#جموح_انثى_ج٢
#بارت_7
فتحت باب الشارع فاتت سيارة ثامر
لبيت عمي رجعت طبكتة كلت انتظر
شوية لان هوه يضل هو ومرتو ساعة
عدهم يلة يجي علينا ضليت اراقب
من ثقب السيم الشارع فارغ ماكو
احد فتحت الباب وطلعت
وقررت كـلششي اذبة وراي ولا ارجع
بعد كلشي انتهى وخلص حاتم صفحة
سودة طويتها بمرها وحلوها الي ينعدن
على الايد حتى ابني منو ماريدو ماريدو
لفيت عباتي على نص وجهي خفت
احد يشوفني بس دايخة احس روحي
مثل جامة وتهشمت ومستحيل تصلح
بعد اريد اهج اشرد وين مااعرف !
المهم ماضل يمة ولا اشوف وجهة عبرت
بيتين من عدنا وصوت كرم وراية صاح
- ماما وين رايحة !
وكفت بس مندرت عليه ضليت ارمش
واتنفس بسرعة مكدر اسيطر على روحي
ضليت اردد وية روحي ماريد ماريد
اندار واضعف هذا ابنه اي ابنه مثلة
رجع صاح
- ماما هاي انتي اكفي ماما 2
سمعتة يمشي اريد اركض ماريد
يلحكني اجت سيارة باوعتلها حاتم
بيها وصلت قريب علينا يمكن شافني
وكف سيارتة ونزل وكف يباوع تأكد أني
جمدت بمكاني كلبي احسه ايريد يوكف
مو خوف بس يئست يعني مااكدر اشرد
راح يرجعني اجاني يمشي سريع
خزرني
- نيران وين رايحة
ميل راسة شاف كرم واكف
وين رايحة هااا حجاها بنتر
ضليت احجي بمتمتة هلكد مدخت
والكاع احسها تهتز بيه
- اريـ د ااا ريد اروح لاامي
- تخبلتي أنتي شجاج ولج
ركض لزمني من عكس ايدي ورجعني
للبيت يسحل بيه بس ماحجة شي لان
بالشارع فتح الباب كرم وفتنة سدة
ودفعني كدامة
- تخبلتي ولج وين مولية
- للكبور اخلص منك اروح للنجف اكعد
يم كبر أمي 2
- كافي طوختيها شوفي ابنج اشلون
يباوعلج
هزيت راسي بهستيرية
- ماريدو ولااريدك ماريدكم عوفني
طلكني اريد اروح اطلع عوفتي كلشي
ماريد منك بس افتح الباب اط اط لع
ضل صافن عليه غمض عيونة ودنك
راسة وأني احجي ماتذكر شحجيت
جنت منهارة وعقلي كام يجمع ويطرح
بكيفو حجي لزمني من ايدي صرخت
بي
- عووووورفني اولي عوفوووني اكرهككك
يابشر افهم افهم نفسي تلعب منك
قذر نكس عوفني
وكعت العباية بالكاع والجنطة هو قيدني
ودخلني لجوة عمتي طلعت كوة تمشي
ضلت صافنة صاح عليها حاتم
- يمة مشفتيها من طلعت
رفعت ايدها متعحبة
- لا والله يوُم جنت كاعده بغرفتي اني
وكرم شجاج يمة نيران
1
KAMU SEDANG MEMBACA
جموح اثنى
Pertualanganلا شيء عشوائي هنا، ولا شيء يُكتب بمحط الصدفة، كل شيء له سبب، كل حرفٍ وكل كلمة كُتبت قد كانت واقعًا، من حياتـي لاشيء عبثي، صدقوني لا شيء من نيران *ملاحظة/ القصة منقوله من الكاتبة داليا المسلم 🤍✨
