عِيّونه مَثل البَصرة حَتى بالشِتى تَچُوي.
دخلو 5شباب مـعرفتهم سلمو على بابا وماما وسلمو عليه ورديت السلام وكعدو
جمانه: تقى هذول منو
تقى: هذا مهدي ابن عمتج شيماء وهذا وليد ابن عمتج هند وهذا كرار ابن عمج محمد وهذا حيدر ابن عمج علي وهذا عباس ابن عمج هيثم والي هوه اخوي
جمانه: اهاا شكراً
تقى: عفواً عمري ادللي
جمانه: ميدلل عليج ضالم
تقى: عمريي
جمانه: كلت للبنات خل انظف البيت صاير هوسه المهم قسمنا الشغل يقين+ساره نظفاً 4غرف فوك بس مخليتهم يرتبون غرفتي لان احب اني انظفها المهم
ورهف وتقى نظفاً الغرف الجوه 3غرف
وريم ومريم غسلاً المواعين
واني اخذت الطرمه والحديقه
جمانه: ضليت ارش بالحديقه سقيتها كولها ورحت اغسُل الطرمه المهم رشيت الطرمه كولها وحطيت ولازم اسوي حركتي حطيت زاهي وكمت اتمزلك شكد حلو وكمت ارش بالمي ليفوك الصراحه نسيت روحي هههههه المهم اجه كرار
كرار: ولج شبيج جنج طفله جاي تلعبين لو تنظفين
جمانه: طلعت الساني نننن انت شعليج وكمت اضحك
كرار: لجج لاتزلكين
جمانه: ماا اوك ردت اوكع وكضني وكعنا اني وياه تكسرنا حرفياً
جمانه: كمت اضحك وابجي بنفس الوقت
كرار: ارتاحيتي
جمانه: كله من وراك انت وكعتني
كرار: هاي فوكاها
جمانه: كافي يلا وخر خل نكوم
كرار: وكفت ومديت ايدي حتى اكومها
جمانه: اكدر اكوم ماكو داعي تكومني
كرار: لاتعاندين خل اكومج
جمانه: كضيت ايده وكومني وكتله شكراً
كرار: كام يضحك وكال كملي شغلج وطبي بدلي لاتتمرضين
جمانه: اوك وراح يم الشباب كملت شغلي و صعدت سبحت ولبست دشداشه طويله ورديه ولفيت حجابي زين ونزلت لكيت البنات مكملات شغل وكاعدات يسولفاً دخلت عليهم وكتلهم هلا خاينات كاعدات تسولفاً بدوني
كامن يضحكاً
يقين: انت تأخرتي شنسويلج
جمانه: ضربتها بالمخده على كيف وضلينا نضحك ونسولف واني جاي اسولف شفت عباس يباوعلي بنظرات مرعبه خفت منه كلت بكلبي هذا شبي هيج يباوع عابت وكرار ضربه وكله شبيك صافن جنك مطي كمنا نضحك عليه
عباس: هاا لا ماكو شيء شبيك كمزتني
كرار: احممم
عباس: ضربته على ظهره
جمانه: كمنا نضحك المهم رحت يم امي وكتلها ماما خل نطلع نشوف البستان ضوجه البنات كالاً ايي خل نطلع ضوجه
كرار: محد يطلع خوش هسه نلعب لعبه ونتونس ماكو طلعه
جمانه: لا والله مو بكيفك انت
كرار: اي بكيفي قابل بكيفج
عباس: اسكت كرير خلي يطلعاً تعالاً اني اخضكم
جمانه: هلا اببن العم كفو
عباس: شعندي غيرجاً
جمانه: كمت اضحك و هوه ضحك وكلت للبنات يلا بدلاً راحن يركضن يبدلاً وكرار عصب وكام يخزر بيه مهتميت وكلت بكلبي شكد مكروه ومعقد المهم رحت بدلت بنطرون واسع وقميص اسود وبشت واخذت جنطتي وتليفوني ونزلت وطلعنا محد راح من اهلي بس احنه البنات والشباب المهم وصلنا للبستان و...يتبع
الهنا ويخلص هل بارت 💕
صوتو حتى استمر 🌚✨
باي♡
