مالك يا بابا ؟!
- لا مفيش ..
- لا فى حاجة ممكن تتكلم معايا ..
- مصدع شويا بس ..
- اخدت علاج الصداع ؟! اندهلك ماما ؟
- لسه شارب قهوة لو مروقتش هبقي اخد
سابته شويا ورجعتله :
- لسه مصدع يا بابا ؟
- شويا ..
قعدت جنبه وربعت وشاورت ع رجلها :
- حط راسك هنا
- ليه ؟
- اسمع الكلام يلا ..
نام وحط راسه ع رجلها وابتدت تحسس ع شعره وتطبطب :
- هتبقي كويس ..كل حاجة هتبقي كويسه .. انا دعيتلك انك تكون كويس ..
- أن شاء الله يا حبيببتي ..هقوم بقي ..
- لا استني ( قرأت الفاتحة وهى حاطه ايديها ع راسه ) وطبطبت وهو نام وفضل نايم ع رجلها وهى بتطبطب عليه ومامتها شافت المنظر دا من بعيد وسابتهم وشويا وصحى ..
- عامل ايه دلواقتي؟!
- احسن كتير شكرًا يا حبيببتي ( حضنته وباسته ع خده)
مامتها جت وقعدت معاهم :
- عملتلكم احلي كيك ..
- شكرًا يا ماما ( باستها على خدها )
- عامل ايه دلواقتي ؟
- احسن كتير .. نمت فى راحه محستهاش قبل كده
- الحمد الله،
- بس انتى ازاي جه فى بالك تعملي كده يا كوكو
- شوفت ماما بتعمل كده معاك وماما كانت مشغولة فى المطبخ ومع سولي ، فاكر يا بابا انا لما كنت خايفة وانت حضنتني ومسبتنيش لوحدي ..
- أيوه ..
- أنا مكنش ينفع اسيبك لوحدك زى ما انت مبتسبنيش انا ولا ماما لما بتعيط تحضنها وتفضل قاعد معاها لغايه ما تهدي وتنام، فلما ماما تكون مشغوله انا موجوده اندهالي يا بابا .. !
- أنت عاوزة تاخدي مكاني ولا ايه ؟
- لا يا ماما بس انا بحبك انتى وبابا ومش عاوزة اشوف حد فيكم زعلان او تعبان ف لو حد فيكم مش موجود انا موجوده هعمل زى ما بتعملوا انا عارفه كويس ، بابا بيحضنك لغايه ما تنامي وانتى بتطبطي عليه لغايه ما ينام ..!
قامت مامتها حضنتها وباستها وقامت ترد ع الموبيل وباباها راح نام ع رجلها تاني :
- ممكن اخطف ٥ دقائق كمان ..
- طبعًا يا بابا يا حبيبي ..
مشهد من مشاهد بقلمي #يارا_سمير
رايكم ❤
