى وقفتك معاي
ضاري: الله يحفظك ولو احنا اخوان مابيننا
نواف: المهم السبت وأنتو عندنا
ضاري: ان شآء الله بنشوف ومالك الا الي يسر خاطرك
نواف شاف جدته مقبله عليهم هي والبنات
ضاري ابتعد من عند الباب وهو عينه على سما الي ماكلفت نفسها حتى تناظره طلعت السياره بسرعه وهو تنهد بضيق بترجع الديره وبتروح!!
سما بهمس: واااي يابنات اشتقت لامي وابوي مره
رغد: حتى انا والله اشتقت لهم حيل
نوف بهدوء : كلها كم ساعه وانتو عندهم
الجده وقفت بجنب ضاري: السلام عليكم
ضاري بأحترام: وعليكم السلام ياخاله يامرحبا
الجده: شلونك يمه عساك طيب
ضاري: الحمدلله بخير كيفتس انتي عساتس طيبه
الجده بمحبه: الحمدلله يمه بخير ياجعلك للخير ومشكورين على الضيافة كثر الله خيركم ومشكور على وقفتك مع نواف الله يحفظك ويبارك لك ويزقك الذريه الصالحه
ضاري: ماسوينا شي واجبكم اكثر اعذرونا على القصور
الجده: الله يحفظكم ياوليدي ماقصرتو
سما بتكشيره تهمس لنوف: شوفيه على اساس صايد اللهجه "تقلده" كيفتس وعساتس
نوف ضحكت: حرام عليك والله انه حليو
سما كشرت: ووووع زوج رانيا ماجمع الا ووفق سبحانه ربي
نوف: انتي وش دخلك ليه تكرهينهم؟!
سما: يختي مو عشان شي بس يقهرون
نوف ضحكت بهدوء: ماعلينا منهم
رغد بخقه: بنات بذوب من ذا الحلو شوفي ابتسامته
سما كشرت: اسكتي لاتسمعك رانيا تجي تاكلك
نوف: يوووه سما وش فيك عليها هههههه
سما: يختي كل مااذكر حركاتها يجيني حرقان معده ماشفتي حتى ماتنازلت وجلست عندنا أبداً
هذا وهي بنت ديرتنا
نوف بهمس: وطي صوتك شوفيه يطالعنا
سما: خيررررر بعد يطالعنا!!!
لفت بقوه للشباك وشافته يتكلم مع الجده
ورفع نظره والتقت عيونهم قلبت عيونها ولفت وسكرت الشباك
رفع ضاري حاجب (خيررر هذي شفيها مشخصنتها معي جزاي اني متشفق على نظرة منها!!!)
سما: نوف بلله اعطيني جوالك اتسلى فيه شوي لين نوصل
نوف مدت لها الجوال
رغد: خذي جوالي افضل فيه تيك توك وسناب بيعجبك
سما: جيبي
رغد مدت لها الجوال وسماعه
سما: ليه السماعه
رغد: عشان تاخذي راحتك وتسمعي الفيديوهات
سما ركبت السماعه وفتحت تيك توك وبقت تتابع فيه وهي مبسوطه.وتتخيل لو معاها جوال وهي وتتمنى لو معاها جوال صدق.!
YOU ARE READING
مابعد الصبر إلا الجميل
פרוזהرواية سعودية ابطالها. بدو وحضر. في المدينة وفي الديرة. وابطال مشاركين في برامج واقعيه تحمل هذه المناطق قصص حب نظيفة وطاهرة لقلوب لاتحمل الحقد تعاني لتصل الى هذا الحب ولكن مابعد الصبر الا الجميل للكاتبة /الرنيد
