بسم الله الرحمن الرحيم
طلعت قمر مع ريم ووقفت قدام ياسر الي ابتسم لها وقال: كيف حالك يقمر
قمر هزت رأسها بخجل وبصوت خافت : الحمد لله
ياسر: إن شاء الله انه على طول اسمعيني وانا اخوك انتي في الحفظ والصون والله العظيم مايمسكم اي ضرر وانتو في حما الله ثم حماي تطمني وارتاحي مابيمسكم ضر واعتبريني اخوك اي شي تبينه تعلميني والبنات خواتك وارتاحي ولاتشغلين فكرك بأي شي
قمر بصوت يرجف: الله يحفظك ويطول بعمرك
ياسر: انا وريم بالجناح هذا اذا احتجتي شي
قمر بخجل وخوف: ريم بتقعد معي
ياسر ابتسم: حاضر ريم بتقعد معك ولاله داعي الخوف هذا الي خايفته هذا انا في الجناح الي بجنبكم إذا احتجتوا اي شي علموني
ريم ابتسم له ومسكت قمر ولفو رايحين للجناح
ياسر: انا بروح اجيب لكم شي تاكلونه قبل تنامون علمي البنات
ريم: طيب
دخلو للجناح وقالت قمر بخجل وهي متفشله: ريم روحي له اسفه مدري شجاني كني بزر وربي متفشله شلون اقول كذا ريم بتقعد معي ننننن
ريم ضحكت: معليه ادخلي
قمر مسكتها : لاصدق روحي له وربي فشله انا بقعد مع البنات
ريم بهمس: ترى ماله داعي تسوين نفسك بكما وماتتكلمي
قمر بتوتر: انا خايفه يعرفوني
ريم: واذا عرفوك ترا عادي
قمر بارتباك: ماابغى اسامه يعرف
ريم ابتسمت تهديها: اسامه وين وانتي وين لاتضيقين على نفسك وعيشي بأريحيه على الأقل انسي ابوي انا عني واثقه من ياسر ومرتاحه
قمر ابتسمت: ايه وش عليك
ريم طقتها بخفه: خلنا ندخل للبنات بس
قمر خذت نفس وهي تحاول تهدي من نفسها وتبعد فكرة ان ابوها بيلقاهم دخلت بعد ريم وابتسمت للبنات بتوتر وجلست بجنب ريم
مرام كانت عينها عليها وتتأملها وتسمي عليها
غصون: ريم ااا ادري ان توك تعبانه وكذا بس مافيني صبر علميني بكل شي صار من لما طلعتي من عندنا
هاجر: اي والله الفضول ماكلنا اكل
ريم ابتسمت: قبل اعلمكم قولو لي انتو كيفكم وش مسوين من تزوج من انخطب
سمر بحماس: انا بعلمك هذول بطيئات في الكلام
ريم ضحكت: يلا علميني
سمر: هذا الله يسلمك من يوم مارحتي توفى اخوي نايف الله يرحمه وتزوج ضاري رانيا وبعدها خطب وحده من الديره اسمها سما تجنن لو تعرفيها بتحبينها
وعرسهم يوم الأحد الي هو بعد اربعه ايام بالضبط
وهاجر جاها عريس عبد الرحمن خوي فهد اذا تذكرينه
والأخ فهد كلم ابوي عن مرام وبتصير خطبه رسميه وملكه بعد زواج ضاري وانا وغصون ونهى ننتظر الحظ يديور علينا ايه صح واسامه شارك في برنامج وصار مشهور والحين في البرنامج بيكمل الشهر ونص وهو هناك ووو اممم وش بعد صاير اعتقد انو هذا الخلاصه ههههههه
ريم ضحكت: ههههههه ماقصرتي ماشاء الله كل هالأحداث صارت على العموم الف مبروك هاجر ومرام الا صح نايف كيف توفى
هاجر بحزن: كانو طالعين البر كلهم وعلى رجعتهم صار لهم حادث وتوفى وضاري وياسر دخلو بغيبوبه
आप पढ़ रहे हैं
مابعد الصبر إلا الجميل
सामान्य साहित्यرواية سعودية ابطالها. بدو وحضر. في المدينة وفي الديرة. وابطال مشاركين في برامج واقعيه تحمل هذه المناطق قصص حب نظيفة وطاهرة لقلوب لاتحمل الحقد تعاني لتصل الى هذا الحب ولكن مابعد الصبر الا الجميل للكاتبة /الرنيد
