بســـم الله الرحمن الرحيم
موضي توجهت للبيت وكان مغلق مثل ماتركته دخلت البيت وصلت للصاله وتنادي نوف ماردت وخرت العبايه وراحت
للغرفة شافتها فاررغة توجهت تدور في اركان البيت مافي حد طلعت للسطح وهي تعرف وش كثر نوف تحب السطح ماشافت حد فيه عصبت ورصت ع اسنانها وهي تقبض يدها بقوه وتتوعد في نوف بعد ماتأكدت انها راحت للمدرسة لان شنطتها مو موجودة !!
-----------
نوف
متوترة وهي تتأمل الأختبار وعيونها مليئة بالدموع تحجب عنها الرؤية قضمت اضافرها بتوتر وهي مو عارفه تحل ولاتركز بسبب خوفها من ردة فعل خالتها ومن موقفها مع نواف ....
نزلت راسها بقلة حيلة وهي تبكي بصمت
لمحتها وحدةمن الأبلات. وتقدمت منها
الأبلة بحنية: وش فيك يانوف?!
نوف ماردت..
الأبلة : نوف حبيبتي شفيك ماذاكرتي ولاوش انتي من اشطر الطالبات ليش للحين ماحليتي
نوف بصوت مخنوق من البكاء : شوي تعبانه مااشوف الورقة
الأبلة قطبت حواجبها : لايكون صكتك عين ياقلبي بسم الله عليك
نوف نزلت راسها...
الأبلة : قومي قومي معاي تختبري بالإدارة . تبعدي عن جو التوتر .
نوف رفعت راسها : جد?!
الأبلة. بحنية: اي جد قومي
نوف ابتسمت. وخذت ورقتها وتوجهت بعـــد الأبلة للإدارة
ولما وصلت للإدارة خذت نفس وهي تحس بهدوء وبدت تتنفس الصعداء وسمت بالله وبدت تختبر. وهي تردد في نفسها (نواف مايستاهل بعد كل التعب الي تعبه عشانك. تخذليه وترسبي. لازم تنجحي عشانه)
◄☻❥
نواف كان لسا بمكانه يتأمل المدرسة وهو يسرح بفكره ويرجع فيه لورا
*فلاش باااك *
كان نواف نايم بغرفته بتعب بعد يوم متعب بالشغل يشوف بنت بحلمه تبكي وتستنجد فيه وبجنبها مره كبيره تكلمه: بنت خالتك ياسندها لاتخليها. وتكرر الجملة.
نواف فز من حلمه وهو يتعوذ من ابليس هذي مو المره الاولى الي يرجع له نفس الحلم. ....
قام توضى وصلى ركعتين وهو يدعي الله يسهل امره ويكفيه شر كل ذي شر
مايدري ليه اجتاحته رغبه كبيــــرة بالخروج لبس ثوبه وشماغه وطلع وكانت الساعه تقريباً 10:30م هو
بذا الوقت مايكون في ناس كثير بالقرية الاالهندي الي. بالبقاله يفتح لـ11:00م. ويسكر. اخذ نفس وهو يمشي بهدوء في القرية متوجه للبقالة. لمح في طريقه رحيم متلطم بشماغه ويمشي بهدوء مو منتبه لنواف
نواف شك بأمره ولحق وراه بهدوء.
رحيم كان يمشي ويتلفت حواليه وتقدم لين خلف واحد من الجدار وبدأ يناظر باب ابو سالم . نواف كان خلف جدار وراه مباشرةً سمع صوت بنت تترجا بصوت خافت: ياخالة الله يخليك مابي اطلع الحين خلي واحد من اخواني تكفين
موضي : تبيني اصحي اخوانك وهم نايمين وش عليك اطلعي انتي
نوف بترجي: ياخاله والله العظيم الحين مافي احد اخاف احد يتعرض لي وبعدين امس وقبل امس وقبله مطلعتني ليه ماتطلعي واحد من اخواني ولاكنتي قلتي لي قبل المغرب اطلع مو الحين تكفين
YOU ARE READING
مابعد الصبر إلا الجميل
General Fictionرواية سعودية ابطالها. بدو وحضر. في المدينة وفي الديرة. وابطال مشاركين في برامج واقعيه تحمل هذه المناطق قصص حب نظيفة وطاهرة لقلوب لاتحمل الحقد تعاني لتصل الى هذا الحب ولكن مابعد الصبر الا الجميل للكاتبة /الرنيد
