٣١___٣٢
جموح انثى
بارت 31
الكاتبة دالـيا المسلم
السلامُ عليكم
نـيـران 💚
ضليت اسبوع مااحجي وياه ضجت منهم
وطكت روحي وهو منا خانكني الصراحة مو
بس هو السبب اختنكت اريد مثل البنات عندي اهل اطلع ازورهم ابقى عدهم صدك
الاهـل نعمة وبالعافية عليها الي عدها حتى خواتي نقطعت وياهن يمكن مرات افكر اروح
لبيت لمياء واتراجع من اخر اتصال وياهن خشنن كلبي عليهن بنفسي اتصل بيهن اشكي همي
الهن دائماً يذبن اللوم عليه منها وبطلت خلي اتقوقع على نفسي احسن مرات احلم عد أمـي
موجودة وبيتنا واروح ابقى عدها يومين حتى حاتم يمكن لو كان أمي عايشة يمكن ميضربني ولا يعاملني اصلاً هيج
بس هناء من اخر المستحيلات افـكر اخطي عتبت بابها للمـوت مراح انسى بيوم الي نطردت من بيتها وطلعت مذلولة فوك ذلة الدنيا دوم
اذكر وتحز بروحي السواء وياية مناف رغم
اعتذر مني بس ابد داخلي مـراح يصفى عليه
لو بيت خالي الي دوم ياخذني الحنين الهم صح خالي ما قبل يتركني بس موبيدي ماردت طلال وانوب حاتم
يكرهم وفوكها كلما اطلب منه اروح اشوف
خالي سمعت مريض من عمي ما يقبل كل حجاية والثانية يكلي دتواعدين حبج القديم
كـل ضنه احب طلال هو أني لو من صدك
احب طلال مكان رفضتة واجيت لبيت عمي شاردة وتقبلت اختيار عمي اليه
امـا حاتم سكتت ورضخت اله هو يجبرني اعناد هو يجبرني اعلي صوتي تسلطة خنكني احسه حابسني بقفص من كونكريت ردت اعود
روحي وكلت اجاري اضهرله اهتمامي عسئ
ان يتغير ياما طلعت وشفت ودرست شحصلت تالي كلها تركتني اول ماغمضت عين أمـي
حـاتم من شافني كمت اسكت انوب اتجبر اكثر اتسلط اكثر يضرب وهو المنون ولازم ارضى بكلمة
لااا والف لاا مااكدر اتقبل اهانته اليه
كل مااعاند يضرب يقسى وعود يرجع يعتذر
بعد شنو
بيوم الصبح هو راح للدوام اول ماطلع .. كملت .. شغلي وعمة كملت طبـخ الغِدهَ .. لبست بسرعـة ونزلتلها من شافتني استغربت سألتني
... هـاا يـُم نيران وين طالعة !!
... عدلت شالي مو وحدي عمة إنـتي وياية
امشي نـروح للصالون اصبغ شعري
... زين حاتم يدري !!
.. اي عمة يدري استأذنت منه ( هـو كـذب مايدري) راحت لبست عـباتها وطلعنا وصلنا للصالون مو بعيد على الشارع موقعة اول
ما دخلت لكيتها فارغة طلبت تصبغلي اسود عمتي ماقبلت
YOU ARE READING
جموح اثنى
Adventureلا شيء عشوائي هنا، ولا شيء يُكتب بمحط الصدفة، كل شيء له سبب، كل حرفٍ وكل كلمة كُتبت قد كانت واقعًا، من حياتـي لاشيء عبثي، صدقوني لا شيء من نيران *ملاحظة/ القصة منقوله من الكاتبة داليا المسلم 🤍✨
