#جموح_انثى
داليا المسلم
#بارت 8 #جزء2
مو هسة حتحس بنقُص
باچر يفُر بيك الزمن
وآخذ الثار براحتي
يالعلمتني إعله السهَر
باچر ترد متعوب إلي
وما تلگة مثل ولايتي
نيران ،
كعدت الصبح احس اعصابي متشنجة
يعني وصلني لحالة يرثى الها شوكت
اترك الاني بي ربي تعبت كرهت روحي والضعف الي وصلت اله بسببه وخرت
الغطة وضليت ادلك برجلية متخشبات يوجعني عشر دقايق أني ادلك بيهم
منا لمافكن نزلتهن
صارت جكة اباطن كف رجلي اول مرة
تصير بيه لزمت الحايط سندت روحـي
عليه ومشيت على كيف منا لما راح
التشنج شكد نقهرت على روحي وضليت اعاتب بيها
امداج نيران شجاج هو منو يسوه
وهيج تسوين بروحج عليه وارجع اكول القاهرني روحي حاتم من اول مخذني
وهوه بده يدمر بيه جزء جزء لما صدك وصلني لمرحلة الحطام والرماد وهدمني
كلياً جان بكل صورة يحاول يمحي كياني
استغفرت ربي وقررت احارب دماغي
من التفكير كافي عاد بي نزلت غسلت وجهي وافتريت بالبيت عمتي بالمطبخ
هيه وكرم تريكة من شافتني ابتسمت
حجيت بتعب
- صباح الخير عمة
صفنت عليه مستغربة مثل واحد يشبه
- صباح النور هلا يمة
ورجعت صفنت على كرم وهو يتريك
دنكت بسته
- من تخلص لاتروح تلعب اسبحك
- اي
سويت ريوك اليه وكعدت اكل وصافنة
احجي وية روحي كافي نيران ذبي
ثوب الحزن وانتبهي لروحج على شنو
مقهورة وياريتة لو يسوه وانقهر عليه
مديت ايدي ودنكت على الاكل نزلت
دمعتي واختلطت وية لكمتي حتى نفس
مالي للاكل شربت الجاي
احس الزمن توقف يم ذاك اليوم الي
سمعت بي التسجيل شوكت اجتازة
واتناساه ضليت اردد وية روحي أنتي
قوية تكدرين موتت امج وكسرتج بيها
اجتازيتيها وهاي تخليها تكسرج لاا
مليت من التفكير كمت سبحت كرم
وبدلتله وهو يحجيلي عن الاخبار
والسياسة صايرة هاي الايام روحة
ابرامج الفلكية والتاريخية ويحجي
بالفصيح عن معجزات شيشوف
باليوتيوب واني استمعلة ابد ما اكله
اسكت ولو هو عندة ثقة بروحة ميهمة
احد يقاطعة يكمل كلامة وبثقة هم
بيدي المشط وارفع بشعره
- يله لاتطلع تلعب برة تتمرض اكعد
يم بيبي تفرج بالموبايل
- اي ماما متابع قناة المخزن
تتكلم عن سقوط النيزك على الارض
ماما اريد اقرأ انكليزي علميني
- صار بس افرغ ابدي اسس قواعده
الك اني هم مفكرة هيج اريد كلشي
ادرسك ماطول عندك طموح
عافني وراح سبحت شسورت شعري
وشلتة ذيل حصان
وخليت مكياج خفيف وطلعت رتبت
البيت هوه اصلاً نظيف وسويت غده
كملتة وطفيتة عمة هم تعبانة كوة تمشي
وكل شوية تسألني اشبيج عمة مريضة
شسوالج حاتم ليش صايرة تضميمن
عني
- عمة عادي مثل كل مرة
- لا هوه يحجي ولا أنتي
مجاوبتها صفنت مثل النست شيء
ضلت تفر بعيونها بالبيت مثل المتيهة
اشوية وانتبهت استغفرت ربها وراحت
بس شنو حرف محجيت ساكتة كرم
يفتر وراية حسبالك مفطوم ممصدك
نزلت وافتر يمة
ويسولفلي على صديقاتة وشيلعب وياهن
واني بس اهز براسي ومبتسمة طلع
بايسكلة يفتر يمي بالمطبخ للطرمة من
اباوعلة ترد روحي انت الشي الوحيد
الحلوة بحياتي والباقي كـلة سواد
صحتلة
- مو كتلك لاتطلع
اشرلي يتوسل
- عفية ماما شوية وافوت
- ربع ساعة بس فهمت
- اي
بيدي خاولي وامسح بالكاونتر صوت
هورن سيارتة راجع من الدوام طلع
كرم يركض فتحلة الباب غسلت ايدي
اريد افوت قبل لا يدخل ماريد التقي
بي ركضت فتت لغرفة كرم وسديت الباب قفلتة سمعت صوته يسأل كرم
- لعد وينها امك مو دكول بالمطبخ
كرم ؛- نعم كانت هنا باالمطبخ بس
يمكن دخلت لغرفتي
ضليت اسمع ماكو صوت صار هدوء
يمكن فات يبدل طلعت توضيت خلصت سديت الحنفية وردت ارجع صار بوجهي سويت روحي مشفته تعديته وفتت
للغرفة صاح وراية
- السلام لله
اندرت عليه
-البيت ينباع ميضل فهمت
ضحك وهز ايده
- ما ابيعه لو تنكلب الدنيه ولو تتقلع
عينج هم
البرود الصابني كدامة موطبيعي
حتى معرفت روحي رديتلو بلا مبالاة
- شسوي سوي معاد يهمني عسه
ماينهدم على راسك شكو داحجي
- ضلي بااهوامج ضلي شوفي روحج
صايرة جلد وعظم مريضة انتي الشك
دمرج
عفتو ودخلت اصلي الضهر مراح
اصلحه اني ذيل الجلب عمره منعدل
مراح اعدلو اني اني سمعت سمع
اذني وحلفلي كذب شمقصرة عليه
هو والماكو واحد عندي صار اوهام
وتجذبني شكد صلف وحقير مشفت
مثلك صعدت فوك ماريد اضل وياه
بنفس المكان ويبقه يحوم فوك راسي
أنت تقرأ
جموح اثنى
المغامرةلا شيء عشوائي هنا، ولا شيء يُكتب بمحط الصدفة، كل شيء له سبب، كل حرفٍ وكل كلمة كُتبت قد كانت واقعًا، من حياتـي لاشيء عبثي، صدقوني لا شيء من نيران *ملاحظة/ القصة منقوله من الكاتبة داليا المسلم 🤍✨
