اضمك وين؟
من ياعين؟
هوه المثلك شينضم
يل چنك بخور هنود
من سابع سلف ينشم
••••••••••••••••••••••••••••
_تقى
رجعت من بيت اهلي ميته تعب سبحت ونمت كعدت العصر على صوت اعياط عمت جعفر نزلت ركض و ميته خوف جان تعيط عليه
سميه: الخايسه الجايفه الله ذاب عليج بس نوم شعندج نايمه للظهاري المكطنه
تقى: عمة احترمي نفسج مو تشوفيني ساكته معناها تحجين براحتج ترا انه ساكته بس لان احترمج واكول اكبر مني وشكو هل عياط خوفتينا
سميه: كرت عين امج عليج تردين تعرفين شكو تعاي وياي
جرتني من شعري وكعتني بالكاع وراح جابت التاوه واجت
سميه: شوفو جنتكم النظيفه شلون تغسل مواعين
_ اخذت التاوه منها و كضيتها كلها دهن ومبين الدهن جديد حتى ريحه طبخ مابيه ولا لون التكلاه
تقى: عمه والله غاسلتها زين ليش تسوين مشاكل
سميه: اني مااسوي مشاكل بس هاي الحقيقه زين عوفج من الطاوه زين ليش حاركه قمصان جعفر مو خطيه باجر يروح بيهن للدوام
ضليت صافنه عليه وعلى خباثتها
جعفر: ماتوقعت هل خباثه منج تقى ليش اسويتلج مزعلج بشيء مقصرين وياج بشيء ليش هيج تعاملينا
تقى: جعفر معقوله تشك بيه ترا انه مرتك مو عدوتك وشراح استفاد من اسوي هيج شغلات عمة احجي ويه ابنج ترا اني مظلومه وهاي عمتك هيه سبب مشاكلنا وتريد تفرقنا لا تصدكها
ضربني راجدي وعاط
جعفر: اششش ولا كلمه تقى كافي احترمي نفسج واعتذري من عمتي و شتكلج تكولين اي وتسكتين مفهوم
ضليت بحاله صدمه
گلت بتفكيري معقوله طلع جعفر هيج
ركضت الغرفتي واخذت النقالت واتصلت على جمانه وكلتلها كلشي........
••••••••••••••••••••••••
جمانه:
رحنا قسنا الفستان اني ورهف
جمانه: لج شهل جمال يخبل عليج
رهف: وانت هم يجنن عليج مو هينه ست جمانه ذواقهه بكلشي
جمانه: عمريي شكراً
رهف: عفواً عيني يلا انه رايحه ابدل و انزل اسوي چاي الابوي تردين اسويلج كهوه
جمانه: لا تسلمين يحيلي
رهف: خوش يلا رايحه
جمانه: تمام باي
راحت و كعدت اكلب بالجهاز شويه واجه كرار
جمانه: الله يساعدك عمريي
