خـدࢪاטּ ڪلـبـﻲ مـטּ الـتـ؏ـب مـﯾـت ؏ـدل مـاادࢪي▁▁▁▁▁▁▁▁▁▁▁▁▁▁▁▁▁▁
جمانه: ليش تخوزر بيه شكوو شبيكك
كرار: وخري مني
جمانه: شكو غير افهم
كرار: جمانه وخري مني
جمانه: تمام براحتك
عفتهه ورحت يم تقى ودمعت عيوني باوعتله وهوه معصب و بس واحد يحجي وياه يكب بوجهه
مونيا: شبيكم جنكم متعاركين
جمانه: لا ماكو شيء
كرار: عمه شوفي بتج العنوديه مسودنتني
جمانه: لا يمه جذاب هوَ الي يبدأه ويعاركني
كرار: لا عمه جذابه هيه اللسانها يطولها
مونيا: يبوو عليكم شكد تتناكرون جنكم توم وجيري
درت وجهيي وعكدت حواجبي وهوهَ هم سكتت صعدن البنات بسياره كرار واني ضليت واكفه
كرار: شمتانيه ماصعدين ست جمانه
جمانه: رهوفه عمري رايحه اصعد يم ابويه
كرار: رهف لاترحين وصعدي وستجني
جمانه: رهف رايحه باي
مااحس الى نزل وجرني وصعدني يمهه
جمانه: عزه وجع شبيكك وليش هيج جريتني
كرار: مره ثانيه لا تعانديني
جمانه: بكيفي افتح الـ باب اريد انزل
كرار: الصمي بويه
سكتت ودرت وجههي على الجامه وهوَ طلع قرأن ويسوق وصلنا للمقبره ونزلو بس اني منزلت لان زعلانه فتحلي باب السياره
كرار: نزلي
جمانه: عوفني مااريد
كرار: تنزلين لو انزلج بطريقتي
سديت الباب وعاط
كرار: اخخخ فتحي الـ باب اصبعيييي جمينه
فتحت الـ باب ونزلت واخذت اصبعه وضميته بيدي
جمانه: اسفه والنبي مجان قصدي يوجعك
كرار: انت تجرحيني وتجين تعتذرين
نزلن دموعي وبست اصبعه
جمانه: اسفه والله
كرار: عادي يابه مسحي دموعج محضرتهن رحمه الوالديج
جمانه: صبر لا تتحرك
كرار: وين
جمانه: اصبرلي ثواني اخذت
ميي وغسلت اصبعه ونشفته بالكلنكس
جمانه: هسه صار زين
كرار: لا بعده يوجعني
![](https://img.wattpad.com/cover/329529180-288-k742598.jpg)