فلا في وصلهم لاقيت سعدًا
ولا في هجرهم ذهب المصابُ
••••••••••••••••••••••••••••
ضحكنا ورجعنا يمهم ضلينا نسولف شويه وراحو أذن وصلينا كملنا و رحنا سوينا عشاء اني والبنات كملنا اكل و كلمن صعد الغرفته وانيهمات صعدت تطمنت على كاتي لكيتها نايمه رحت نمت وفزيت الساعه 3 الفجر على صوت الشباك نركع قوي كعدت مخروعه كمت سديته وشغلت الضوء رحت اتطمن على كاتي لكيتها ماكو بالقفص دورت بفراشي ملكيتها لبست حجابي ونزلت كلهم نايمين وكاتي ماكو دورت بالمطبخ ماكو و بالغرف ماكو رحت للحديقه ماكو ماخليت مكان مادورته ركضت الغرفتي ورجعت دورت همات ملكيتها بقت بس غرفة رهف مدورتها رحتلها ولكيتها تلعب وياها و تضحك دخلت عليها
جمانه: عزهه شوكت اخذتيهاا لج قلبت البيت عليها
رهف: طبيت الغرفتج وخطفتها ههه تونس شكد حلوه
جمانه: ايي بس خفت عبالي مدري وين راحت المهم خليها يمج راح اجيب القفص
رهف: لا اخذيها راح انام
جمانه: تمام اخذتها و رحت الغرفتي قفلت الباب و حطيتها بالقفص انطيتها اكل ورجعت للجربايه اخذت جهازي و دخلت للواتس مالكيت كرار مراسل متت خوف عليه قفلت التليفون ومدري شلون غفيت..
✧✧✧✧✧✿
كرار:
نمت وكعدت 4 الفجر سبحت وبدلت و راسلت اياد قافل نقاله سويتيلي چاي شربته و صعدت بست جمانه و كتبتلها رساله و سديت الـ باب و طلعت صعدت بالسياره ورحت البيت اياد ضليت ربع ساعه ادك بـل باب كوه طلع
اياد: هاا صباح الخير كملت بس البس حذائي هاك هاي جنطتي صعدها
كرار: صباح النور صار ساعه ادك الـ باب شني ماتسمع راح نتأخر يمعود بسرعه ستعجل
اياد: اي شبيك جاي ولا تطي مجال
كرار: ديلا ستعجل تأخرنا
طلع و صعدنا بـ السياره وصلنا ورحنا يم الضابط مالتنا ضل يوجهه بينا حاوطنا المنطقه وضلينا نراقب بيها اليل كله مانمنا كعدت الصبح وطلعنا اني واياد و اسمع اياد يعيط
اياد: كرار اشرد بسرعه دست على عبوه روح وعوفني لا تموت
كرار: والله مااعوفك بس اوكف لا تتحرك
اياد: كتلك عوفني وشرد لا نموت ثنينه روح اركض
كرار: انجب وسكت خل نشوف حل
رحت يمه
كرار: ارفع رجلك شويه شويه بس خل انشوف جوز مو عبوه
اياد: وخر لا تصير تشريب وعلي اشرد وعوفني
كرار: كتلك مااعوفك اجلبت انموت سوه ونعيش سوه اطيني ايدك وشيل رجلك شوي شوي رفع رجله وطلع دايس على الغلك مال كدريه شلته وكمت
