- العريس فرحان..
- جدًا يا مولانا انا إنهاردة أسعد إنسان فى الدنيا
- سبحان من يضع المحبة فى ااقل من لحظة
- يا مولانا المحبة كانت موجوده من سنين وانا كنت مخبيها فى قلبي ..
- الل عرفته أنك كنت مسافر وزواجكم تعارف معارف
- هحكيلك يا مولانا، إحنا كنا زمايل جامعة لكن مبنتكلمش،ولا هي كانت تعرف ان انا موجود اساسًا وانا معرفش غير اسمها بس ..
- ولا مره كلمتها ؟
- مقدرتش، مكنش ينفع وقتها، انا طالب ولسه عندي جيش وهدور ع شغل، والدي متوفي وانا المسئول عن أختي وأمي، والظروف وقتها لا تسمح بالخطوة دي وكنت خايف اكلمها اترفض كنت خايف اخسرها، وحصل فعلًا ..
- حصل ايه؟
- اتخطبت من حد تاني..
- وبعدين ؟!
- دعيتلها بالخير والسعادة قد حبي ليها وأكتر، خلصت امتحاناتي ودخلت الجيش وسافرت اشتغل اشوف حياتي من غيرها مع غيرها ، حاولت كذا مره لكن هى كانت ساكنه قلبي وقلبي مقدرش يقبل بغيرها، فقررت إن عقلي الل يختار و بعد ٤ سنين والدتي فى إجازتي قالتلي ان حد من قرايبنا شاف عروسة ليا مناسبة وهى زى اى ام عاوزة تفرح بيا، لما عرفت إسمها اتفاجئت ان الإسم هو نفس إسم إللى ساكنه القلب، فروحت اتقدم زى اى حد كانت المفاجأه طلعت هي يا مولانا الل عليها العين والقلب اختارها، هي مكنتش تعرفني والمفاجأة اننا كنا فى جماعه واحدة ، اتكلمنا وكنت حاسس انى فى حلم، اسبوع كنت منتظر الرد على نار كلمه واحده هتقلب حياتي، وجيه الرد بالقبول والموضوع مشي بسلاسة مكنتش اتخيلها، عرفت إنها اتخطبت ٣ مرات ومكملتش، وقتها عرفت جمله مكتوبالك هي كانت مكتوبالي وانا مكتوب ليها و النصيب جمعنا فى الوقت المكتوب لينا نكون مع بعض ❤
- كتبت لك فهي لك، جعله الله عقد ينعقد به سعادتكم ..
بارك الله لكما وبارك الله عليكما وجمع بينكما بالخير ❤
مشاهد بقلمي #يارا_سمير
رأيكم ❤
