بسم الله الرحمن الرحيم
وقف نواف بعد مالبسها وقالو له يطلع الحريم بياخذون راحتهم
قرب منها وهمس بأذنها: ابي اشوفك بالسطح لي تفاهم معاك عشان مقلب اليوم
نوف نزلت رأسها وابتسمت بتوتر (لو تدري انه ماكان مقلب)
رغد تراقبهم و ابتسامتها شاقه حلقها وفيها فضول تعرف هو وش همس لها
وطلع نواف بعد ماباس راسها
وبدو الحريم يصفقون ويغنون وفرحانين
ونوف على عكس حين زفوها ابتسامتها مافارقت وجهها والفرحه غامره لقلبها. بعد ماارتاح قلبها ان زوجها هو نواف ابتسمت بخحل وهي تتأمل الكلمه
نواف طلع وتنهد بفرحه وهو يحمد الله على ذي الفرحه
الي يشعر فيها وده لو يسجد شكر لله ولاخلاها بخاطره طلع لخلف البيت وسجد لله شكر وحمد وطلع للرجال
وتم كل شيء على خير ودخلو اخوان نوف يسلمون عليها وعاصم وعصام وسالم مبسوطين لها حيل ومفتخرين ان زوج اختهم هو نواف ومتطمنين عليها وعاصم رغم صغر سنه الا انه يحس بكل شي اخته تمر فيه بسبب امه وكان يدعي ان نواف يعوضها عن كل شي ومبسوط جد اً بأخته الي طالعه مثل القمر بجمالها
وبعد ماسلمو عليها طلعو للرجال يتعشو
وجلسو الحريم لين الساعه 11 م وكل وحده راحت لبيتها لكن بعد ما ساعدو موضي بتنظيف البيت وكلهم مبسوطين لنواف المعروف عندهم برزانته وعقله وسمعته الطيبه بين كل اهل الديره ونوف الينت الخجوله الي ماشافو. منها إلا كل خير
اما نوف دخلت لغرفتها هي ورغد وهي تسمع رغد تعلق على كل شي ومبسوطه وتتمنى تتزوج واحد مثل نواف وتسأل: وش قال لك تكفين
نوف وهي تضحك عليها ماردت
دخلت تغير فستانها وترتب شعرها ولبست لها لبس بيت عادي وهادئ وطويل بحكم انها ماتقدر تلبس بجامه واخوانها في البيت وهي متعوده على عادات الديره ماتلبس قصير ابداً قدام اخوانها فرشت لها هي وأختها وانسدحت وهي تنتظر الكل ينام عشان تروح لنواف في السطح اكيد ينتظرها...
عند مرام كانت ترقص هي والبنات بفرحه وصوت الشيلات مليان الغرفه ويحتفلون بدخول اسامه للبرنامج
وكل شوي تصيح مرام من الفرحه..
مرام بصراخ: بنــــــــــــــــات اخوي دخل
غصون ضحكت: وربي انك مهبوله خلااااص
مرام تهز: ماني مصدقه ماني مصدقه نانانننانا
غصون تصفقها: بس بس يمهبوله بس
مرام بسرعه: سمر اتصلي لفهود بسرعه ينزل الفيد بحساب اسامه
غصون بنص عين: فهوووود!!!
مرام بورطه: ههههه اقصد فهد من الحماس قلتها.. سمر. يلااتصلي له
سمر نطت تاخذ جوالها وتدق على فهد ومرام لصقت بجنبها
فهد وصوت الأزعاج عنده من الشباب اللي يحتفلون: هلا
سمر: فهودي قالت مرام تنزل فيد اسامه بحسابه
فهد: توي منزله الأن
مرام تهمس لسمر: كفوو ولد عمي
سمر بنذاله: تقول لك كفو ياولد عمها
فهد بأبتسامه حب: كفوها الطيب بنت عمي
مرام تدقها وتقرصهاوبهمس: وجع لك يازفت
سمر: اااح وجع لاتقرصيني مسكين والله لو يتزوجك لاتقلبيت جلده كله قرصات
فهد فتح عيونه وكتم ضحكه
ومرام شهقت: يااااوصخه
سمر بغباء: وش قلت انا
فهد سكر الخط وهو ميت ضحك على مرام وسمر
مرام شوي وتبكي: انتي وصخه ولاايش بيفهمك غلط
سمر بزعل: والله من تفكيركم الوصخ ياقليلين الحياء سبحان الله الطيور على اشكالها تغع
مرام تطقطق عليها: تغع تغع اسمها تقع
سمر قلبت عيونها: ننننننن
وكملو سهرتهم فرحانين بدخول اسامه للبرنامج ويدعو له بالتوفيق في الأيام القادمه والي تعتبر هي الحماس
والمنافسه
YOU ARE READING
مابعد الصبر إلا الجميل
General Fictionرواية سعودية ابطالها. بدو وحضر. في المدينة وفي الديرة. وابطال مشاركين في برامج واقعيه تحمل هذه المناطق قصص حب نظيفة وطاهرة لقلوب لاتحمل الحقد تعاني لتصل الى هذا الحب ولكن مابعد الصبر الا الجميل للكاتبة /الرنيد
