مابعد الصبر إلا الجميل

البـ31ـارت

بسم الله الرحمن الرحيم

فهد كان منسدح والنوم مو راضي يجيه  جلس وهو يشوف الشياب نايمين كلهم وضاري وياسر مو موجودين وقف وهو يلبس ثوبه وياخذ جواله ويطلع من المجلس  شاف الحوش فاضي طلع من البيت كله ولقا ضاري وياسر في سيارة ضاري توجه لهم وفتح الباب: ادخل
ضاري بهدوء:  ادخل
فهد جلس ورا:  ليه صاحين
ياسر: انت ليه صاحي
فهد: ماجاني نوم
ضاري اومئ بهدوء وهو ساند راسه ويفكر
وياسر مثله فهد مل من جوهم فتح الباب وطلع من السياره وطلع مفتاح الشاص ودخل فيه وتنهد وهو يسند راسه ورا وطلع جواله ودخل على محادثته هو مرام وشاف انها ماردت
متردد وده يكلمها وده يقول لها اي شي
كتب بسرعه «خلصتو تسوقكم؟» وجلس وهو منتظر ردها
مرام كانت جالسه في الورا وابوها مشغل لهم القرآن طول الطريق شافت سما نايمه وسمر مثلها وكل البنات تقريباً نايمات سمعت اشعار في جوالها
فتحته وهي مستغربه من بيرسل لها الحين!!
شافته فهد مغصها بطنها من التوتر ولفت لسمر شافتها نايمه ناظرت المحادثه بتوتر وهي اشوف يكتب ويرجع يحذف
غمضت عيونها وماتدري وش تسوي ترد ولا؟
قالت بتردد: يبه
ناصر رفع نضره لها: هلا مرام
مرام: عندك فروه هنا احس ببرد
ناصر بسرعه نزع الفروه من عليه ومدها لها
مرام بأعتراض: لاوالله مااخذها من عليك
ناصر: لالا ماعليك قد دفيت انا ادفي انتي ولاحسيت ببرد قلت لك هاتيها

مرام ابتسمت له بحب واخذتها وتغطت بها  وهي تمسك الجوال  وتدخل للمحادثه شافت فهد للحين منتظر اخذت نفس وكتبت بتوتر « اي راجعين بالطريق»
فهد فز اول ماشاف الرساله وكتب بسرعه
«توصلون بالسلامة يارب»
مرام ابتسمت « الله يسلمك»
فهد  ماعرف وش يكتب وهو وده يطول بالكلام معها كان يكتب ويرجع يحذف
مرام انتظرت شافته يكتب ويحذف كتبت له
«طيب مع السلامه»
فهد جاه احباط وكتب « الله معك»
مرام ماتدري ليه ماودها تطلع من المحادثه وهي تشوف فهد للحين موجود فيها
دخلت على بروفايله وشافت صورته ابتست وهي تقرب على ملامحه وتتأملها حفظت الصوره عندها
وهي ترجع تدخل للمحادثه شافت فهد يكتب
«ماودي اطلع من المحادثه»
فتحت عيونها بتوتر ومن فرط الشعور وبتهور كتبت
«ولا انا» 
فهد فز اول ماشاف الرساله وابتسم من قلب وقلبه يدق بسرعه شاف انها حذفت الرساله ضحك وهو عاض شفته بسعاده
«مرام»
مرام بفشله من نفسها كتبت«همم» 
فهد بابتسامة سعاده «تدرين اني احبك» 
مرام رجف قلبها اول ماقرتها وهو للمره الثانيه  يعترف لها بحبه حست بحر شديد  وخرت الفروه عنها وهي تاخذ نفس وتشوفهم نايمين للحين
كانت يدها ترجف
وفهد للحين ينتظر منها رد ماردت عليه

  كتب«مرام ودي اسولف معك لوشوي بس» 
مرام رجفتها تزيد كتبت « بس هذا الشي غلط وحرام»
فهد تنهد وكتب «ادري والله بس بقول لك شي بسرعه»
مرام« وشو الشي؟»
فهد ابتسم وكتب « كلمت ابوي اني ابيك وبخطبك»
مرام ابتسمت بقوه وهي ترجف ودموعها نزلت بفرحه
فهد تنهد وهو مايشوف منها رد. كتب
« تذكرين يوم احنا صغار ومسكتنا الهيئة»
مرام ابتسمت« اي اكيد اذكر هههه»
فهد ضحك بهدوء وكتب« ليتها ذيك الأيام تنعاد» 
مرام تنهدت بحب له كتبت« فهد تصبح على خير بنام لين نوصل»
فهد تنرفز من تصريفها لرسايله بس كتب« وانتي بالخير والعافية»