ကျွင်းမော့ : “‘အားမု’ရဲ့ ခန္ဓာကိုယ်က အားနည်းနေလို့ပါ..”
ခြူးမုယွင်က ပြုံးလိုက်သည်။ နောက်ဆုံးတော့ ခြေထောက်မြှောက်ကာ ခြေလှမ်းစတင်လိုက်သည်။
ရှေ့ရှုရာတွင် ဆိတ်ငြိမ်စွာသော ဝါးတောအုပ်တစ်ခု ရှိနေ၏။ မြင်ကွင်းတစ်ခုလုံး စိမ်းစိုနေပြီး သစ်ရွက်များမှာ လေနှင့်အတူ ယိမ်းနွဲ့လျက်။ ဝါးပင်များသည် ခါးမတ်ရင်ကော့ကာ တန်းစီရပ်၍ အမိန့်ကို စောင့်ဆိုင်းနေသော စစ်သည်တော်များနှယ် ဆိတ်ငြိမ်သော်ငြား ဤသန့်စင်သော ကုန်းမြေကြီးကို မြဲမြံကြံ့ခိုင်စွာ ကာကွယ်ပေးနေကြလေသည်။
ထိုမြင်ကွင်းကို မြင်သောအခါ ခြူးမုယွင်က ပျော်ရွှင်သွားဟန်ဖြင့်..
“ဒီနေရာလေးက အရမ်းသာယာတာပဲ..”
ကျွင်းမော့ : “နည်းနည်းတော့ အအေးပိုတယ်..”
မိုးထိလုမတတ် ဝါးပင်များသည် နေကိုကွယ်ထားပြီး အအေးဓာတ်ကို ပိုမိုသိပ်သည်းစေ၏။ ခြူးမုယွင်က နေပူစာလှုံရန် ရည်ရွယ်ချက်ဖြင့် ထွက်လာခဲ့ခြင်းပင်၊ သို့သော် လက်ရှိအခြေအနေအရ မဖြစ်နိုင်တော့ပေ။ ရာသီဥတုကလည်း သိပ်ပြီး ကောင်းမွန်ပုံမရချေ။ ကောင်းကင်ယံထက်တွင် တိမ်ထုမည်းမည်းများ မရှိပါသော်လည်း ညို့မှိုင်းနေလေပြီး လေထုက စိုစွတ်နေသည်။ မကြာခင် မုန်တိုင်းလာတော့မယ်မှန်း သိသာနေတော့သည်။
လေပြင်းတိုက်လာသဖြင့် ခြူးမုယွင်၏ ခန္ဓာကိုယ်က မသိမသာလေး တုန်ယင်သွားသည်။
ကျွင်းမော့က ချက်ချင်းပင် သတိပြုမိသွားပြီး.. : “ရာသီဥတုကောင်းမှ ထပ်လာကြမယ်လေ..”
ခြူးမုယွင်က ပြန်ပြောသည်။ : “ကောင်းပြီ..”
အိမ်ပြန်ရန် နောက်လှည့်ရုံသာ ရှိသေးသည်၊ မြေပြင်ပေါ်မှ ညှိုးလျော်နေသော သစ်ရွက်ဝါများကို မြင်လိုက်ရသည့်အခိုက် မျက်နှာအမူအရာ ပြောင်းသွား၏။
ဝါးပင်များသည် အမြဲတမ်း စိမ်းစိုနေပြီး ဥတုလေးရာသီ၏ သက်ရောက်မှုမရှိ။ သို့သော် ခြုံပုတ်များနှင့် မြက်ပင်ငယ်များကတော့ ရာသီအလိုက် ပြောင်းလဲတတ်ပြီး ဆောင်ဦးရာသီတွင် အရောင်စပြောင်းလေ့သည်။ ယခု ရွက်ဟောင်းကြွေနေသည်ကို ကြည့်လျှင် ဆောင်းဦးရာသီကို ကျော်လွန်၍ ဆောင်းရာသီ ဝင်လာပြီဖြစ်ကြောင်း သိနိုင်ပေသည်။
![](https://img.wattpad.com/cover/335874210-288-k744192.jpg)
YOU ARE READING
အမျိုးသားခုနစ်ယောက်ကို ချစ်ခွင့်ပန်ရမယ်တဲ့..! ဘယ်လိုလုပ်ရမလဲ..? [ 2 ]
Fantasyအမျိုးသားခုနစ်ယောက်ကို ချစ်ခွင့်ပန်ရမယ်တဲ့..! ဘယ်လိုလုပ်ရမလဲ..? ''မင်းကိုယ့်ကို ခုနစ်ကြိမ် လက်ထပ်ခွင့်တောင်းခဲ့တယ်၊ ကိုယ်ကလည်း မင်းကို ခုနစ်ကြိမ် ကတိပေးခဲ့တယ် . . . ကိုယ်တို့ လက်ထပ်ကြရအောင်..!'' ................................ အမ်ိဳးသားခုနစ္ေယာက္ကိ...