٤٣___٤٤
مساء الخير
جموح انثى
بارت 43
داليا المسلم
نيران & حاتم
ضلت عمتي ادندن لكرم
يمة نباك رجلي وملكيتة وقبل الفجر غطيته
وهو يصفك كل اشوية وكاللها اي بيبي غني بعد غني وهنه
كاعدات يباوعن على عمتي
اخذت الجاي ورحت حميته وخليت كليجة بالماعون اول تالي
لافيات علينا ضليت مستغربة اخذته الهن قدمته
كعدت يم عمة رقية ضلت تحجي وتسولف على زوجها اشون
موزين وياها وهاملها مافتهمت شيء منها اما اشواق عينها على
الباب ضلت صافنة عمو ترخص منهن وكام راح للاستقبال كعد
هو وكرم
اشوية وفات ثامر استغربت اليوم من وكت راجع سلم عليهن وكعد
ضل كل اشوية يرفع عينه على اشواق ويبتسم طبعاً اني اراقبهم
كام وكف وكال
_ من رخصتكم راح اصعد ابدل
_ تركنا وصعد اشوف اشواق كامت تحوس كامت وكفت
وترخصت من عدنا
_ اني اروح للحمام من رخصتكم
_ كمت وكفت عود اخذها اشرتلي
_ لالا اكعدي نيران قابل شنو ما اندل
_ براحتج راحت واستلمتني رقية كامت كعدت بصفي عمة بس
صافنة عليهن
_ اي نيران اشونج أنتي وحاتم
_ ضليت صافنة عليها متعجبة جاوبتها يعني اشون اشوني
_ ههه لا اقصد ان شاءالله مرتاحة
_ اي الحمد لله وليش مامرتاحة شاكيتلج اني فد يوم
_ ها اشبيج اكلتيني ترى هو سوال عابر يعني
_ لاتعيدي مرة ثانية احسن من رخصتج اكوم احضر العشا
تركتها وطلعت عابت خلقتج شكد غثيثة شوكت عرفتيني وداتساليني
هيج اشون ميانة زفرة
طلعت من الهول شفت اشواق نزلت من فوك وفاتت يم اختها
مرتبكة عزا العزاج هاي شكانت اتسوي فوك بس لا يم ثامر
الواطي
ضليت افتر اشون اعرف اشون رجعت وايكت عليهن كاعدات
وهاي أشواق عينه بتيلفونها وتضحك مدري بمنو تراسل
تركتها هسه أني شمخلية بالي وياها ضلن لبعد المغرب كإعدادت
وثامر كاعد يمهن وسوالف وضحك هو وياهن حاتم فات
سلم عليهن لحته صافنة على رقية كامت بوجهة واجت
رادت اصافحة عود شنو هاي معناها هو رحع ليوره واني خليت
ايدي بيدها وخزرتها سحبت ايدها ورجعت كعدت فشلانة
حاتم طلع وصاحني وراه دخلت للغرفة بدل ملابسة طلعتله تراك
_ اليوم من وكت شعجب !!!
_ ماعندي شغل كملنا شعجب اليوم ذني جايات هنا
_ شدراني غير بنات عمك الحنينات انته هم روح كابلهن واكعد
بين مااسويلكم عشه
أنت تقرأ
جموح اثنى
Adventureلا شيء عشوائي هنا، ولا شيء يُكتب بمحط الصدفة، كل شيء له سبب، كل حرفٍ وكل كلمة كُتبت قد كانت واقعًا، من حياتـي لاشيء عبثي، صدقوني لا شيء من نيران *ملاحظة/ القصة منقوله من الكاتبة داليا المسلم 🤍✨
