بسم الله الرحمن الرحيم
ضاري دفها عنه:وش فيك
رانيا مسحت دموعها: وش فيك انت ليه دمك مغرق ثوبك
ضاري بجفا: وش دخلك وش ماكان يكون خليك بحالك وبولدك لاتنسين.!!!
رانيا بصدمه: ضاري ترى مااقصد شي بس خفت عليك
ضاري رفع حاجب وهو متنرفز: لاتخافين علي ولاشي شكراً.
دخل وصفق الباب وهو معصب خير ليه تتقرب منه هو عارف الحركات هذي وهو مستحيل يتقبلها لو يموت
راح وقف قدام المرايه وخلع ثوبه وهو يناظر جرحه الي خيطوه ولفوه بضماد مد يده عليه بألم:وش ذا الحظ ياضاري وش ذا الحظ
تنهد وراح للدولاب وطلع له تيشرت اسود وبنطلون مريح اسود ولبسهم بصعوبه ونزل نادى الخدامه تفرش له ولنواف في المجلس ودخل جلس على الكنب بجنب نواف: فيني نوم ماهو صاحي
نواف تنهد: والله انك تعبت معاي اليوم اعذرني ياخوك
اتعبتك لين انفك جرحك
ضاري وهو يحمد الله ان نواف ماانتبه لسما: لايارجال انت اخوي ان مانفعتك انفع من بعدين "ابتسم" بتردها لي بزواجي ولا؟
نواف بأبتسامه: ابشر بسعدك
ضاري يتمدد على الكنب: ايه ماتدري يمكن اخذ لي حرمه من الديره
نواف؛ والله انك تشرف الي تناسبه يابو نايف
ضاري غمض عيونه: الله يسعدك رجال ً وافي
دخلت الخداامه وفرشت لنواف مكان وضاري جنبه
وقف ضاري: اووه نسيت ماجبت لك ملابس اعذرني والله من التعب
نواف حلف: والله ماعد تطلع خلاص يارجال تعبت نام وارتاح
ضاري بأعتراض: لاوالله ماتنام بثوبك بخلي الخدامه تطلع تاخذلك ملابس من غرفتي وجيب ثوبك تغسله للصباح
نواف هز راسه وخلع ثوبه واعطاه ضاري الي راح
للخدامه واعطاها تغسله وقال لها تجيب لنواف بجامه من غرفته
راحت وسوت مثل ماقال بعد ماجابت الملابس لبس نواف
وانسدح بتعب ونام على طول وضاري انسدح مكانه وهو يفكر في سما وكل ماتذكرها ينغزه كتفه ضحك بخفه وهو يغمض عيونه وينام بأرهاق
اسامه جالس هو وهذال والشباب ويسولفون واسامه يبي هذال يرسم بس مو عارف كيف يكلمه قدام الشباب ولايبغاه يرسم قدامهم جلس وهو مو مرتاح بالجلسه يبي يقوم لداخل عشان يرسم هذال في الأخير وقف وهو يقول: هذال تعال ابيك بموضوع
هذال وقف معاه وراح لبرا الهنقر وهو يسكر مايكه
اسامه: تعال ارسم الحين ماني قادر اصبر لين بكره
هذال ضحك عليه: طيب والخصم الي بيجينا
اسامه: ماعليه
هذال: ماعليه ماعليه!
اسامه: اللوحه وين؟
هذال يمشي معه: في الغرفه
اسامه بحماس سحب يده وهو يركض: يله بسرعه
هذال يركض معه وهو يضحك وكالعاده الكاميرا تلحقهم لين دخلو الغرف واختفو عن الكاميرا
دخل اسامه الغرفه وهو يتربع على السرير
هذال سحب اللوحه والأقلام وجلس بجنبه: ايه وش ارسمك؟
اسامه بنظره: لاانت تعرف وش ترسم
هذال: ههههههه زين وش عرفني كيف الملامح
اسامه رفع حاجب: اعقب وش ملامحه مابيك ترسم الملامح بس عيون بوصف لك وانت ارسم
هذال بضحك: تغار انت ووجهك
اسامه فتح عيونه: وليه مااغااار
هذال يصرفه وهو يضحك: طيب طيب يلا أبدأ
YOU ARE READING
مابعد الصبر إلا الجميل
General Fictionرواية سعودية ابطالها. بدو وحضر. في المدينة وفي الديرة. وابطال مشاركين في برامج واقعيه تحمل هذه المناطق قصص حب نظيفة وطاهرة لقلوب لاتحمل الحقد تعاني لتصل الى هذا الحب ولكن مابعد الصبر الا الجميل للكاتبة /الرنيد
