يگلبي شخذت الها والعطيتة.؟
نخرس بية الكتبتة والعطيتة.!
يا من فدوة لله، والعطيتة
لعيونج اللعبت لعب بية
♡♡♡♡♡♡♡♡♡
_كعدنا نسولف ماانحس الى رقيه تصرخ
ركضنالها كلنا
عمه: راح تجيب ولكم لحكو عليها
جمانه يمه جيبي عبايتها
_ ركضت طلعتلها عبايه ولبسناها وعمو شالها
ونزل الدرج وكلنا نتراكض مانعرف شنسوي
عمه: تعالن وياي نحضر ملابس للطفل
_ صعدنا وياها وحضرنا الملابس مانعرف شنخلي خبطنا ملابس الولد والبنيه بجنطه واخذناهن واخذنه كركوز صغير ونزلنا انطيناهم العمه وراحت هيه وكرار وراهم ماخليت دعاء يعتب عليه رتبنالها الغرفه الجوه وكعدنا ننتظرهم 2 بليل يلا اتصلو علينا وكالو جابت تؤم رهف والبنات ضلن يهوساً ويهلهن صطرني بالهلاهل ههه الفرحه الحسينه بيها رهيبه حيصير عدنا اطفال بالبيت احساس يجنن ثاني يوم اجو الولد وبقت عمتي ورقيه وعمي بالمستشفى والبقيه رجعو عمي محمد اشتره ذبيحه فده وعزم اهلي واقاربنه واجه الطباخ طبخلنا للعزيمه العصريه يلا طلعت رقيه استقبلناها بالهلاهل والجكليت رهف وريم اخذو الاطفال منها بنت ولد يهبلون سلمنا عليها وتباركنالها و دخلناها للغرفه وعمتي ميته تعب سبحت واجت يم رقيه كولساع تسألها تردين شيء مشتهيه شيء ابد ماعافتها شويه واجو اهلي سلمنا عليهم واجت تقى ميته شوك عليها واجت ساره هيه ورجلها البيت يخبل صار ضحك وسوالف صار الفطور وصبينا احنه للنسوان والرجال همَ صبو اكلو وكملو وطلعو وكمنا اني والبنات لمينا البيت وغلسنه الجدور ونظفنا البيت صار يلمع صعدت سبحت وطلعت وكلت كاتي ورحت امشط صعدن البنات يضحكن
جمانه: هههههه شبيجن
تقى: كرار يكول راح اتزوج شفت شلون امرأة تخبل
_ غابت ابتسامتي وعيوني انملن دموع درت وجهي للمرايه وضليت امشط رهف ضحكت بكل قوتها
رهف: ولج ريم شفتي وجهه شلون انكلب هههههه
ريم: اي ولج راح تموت هههههه خرب انه بطني
_عطت عليهن بقهر
جمانه: على شنو تضحكن
_ غابت ابسامتهن من شافني نزلن دموعي اجت تقى حضنتني
تقى: اسفه والله ماعبالي هيج تضوجين والقران نشاقه وياج
جمانه: اكره هيج شقه لا تشاقن
_لفيت شعري كبه ولبست شالي شلون مجان وداطلع وندعمت بـ كرار
ريم: اسفين جمانه والله مقلب
خزرهن كرار
كرار: شكو ليش مضوجاتها
رهف: اتفقنا نسوي مقلب بـ جمانه وكلنالها كرار راح يتزوج لكه مرة وهيه بجت ماعبالنا تضوج هيج
