" အဘိုးရဲ့ နှလုံးရောဂါခွဲစိတ်ကုသပြီးမှပဲ
တခေတ်တို့ မင်္ဂလာပွဲကို လုပ်ပါ့မယ် "" အ အဘိုးရဲ့ နှလုံးရောဂါ ဟုတ်လား "
ဦးသောကမှာ သူ့၌ မရှိသော ရောဂါအကြောင်း ကြားလိုက်ရတာကြောင့်... အံ့ဩလွန်းလို့ စကားတွေပင် ထစ်ကုန်တော့၏။မြေးဖြစ်သူကို ကြည့်တော့လည်း ခပ်ပြုံးပြုံး မျက်နှာနဲ့ရှိနေပြီး...ကိုယ့်ကို မျက်လုံးတစ်ဖက် မှိတ်ပြတာကြောင့်... ကိုယ့်၌ မရှိတဲ့ ရောဂါက မြေးဖြစ်သူ လက်ချက်ဆိုတာ သိလိုက်ရ၏။
" ဟုတ်ပါတယ်။ အဘိုးရဲ့ ရောဂါက စိုးရိမ်ရတယ်လို့ ဦးလေးကြီး က ပြောတယ်။အာ့ကြောင့် အဘိုးရဲ့ ရောဂါကို အရင်ကုသစေချင်တယ်။အဘိုးရောဂါ အရှင်းပျောက်ကင်းတော့မှ တခေတ်တို့ မင်္ဂလာပွဲကို လုပ်ပါ့မယ်။ အဘိုး ရောဂါကို အရင်ကုသမယ်မလား ဟင် "
ကိုယ့်ကို စိုးရိမ်မျက်ဝန်းတွေနှင့် ကြည့်ပြီး...
ဆေးကုသအကြောင်း ပြောနေတဲ့ မြေးချွေးမလောင်းလေးက်ို... မြေးဖြစ်သူ ကောင်းမှုကြောင့် မချိပြုံးနဲ့..." အင်း... မြေးမလေးတို့သဘောပါကွယ် " ဆိုပြီး... စကားကို အဆင်ပြေအောင်လို့ ထိန်းပြောရသည်။
" မင်း အပေါ်က ကိုယ့်အခန်းသွားလိုက်၊ရေမချိုးချင်လည်း အနားယူချင်ယူ။အဘိုးနဲ့ စကားပြောပြီးမှ ကိုယ် အခန်းထဲကို လာခဲ့မယ် "
" အင်း "
တခေတ်, ဦးလေးကြီးတို့ အနားကနေ ထွက်လာခဲ့သည်။
" ကဲ... ပြောစမ်းပါဦး နေတိမ်တိုက်။ဒေါင်ဒေါင်မြည် ကျန်းမာနေတဲ့ ငါ့ဆီ ဘယ်ကနှလုံးရောဂါက ရောက်လာတာလဲဆိုတာ... "
ချာတိတ်မလေးအနားကနေ သွားတာနဲ့ အဘိုး က
တိုက်,ကို ဒေါပွလေတော့သည်။တိုက်,ဒေါပွနေတဲ့ အဘိုးကြောင့် မရယ်မိအောင် မနည်းထိန်းရင်း...
" အဘိုးပဲ ရွှေတခေတ် ကို မြေးချွေးမတော်ချင်နေတာမလား။အဲ့ဒါကြောင့် ကျွန်တော်် က ခေါင်းမာတဲ့ အဘိုးမြေးချွေးမလေး ကျွန်တော်တို့ဆီ လာနေအောင်လို့ နည်းနည်း အကြံလေး ထုတ်လိုက်ရတာပါ "
YOU ARE READING
ရင်ခုန်ခြင်း၏ အဓိပ္ပါယ် Completed
Romanceစည်းချက်မညီသော ရင်ခုန်သံ Fbက ဖျက်ချလို့ အကောင့်ပါဝင်မရတော့လို့.... ရင်ခုန်ခြင်း၏ အဓိပ္ပါယ် or ဦးရဲ့.... ချာတိတ် ဒါလေးကို အစားထိုးပြန်ရေးနေတာပါ။
ရင်ခုန်ခြင်း၏ အဓိပ္ပါယ် or ဦးရဲ့.... ချာတိတ် part 21
Start from the beginning