အမျိုးသားခုနစ်ယောက်ကို ချစ်ခွင့်ပန်ရမယ်တဲ့..! ဘယ်လိုလုပ်ရမလဲ..? [ 2 ]

197

ခြူးမုယွင်၏ မျက်ဝန်းအိမ်ထဲတွင် ခံစားချက်များ ရှုပ်ထွေးလျက်။ စိုးရိမ်ပူပန်သလို ဒေါသထွက်နေသော်ငြား အကြောက်တရားနှင့် စိတ်ပျက်နာကျည်းခြင်း ဟူ၍ တစ်စွန်းတစ်စပင် မရှိပါချေ။

သို့သော် ကျွင်းမော့လုပ်ခဲ့သမျှကလည်း တကယ့်ကို ကျောချမ်းဖွယ်ရာအတိ။

ခြူးမုယွင်က ကျွင်းမော့အနား တိုးသွားကာ ပွေ့ဖက်လိုက်သည်။ ပြီးနောက် သက်ပြင်းဖွဖွချကာ.. : “အားမော့.. မကြောက်နဲ့နော်.. ဘာကိစ္စပဲရှိရှိ ကိုယ် မင်းအနားက ထွက်မသွားပါဘူး..”

ထိုစကားကြောင့် ကျွင်းမော့ခမျာ ကျောက်ရုပ်ဖြစ်သွားရပြန်၏။

လွန်ခဲ့သောရက်ပိုင်းခန့်က သူတို့နှစ်ဦး ဝါးတောအုပ်ဘက် လမ်းလျှောက်ထွက်စဉ်..

ကျွင်းမော့သည် ‘လင်းမု’အား ‘ကျွန်တော် အမှားတစ်ခုခုလုပ်ခဲ့မိရင် ဘာလုပ်မှာလဲ..’ ဟူ၍ မေးခဲ့ဖူးသည်။ ‘အားမု’ကလည်း ကျွင်းမော့ဘာလုပ်လုပ် သူ စိတ်မဆိုးပါဟူ၍ ပြန်ဖြေခဲ့ဖူးသည်။

ယခုတော့ ‘လင်းမု’က သူ၏ကတိအတိုင်း အမှန်ပင် ဖြည့်ဆည်းပေးနေပြီး ကျွင်းမော့အား အပြစ်မတင်ခဲ့ပေ။

အဆုံးမှာတော့ ကျွင်းမော့ လှုပ်ရှားလာခဲ့လေသည်။ ခေါင်းငုံကာ ခြူးမုယွင်၏ ဖြူဖျော့ဖျော့ နှုတ်ခမ်းအစုံကို ကပျာကယာ နမ်းရှိုက်လာတော့သည်။

ခံစားချက်များစွာ ရောယှက်ပါဝင်နေသော အနမ်းတစ်ခု… မွန်းကျပ်ခြင်းများ၊ သိမ်းပိုက်စိုးမိုးလိုစိတ်များနှင့် ကိုယ့်ကိုယ်ကို အပြစ်တင်စိတ်၊ အတိုင်းအဆမဲ့သော လေးနက်ခြင်းများ၊ စိတ်ဝိဉာဉ်အထိ နက်ရှိုင်းစွာသော ချစ်ခြင်းတရားများ ပြည့်လျှံနေပြီး နှုတ်ခမ်းနှင့် လျှာဖျားတို့ သွယ်ယှက်နေရုံဖြင့် အနှီခံစားချက်များကို ပြည့်ပြည့်စုံစုံ ဖော်ပြရန် မစွမ်းသာခဲ့ချေ။ ကျွင်းမော့က ခြူးမုယွင်ကို မင်းသမီးသဖွယ် ပွေ့ချီကာ အိမ်ပြန်လာပြီး အိပ်ခန်းထဲ တန်းသွားလိုက်သည်။ ပြီးနောက် အဝတ်ချွတ်ပြီးပြီးချင်း ကနဦးပြင်ဆင်မှုပင် မလုပ်တော့ဘဲ ခြူးမုယွင်၏ကိုယ်ထဲ တိုးဝင်လိုက်တော့သည်။