يا حيَرتي الما تنوصف، شحجيلك وتفهَمني ..؟
••••••••••••••••••••••••••••
♛♛♛♛♛♛♛♛•
جمانه: الف مبروك يحيلي شايفه كل الخير يارب ان شاءالله دوم الضحكه على وجهج
رهف: ياروحي الله يبارك بيج ولج نزعيلي البدله ختنكت شثكلها
جمانه: تمام صبر
فتحتلها البدله وطلعت من غرفتها ونسحبت من ايدي خترعت ردت اعيط وحط ايده على حلكي ضربته برجله بكل قوتي حاولت اشوف وجهه بأي طريقه واحد لابس اسود وملثم ضربني على راسي و دخت واغمى عليه فزيت على رشه الـ ميي فتحت عيني كلهم ملتمين عليه حطيت ايدي وره راسي ايدي انترست دم كمت ارجف وابجي
جمانه: هوه والله هوه متأكده هوه
حضنتني تقى وتحاول تهديني ضليت ابجي كمت على حيلي ومشيت كلها تعيط ماهتميت بالي كله يم كرار نزلت ركض للديوان مالكيته طلعت للحديقه وهمات ماكو شويه وفتح الـ باب واجه عليه ركضت بدون تفكير حضنته
كرار( بخوف): جمان بويه شبيج ليش هيج خايفه
جسمي كله يرجف ودايخه حيل كوه واكفه مجاوبته مابيه احجي وخرني من حضنه و عدل شالي و عاط
كرار: جمانه راسج ينزف شبيج اصاير
جمانه: اجه اجه وراد يخ يخطفني
دخت واغمى عليه فتحت عيني ولكيت نفسي نايمه بالجريايه وايدي بيها الكانوله وراسي موتني من الوجع عدلت كعدت وكرار انتبهلي وكعد بخوف
كرار: شلون صرتي بويه
جمانه: تمام بس صارلي شكد نايمه
كرار: صارلج اهواي نايمه بسبب البنج
جمانه: راسي يوجعني
كرار: اي خيطو الج صارلنا فوك ساعه من طلعناج من المستشفى هاج هذا عشاج اكلي حتى تاخذين دواج
جمانه: شبيك دتبجي عليهه
كرار: لا معليج اكلي وشربي دواج ونامي
حضنته
جمانه: دتجذب اعرفك تره شوفني هياتني مابيه شيء
باس راسي وكض خدي
كرار: جمانه اموت اذا يصيرلج شيء اضيع بدونج بويه
صبيتله مي وانطيته
جمانه: اهدء و اشرب مي وتعال ناكُل سوه اعرف مماكل
كرار: كلشي تعرفين ماتفوتج فتفوته زغنوطه
جمانه: شعبالك غير اني مااحجي
ضحكت وضحك على ضحكتي وكلته وكلني ضليت اسولف وياه واحاول اضحكه حتى لا ينقهر كملنا اكل و اخذ الصينيه ونزل ماحسيت ونمت فزيت من النوم الساعه 3 الفجر حاولت ارجع انام بس مكدرت اخذت جهازي لكيت رساله من رقم غريب دخلت على الواتس ولكيت بنت
