#جموح_انثى
#داليا_المسلم
#بارت_10_جزء_الثاني_والاخير
2
وكفت افتح باالباب ماكو مقفلة السيارة
رجعت دخلت بس فكـري كله يمة اشبي
شنو هذا العلاج وليش ضامة هنا
وحعت للمطبخ ماريدة يطلع ويشوفني
واكفة اباوع ليسارتة اخذت كوبين الحليب وردت اطلع من المطبخ صار بوجهي حاتم تعداني وطلع مستعجل بيده سويج سيارتة ضليت واكفة بمكاني سمعت شغلها وفتح باب الشارع معناها طلع باوعت الساعة عشرة ونص شسويلة
كعدت اني وكرم ادرسة ساعة وكملت
دروسه
- يلة كوم غسل بملح حلكك وروح يم
بيبي نام اخذت الكوابة راحت اغسلهم
ورجعت يمهم كرم شاف شجرة باليوتيوب
ماما اريد شجرة ميلاد جيرانة ابنهم
شوفني جايبين
سحبتة بحضني عمتي ممنتبه داتسبح
-عيب من بيبي غير حزانة على جدو
بس وعد راح اسويلك كيكة أني واكتب
اسمك عليها متفقين
- ايي متفقين
- يله اروح انام وانت لاتسهر فهمت
رن فون عمة رجعت اشوف منو كرم
قرا كاللها
- هذا بابا
فتح خط عليه اشرتله يفتح مايك
- كرم وين بيبي
- ها بابا هاي
- انطينيها الو يوم أني طالع لسامراء
اخوه صديقي استشهد ورايح وياهم
عمة ردتله ؛- الله وياك يوم بيت منو
- بيت فلان (..)
صوت هوسه وصريخ يمه وسده
عرفنا ابن منو شكد نقهرت عليه وعمة
كامت تنعي وتبجي
- يمة نيران لاتصعدين فوك نامي هنا
بغرفتج اخاف احتاج شيء اليوم دايخة
لايصعد السكر عندي
- صار عمة
قفلت البوب وطفيت الاضوية ورحت
للغرفة كمت من افوتلها اختنك من عطرها
احسه مو مكاني ولاانتمي اله
افتريت على مكاني الجنت انام بي
وخرت الغطة صفنت على الفراش شكد
تعذبت هنا شكد نمت ودمعتي على خدي
ضحكت حضني باسني مرات احسه
ملجئي ومرات لا وسادة عذاب مددت
وشغلت يوتيوب وخليت السماعات بذاني
النوم طار من عيني كلت بلكي اتعب وانام ضليت هوااي والضوة معلوك منتبه للوقت
اله حسيت عليه صاح بصوت عالي
- داااحجي جاوبي
رفعت راسي وذبيت السماعة باوعت
للساعة تلاثة ونص
- ها شوكت اجيت
- هسه دخلت وهمه طلعو للنجف صار
ساعة احجي شبيج مسمعين
ذب ملابسة وطفة الضوة ورجع مدد
وخله ايده ع عينه ومتغطي نصف جسمه
طفيت موبايلي وكمت اطلع لزمني من
معصمي ورجع راسي على المخده
- مالي شغل بيج نامي بس اليوم يمي
بس اليوم
مددت على طرف الجربايه وغطيت راسي لفيت روحـي حتى انام حسيت ايده التفت
على خصري اني وخرته وندرت ونطيته
ضهر
-تره اكوم انته شكلت هسه
أنت تقرأ
جموح اثنى
المغامرةلا شيء عشوائي هنا، ولا شيء يُكتب بمحط الصدفة، كل شيء له سبب، كل حرفٍ وكل كلمة كُتبت قد كانت واقعًا، من حياتـي لاشيء عبثي، صدقوني لا شيء من نيران *ملاحظة/ القصة منقوله من الكاتبة داليا المسلم 🤍✨
