بسم الله الرحمن الرحيم
الساعة 1:30م
مرام بهدوء: تكفى يافهد اسرع فقرة المطبخ بتبداء
فهد: زحمه وش اسوي
سمر: تعداهم
فهد مد الجوال لمرام : بلا هبال كيف اتعداهم هاك يامرام خذو الجوال تابعوهم يوتيوب
مرام اخذت الجوال: مشكور
راحت سمر عندها للخلف وفتحو يوتيوب ودخلو البث المباشر وبدو يتابعون فقرت المطبخ وكان هذال واسامه في فريق و فاهد وناصر في فريق وهذا الي خلاهم ينبسطون وكثير
المقدم بعد مارحب بالجمهور وقال المقدمه
المقدم: يامرحبا فيكم
اسامه: الله يحييك
المقدم: وش شعوركم اليوم بما انها اول فقره رسميه
هذال: والله انه شعور حلو
الشباب ضحكو على التعبير
ناصر: متحمسين
المقدم: طيب الشيف بيقول لكم كل فريق وش عليه يطبخ وطبعا انتو عارفين الشروط مايحتاج نقولها
ونكررها
هزو روسهم بأيه
المقدم: طيب الشيف احمد تفضل
الشيف: اول شي السلام عليكم
الكل: وعليكم السلام
الشيف: الطبخه اليوم جداً بسيطه الفريق الأول عليكم تطبخون اسبقتي
اسامه بضحكه: واحنا بيتزا
المقدم ضحك: هههههههههههههههه حلوه
الشيف بضحكه: لاانتو بتطبخون معكرونه بس بنوع ثاني
هذال يطقطق همس لأسامه: معكرونه يقول مكرونه وبس
الشيف ناظره: ترا صوتك واضح
هذال ضحك بفشله
اسامه ضحك على تعابير وجه هذال
وبداء الشيف يشرح لكل واحد طبخته واسامه كان مخلي يده على كتف هذال ويسمعون للشيف لين خلص
وهذال يناظره شوي ويناظر للشيف
من جهه اخرى ساره الي ماصدقت بلقطه اخذت اللقطه من البث باليوتيوب وبدت تصمم عليها
وريم وقمر جالسات بجنبها يضحون عليها سمعت صوت امها تناديها وواضح من صوتها معصبه: يمه خلني اروح ارد على امي امسكي جوالي ياقمر بتحط حرتها فيه
قمر ضحكت عليها: هههههههههه هاتي
طلعت ساره ترد على امها وهي تعدل شعرها القصير: هلا يمه "صرخت بسبب امها الي شدت شعرها" يمه شفيكككك اااااح
امها بعصبيه: انا اوريك يازفت وش فيني
سحبتها معاها للغرفه بعصبيه عشان مايسمعو ريم وقمر: انا اوريك يازفت السهر لوش واهمال مدرستك ماصرتي مهمله الا من قعدتي معاهم تحسبين عمرك مثلهم هم لاشغل ولامشغله وكل شي يوصل لين عندهم انتي مالك الا مستقبلك الي بلمدرسه لو يصير لأبوك شي مابينفعنا الا شهادتك هم ولاعلى بالهم كل شي يوصل لين تحت رجولهم مابيتضرر الا انتي ياغبيه
قلي لي لو رسبتي بيعطونك شهاده لاااااا مابيعطونك
اقسم بالله ياساره لو عاد اشوفك تتأخرين عن مذاكره او عن مدرستك ان اقفل عليك الباب ماعد تجلسين بجنبهم واخذ جوالك
ساره بدموع: يمه وش فيك قلبتي علينا انا اليوم غبت والله ماعد اغيب اقسم بالله خلاص يمه لايسمعونك وربي بيزعلون هم مالهم شغل انا الي سهرت وتغيبت عن المدرسه
ام ساره نفضتها من يدها: عدلي نومك.. ومدرستك لااشوفك تغيبين عنها انا ماعندي مشكله معاهم لا والله انا مشكلتي فيك انتي حافظي على دروسك ومذاكرتك وسوي الي تبين مابمنعك من شي
ساره ودموعها تنزل هزت راسها بطيب
وهي تطلع من الغرفه وتتوجه لغرفتها وتقفل الباب وجلست تبكي على السرير بقهر امها ليه تعاملها كنها طفله ماتعرف لمصلحتها جلست تبكي بقهر وبعد مده شهقت وهي تتذكر فقرة المطبخ وقفت بسرعه تغسل وجهها وكان اثار البكي فيه واضحه نزلت للبنات
ودخلت: وش صااار.
قمر بحماس: تعالي شوفي صوت هذال يجنننننن "سكتت" وش فيه وجهك؟
ساره جلست عندهم: مافيني شي
ريم بقلق: حبيبتي ليه تبكين؟
ساره بضحك: الله يقلعكم ماابكي بس مدري وش دخل بعيني
قمر بشك: اكيد
ساره تغير الموضوع: اوص اوص اسامه ينشد
قمر ناطرتها شوي ورجعت لفت نظرها للتلفزيون
وهي تشوف اسامه ينشد بحماس وهذال يصفق له
ناظرت اختها وهزت راسها علامه وش فيها
ريم هزت كتوفها بمدري
YOU ARE READING
مابعد الصبر إلا الجميل
General Fictionرواية سعودية ابطالها. بدو وحضر. في المدينة وفي الديرة. وابطال مشاركين في برامج واقعيه تحمل هذه المناطق قصص حب نظيفة وطاهرة لقلوب لاتحمل الحقد تعاني لتصل الى هذا الحب ولكن مابعد الصبر الا الجميل للكاتبة /الرنيد
