وكان ربك للمكسرين جابر .. 💔
يكفي أننا عند الله لا نهون ..🤍
••••••••••••••••••••••••••••
كرار: شني معناها هاي الحركه
جمانه: طفي الجكاره كافي لاتشرب
مااهتم ورجع يشرب
جمانه: تعاند موو
طفيتها بيدي و غمضت عيني متوجعه كض ايدي وعاط
كرار: شبيج تخبلتي صدك جذب
بچيت وسكتت غسل ايدي ونشفها بقميصه
كرار: ليش اتحركين كلبي وتعذبيني
جمانه: مثل ماتحرك كلبي من تشرب جكاير كبالي وتعذبني
كرار: هلكد تخافين عليه
جمانه: ايي اكثر من نفسي اذا تحبني بطل لا تشربهاً بعد
كرار: مااكدر جمانه كافي
شلت كاتي وگتلها: شوفي شلون يحرك كلبي
اخذها مني وگال: كاتي گليلها تبطل عناد شالعه مرارتي
اخذتها منه
جمانه: شبيك احجيلي
كرار: تعبان جمانه تعبان
جبتله ميي وشربه صبيت چاي واحجي وياه
: من شنو تعبان
كرار: من حياتي
عفت الصينيه على صفحه وحضنته
جمانه: اش كافي اني يمك مااعوفك شوف عيونك صايرات حمر اكيد مانايم
كرار: اي والله
جمانه: روح نام ساعه اني اكعدك
صعد نام رحت وديتلهم الچاي وكعدنا نسولف شويه وصعدت
جمانه: كرار يلا اكعد
كرار: بس نص ساعه وكعديني
جمانه: صارلك ساعه كامله نايم راح تتأخر على اياد
كام غسل و مشط شعره مستعجل وحط عطر وطلع رحت الغرفه رقيه ولكيتها ترتب بغراض الطفل دكيت الـ باب باوعتلي
رقيه: هلا جمون اجيتي بوكتج تعاي شوفي
جمانه: هلا بيج
كعدت يمها وشوفتني ملابس الطفل
جمانه: يعيني شكد حلوات
رقيه: هذن مالتي امي محتفظه بيهن من عرست جبتهن وياي
جمانه: يروحي عبالك جدد
رقيه: اي
رتبت وياها كملنا ونزلنا يمهم آذان المغرب وصلينا جماعه كملنا ورحت اني ورهف وريم سوينا عشاء مريم رتبت السفره وسوت چاي وحضرت الستكايت كملنا كولشي وكعدنا نتعشا شويه واجه كرار رحتله
