#ﺟﻤﻮﺡ__ﺍﻧﺜﺊ
#ﺑﺎﺭﺕ2
ﺍﻟﺤﻴﺎﺓ ﻻ ﺗﻌﻄﻲ ﺩﺭﻭﺳﺎً ﻣﺠﺎﻧﻴﻪ ﻷﺣﺪ ﻓﺤﻴﻦ
ﺍﻗﻮﻝ ﺃﻥّ ﺍﻟﺤﻴﺎﺓ ﻋﻠﻤﺘﻨﻲ ﺗﺄﻛﺪ ﺃﻧﻲ ﺩﻓﻌﺖ ﺍﻟﺜﻤﻦ 🖤
....................................
ﺻﺎﺣﺖ ﻫﻨﺎﺀ ﻋﻠﻴﻬﺎ ﻭﻫﻲ ﻛﺎﻣﺖ ﻭﻛﻔﺖ ﻭﺭﺍﻫﺎ
ﻭﺗﻼﻫﺚ ﺑﻐﻀﺐ
- ﺍﻱ ﺍﺿﺮﺑﻴﻬﺎ ﻳﺪﺑﻴﻬﺎ ﻣﻦ ﺟﺪﻳﺪ ﻣﺤﺪ ﻃﻠﻊ ﻋﻴﻨﻬﺎ ﻏﻴﺮ ﺃﻣﻲ ﺍﺩﺑﺴﺴﺰ ﺯﻓﺮﺓ ﻃﺎﻟﻌﺔ ﻋﻴﻨﺞ
- ﺣﺮﻛﻦ ﻛﻠﺒﻲ ﻻﻥ ﺻﺎﺭﺍً ﺍﺛﻨﻴﻬﻦ ﻋﻠﻴﻬﺎ
ﺩﻓﻌﺘﻬﻦ ﻭﻋﻄﺘﺘﺖ ﻭﺧﺮﺭﺭﺭﺭﺭﺭﺭﺭﺭﺭﺍً ﻟﻄﺨﺖ ﻭﺣﺪﺓ ﺑﻮﺣﺪﻩ ﻫﻨﺎﺀ ﺍﻟﻄﺦ ﺭﺍﺳﻬﺎ ﺑﺎﻟﺤﺎﻳﻂ ﻻﻥ ﺻﺎﺭﺕ ﻭﺭﻯ ﻟﻤﻴﺎﺀ ﺭﺟﻌﺖ ﻭﺭﻯ ﺍﻟﺪﺭﺝ ﺧﺎﻳﻔﺔ ﻭﻋﻴﻮﻧﻲ ﻓﺘﺤﺘﻬﻦ ﺑﺨﻮﻑ ﺍﻧﻀﺮﻟﻬﺎ ﺧﻔﺖ ﺗﺎﺫﺕ ﻻﻥ ﺩﺍﺧﺖ ﺣﻀﻨﺘﻬﺎ ﻟﻤﻴﺎﺀ ﻭﺃﺧﺬﺗﻬﺎ ﻟﻠﻬﻮﻝ ﻛﻌﺪﺗﻬﺎ ﻋﻠﻰ ﺍﻟﻘﻨﻔﺔ
ﻟﻤﻴﺎﺀ ﺗﺤﺠﻲ ﻭﺗﺄﺷﺮ ﻋﻠﻴﻪ ....
- ﺍﻭﻳﻠﻲ ﻳﻤﺔ ﻭﻟﺞ ﺯﻓﺮﺓ ﺷﻬﻞ ﺍﻟﻌﺮﺍﻣﺔ ﺍﻟﺸﺎﻳﻠﺘﻪ
ﻭﺍﻟﻠﻪ ﺍﻟﻴﻮﻡ ﺍﻧﻬﻴﺞ ﻧﻬﻲ ﻳﺎ ﻧﻴﺮﺍﻥ ﺑﺲ ﺍﺻﺒﺮﻳﻠﻲ
ﺷﺴﻮﻳﺘﻲ ﻻﺃﺧﺘﺞ ﺷﺴﻮﻳﺘﻲ
- ﺭﺣﺖ ﺍﺭﻛﺾ ﻋﻠﻴﻬﺎ ﻟﺰﻣﺖ ﺍﻳﺪﻫﺎ ﻭﻓﺮﻛﺘﻬﻦ ﺍﻟﻬﺎ
ﻭﺍﻟﻠﻪ ﻣﻮﻗﺼﺪﻱ ﻏﻴﺮ ﺍﻧﺘﻦ ﺯﻫﻜﺘﻨﻲ ﺩﺍﻛﻮﻝ ﻣﺎﺭﻳﺪ
ﻭﺇﻧﺘﻦ ﻗﺎﻓﻼﺕ ﻋﻠﻴﻪ ﻫﻨﺎﺀ ﻋﻔﻴﺔ ﺗﺄﺫﻳﺘﻲ ﺷﻮﻭ ﺍﺭﻓﻌﻲ ﺭﺍﺳﺞ ﺧﻠﻲ ﺗﺮﻭﺡ ﺍﻟﺪﻭﺧﺔ ﺭﻓﻌﺖ
ﺭﺍﺳﻬﺎ ﻣﻦ ﺣﻨﻜﻬﺎ ......
( ﺩﻓﻌﺖ ﺃﻳﺪﻱ ﺑﺎﺭﻳﺤﻴﺔ ﻭﺗﻤﺪّﺩﺕ ﻋﻠﻰ ﺍﻟﻜﺮﻭﻳﺘﻪ )
- ﻻ ﻻ ﻣﺎﺑﻴﺔ ﻣﺎﺑﻴﺔ ﺷﻲﺀ ﺍﻧﻲ ﺍﺻﻼً
ﺩﺍﻳﺨﺔ ﻣﻦ ﺍﻟﺼﺒﺢ ﻭﻫﺴﻪ ﺩﺧﺖ ﺍﻛﺜﺮ
- ﺗﻨﻬﺪﺕ ﻭﺭﻓﻌﺖ ﺷﻌﺮﻱ ﺍﺧﺬ ﻧﻔﺲ ﺑﺮﺍﺣﺔ
ﻳﻠﻪ ﻫﻤﺰﻳﻦ ﻟﻌﺪ ﻣﻮﺫﺑﻴﻬﺎ ﺑﺮﺍﺳﻲ ﻟﻮ ﺭﺍﺳﺞ ﻋﻨﺠﺮ
ﺿﺤﻜﺖ ﻭﺩﻓﺮﺗﻨﻲ ﺑﺮﺟﻠﻬﺎ
- ﺷﻮﻓﻲ ﺣﺴﺒﺎﻟﻲ ﺧﻔﺘﻲ ﻋﻠﻴﻪ .....
- ﻟﺰﻣﺖ ﻣﻜﺎﻥ ﺿﺮﺑﺘﻬﺎ ﺗﻮﺟﻌﺖ ﺍﺧﺨﺦ ﻭﻟﺞ ﺻﻔﺤﺘﻲ ﺍﻱ ﺍﻱ ﺧﻔﺖ ﺍﺷﺒﻴﺞ ﺑﺲ ﺇﻧﺘﻲ ﺻﺎﻳﺮﺓ ﻫﻮﺍﻱ ﺣﺴﺎﺳﺔ ﺍﻧﺪﺍﺭﺕ ﻧﺎﻣﺖ ﺻﻔﺢ ﻭﺧﻠﺖ ﺍﻳﺪﻫﺎ ﺟﻮﺍ ﺭﺍﺳﻬﺎ ﺍﻭﺟﻪَ ﻣﺎﻳﻜﺼﺔ ﺍﻟﻄﺒﺮ ﺩﻭﻣﻬﺎ ﻭﺟﻪَ ﻣﺠﻔﻲ ( ﺣﺰﻳﻨﻪ )
ﻧﺪﺳﺘﻨﻲ ﺑﺮﺟﻠﻬﺎ ﻭﻋﻮﺩ ﺗﻨﺼﺤﻨﻲ
- ﺍﺩﺭﻱ ﺩﺍﺩﻩ ﺃﺣﻨﺎ ﻏﻴﺮ ﺑﺎﻟﻨﺎ ﻋﻠﻴﺞ ﻭﻫﺎﻱ ﺧﻮﺵ ﻗﺴﻤﺔ ﻫﻮ ﻣﻨﻮ ﻣﺮﺗﺎﺡ ﺃﻧﻲ ﻟﻮ ﻟﻤﻴﺎﺀ
ﻭﺍﻟﻠﻪ ﺍﻟﻌﺪﻧﺎ ﻣﻮ ﺯﻟﻢ ﻣﺨﺎﺑﻴﻞ ﺍﻟﻠﻪ ﺷﺎﻫﺪ
ﻣﻦ ﺍﻟﻌﺼﺒﻴﺔ ﻭﻫﺬﺍ ﻧﻌﺮﻓﺔ ﺣﺘﻰ ﻣﻨﺎﻑ ﻣﻦ ﺳﻮﻟﻔﺘﻠﻪ ﻋﻠﻴﻪ ﮔﺎﻝ ﺧﻮﺵ ﻭﻟﺪ ﻭﺣﺒﺎﺏ ﻭﻓﻘﻴﺮ
ﺑﺲ ﺍﻧﺘﻲ ﺍﺷﻮ ﺍﻟﻠﻪ ﻣﺪﺍﻳﻬﺪﻳﺞ
- ﺩﺭﺕ ﻭﺟﻬﻲ ﻭﺣﺠﻴﺖ ﻣﺴﺘﻬﺰﺍﺀ ﻃﺒﻌﺎً ﻓﻘﻴﺮ
ﻣﺘﺸﻮﻓﻴﻨﺎ ﺷﺎﻳﻞ ﻛﻞ ﻫﻞ ﺍﻟﻠﺤﻢ ﺑﻠﺸﺘﻪ ﻣﻦ
ﺍﻟﻔﻄﺎﺭﻳﺔ ﺍﻟﺸﺎﻳﻠﻬﺎ ﻣﺎﺭﻳﺪﻩ ﻣﺎﺭﻳﺪﻩ
ﻭﺟﻪ ﺑﻴﻪ ﻛﺮﺵ ﺳﻤﻴﻦ
ﻟﻤﻴﺎﺀ ﺗﺤﺠﻲ ﻭﺗﺄﺷﺮ ﺑﺤﻮﺍﺟﺒﻬﺎ
- ﻛﻮﻣﻲ ﺟﻴﺒﻲ ﻣﻲ ﻛﻮﻣﻲ ﻓﺤﻄﺘﻴﻨﻲ ..
- ﻛﺎﻳﻤﺔ ﺣﺠﻴﺖ ﺑﺘﺬﻣﺮ
ﺭﺣﺖ ﺟﺒﺘﻠﻬﺎ ﺩﻭﻟﻜﺔ ﻭﻧﻄﻴﺘﻬﺎ ﺍﻟﻬﺎ .. ،بيج قصص عراقيه حقيقيه من واقعنا.روعه الطائي
ﺷﺮﺑﺖ ﻭﻣﺴﺤﺖ ﻭﺟﻬﺎ ﺑﺘﻌﺐ ﻭﻫﻲ ﺗﻼﻫﺚ
-: ﺗﻌﺒﺘﻴﻨﺎ ﻭﻟﺞ ﻻﺗﺮﺩﻱ ﻳﻄﺒﺞ ﻃﻮﺏ
ﺇﻧﺘﻲ ﻣﻮ ﻣﺎﻝ ﺭﺟﺎﻝ ﺯﻳﻦ ﻻ ﻻ ﺃﻧﺘﻲ ﻣﺎﻝ ﻭﺃﺣﺪ ﺍﻳﺪﻙ ﺑﻴﺞ ﻟﻴﻞ ﻭﻧﻬﺎﺭ ﻋﻠﻰ ﻫﻞ ﺍﻟﺴﺎﻥ ﺍﻟﻤﻨﺠﻮﺭ ﺍﻟﻌﻨﺪﺝ
- ﺇﻧﻲ ﺍﺷﺮﺕ ﻋﻠﻰ ﺭﻭﺣﻲ ﺑﻐﺮﻭﺭ ﺍﺫﺍ ﻣﺎﺗﻤﺸﻲ ﻛﻠﻤﺘﻲ ﻋﻠﻴﻪ ﻣﺎ ﺍﺧﺬﺍ ﻭﺍﺫﺍ ﻣﺪ ﺍﻳﺪﻩ ﻋﻠﻴﻪ ﺍﻛﺴﺮﻫﺎ ﻳﻜﺘﻠﻨﻲ ﺷﻨﻮ ﺑﺲ ﺍﻫﻢ ﺷﻲﺀ ﺃﻣﺸﻲ ﻛﻠﻤﺘﻲ ﻋﻠﻴﻪ ﻣﻮ ﻣﺜﻠﺠﻦ ﺍﻧﻬﺰﺍﻣﻴﺎﺕ
YOU ARE READING
جموح اثنى
Adventureلا شيء عشوائي هنا، ولا شيء يُكتب بمحط الصدفة، كل شيء له سبب، كل حرفٍ وكل كلمة كُتبت قد كانت واقعًا، من حياتـي لاشيء عبثي، صدقوني لا شيء من نيران *ملاحظة/ القصة منقوله من الكاتبة داليا المسلم 🤍✨
