Part - 18
ချစ်သော အညို
လူကြီးသုံးယောက်အရှေ့မှာ မျက်နှာငယ်လေးနဲ့
ထိုင်နေရတဲ့ ခွန် နဲ့ မိုရ် ။ တစ်ယောက်လက်ကိုတော့ တစ်ယောက်က တင်းကျပ်စွာကိုင်ထားလို့ ။
တော်တော်ကြာအောင် အသံတွေ တိတ်ဆိတ်နေ
ပြီးကာမှ ချောင်းဟန့်သံ တစ်ချက်နဲ့အတူတူ ----
" မိုက်လိုက်တဲ့ မြေး တသက်လုံးက လိမ္မာ
လာသမျှ တစ်ခါထဲကို မိုက်ချပြစ်လိုက်တာ
ဖွားအေကြီးရင်နှစ်ခြမ်းဗြမ်းဗြမ်းကွဲတာပဲ ဒီလိုတွေ
ဖြစ်လာမယ်လို့ ငါလေ ရေးရေးလေးတောင်
မတွေးမိပါဘူး "
ဖွားဖွားရယ့် စကားအဆုံးမှာ ခွန်, က လေပြေ
လေးနဲ့ ----
" ဖွားဖွားရယ် ကျွန်တော့် ဖူးစာက ဒီလိုပုံစံမျိုးပါလာတာလေ ၊ ပြင်လို့မှမရတော့တာ
စိတ်လျှော့ပါနော် "
ဖွားဖွားကတော့ လုံးဝလက်မခံနိုင်သလိုပုံစံမျိုးနဲ့
သူ့အရှေ့မှာရှိနေတဲ့စားပွဲခုံကို လက်ဝါးနဲ့ရိုက်လိုက်ရင်း ---
" ဖူးစာ ပါလာတာမဟုတ်ဘူးဟေ့ အခုဟာက
ဦးရာလူက ရသွားတာ ငါ့မြေးလေးကို အိမ်နဲ့ခွဲ
ထားတာ တစ်နှစ်တောင်မပြည့်သေးပါဘူးဟယ်
ပင်လယ်အစွန်အဖျားလည်း ထားခဲ့ရသေးတယ်
လူလည်းပေးလိုက်ရသေး ပေးလိုက်ရတဲ့လူကျ
တော့လည်း ၊ အောင်မလေး ငါ သေသာသေလိုက်ချင်ပါတော့တယ် ခွန်မှိုင်းညို ရယ် "
ဖွားဖွားရဲ့စကားကြောင့် မိုရ့်အမေကလဲ မခံမရပ်နိုင်
ဖြစ်သွားရကာ ---
" အဲလိုတော့ တဖက်သက် မပြောပါနဲ့အဒေါ်ရယ့် ကျွန်မသားကလည်း မိသားစုအတွက် အဖိုး
တန်လေးပါ ကျွန်မသားလေးကို ခိုးပြေးလာတာ
အဒေါ်မြေးမဟုတ်လား ၊ ကျောင်းတောင် မပြီးသေးတဲ့ကလေးကို ခုလိုတော့ မလုပ်သင့်ပါဘူး "
အမေ့စကားကြောင့် မိုရ်, ကတော့ မသိမသာပြုံး
လိုက်မိပါသည် ။ အခုကျမှ သူ့သားကြက်သမား
အရက်သမားကို အဖိုးတန်လေးဆိုပြီး အမွှန်းတင်
နေရှာတာ ။ အရေးကြုံလာမှ သားလေးရဲ့ တန်ဖိုးကိုသိနေတဲ့အမေ ။
" သူ့လူကိုယ့်လူ အဖိုးတန်တာပြိုင်ရရင် ခွန် က
အင်ဂျင်နီယာဘွဲ့ရထားတာပါ နိုင်ငံခြားသင်္ဘောမှာ ရာထူးကြီးကြီးနဲ့ လစာကောင်းကောင်းရနေတဲ့
ကလေးပါ ၊ သူ့ကို သမက်တော်ချင်တဲ့ သမီးရှင်တွေမှ ပုံနေတာပဲ အခု ခိုးပြေလာတာကရော ဘယ် သူ့အခန်းလဲ ၊ ရောက်နေတဲ့နေရာကိုကြည့်လိုက် တာနဲ့ ဘယ်သူက ဘယ်သူ့ကို ခိုးပြေးလာတာလဲ အသိအသာကြီး "
YOU ARE READING
ချစ်သော အညို ( ခ်စ္ေသာအညိဳ ) Uni+Zaw
Fanfictionမိုရ် ရယ် ၊ အညို ရယ်၊ ချစ်သောပင်လယ်ကြီးရယ် ၊ တော်ပြီလေ ဘဝက ဒီလောက်ဆိုရင်ကို နေပျော်စရာကောင်းနေပါပြီ ။ မိုရ္ ရယ္ ၊ အညိဳ ရယ္၊ ခ်စ္ေသာပင္လယ္ႀကီးရယ္ ၊ ေတာ္ၿပီေလ ဘဝက ဒီေလာက္ဆိုရင္ကို ေနေပ်ာ္စရာေကာင္းေနပါၿပီ ။
