مريض نفسى بالفطرة

_١٧_(لست ليث، أنا غيث)

طرقت على الباب عدة طرقات قبل أن تدخل ،وظلت واقفة فى مكانها الى أن يأتيها الرد من صاحبة الغرفة
هتفت رنا بصوت عالى قائلة: مين ؟
لتجيبها الآخرى بتواضع: أنا عفاف يا رنا ،ممكن أدخل

أسرعت الآخرى بفتح الباب قائلة لها بترحاب شديد:أه أكيد اتفضلى ياعفاف
لتقول عفاف بحياء:
الحاج راشد طلب منى أطمن عليكى واكتب حاجة تقويكى وكدا ، بس رنا أنا مش جايه عشان كدا
نظرت لها بتعجب لتسأل مستفهمة: أومال عشان ايه ؟
نظرت لها بتفحص شديد ثم قالت بجرأة: عملتى كدا ليه؟

صُدمت من طريقة حديثها ، ارتجفت بعض الشىء ولكنها حاولت أن تتماسك لتقول مرتدية قناع اللامبالاة:
عملت ايه مش فاهمة؟
ابتسمت عفاف بتسلية لتقول بهدوء غريب :
بصي من غير لف ودوران رشيتى ايه على هدوم الست سهير؟
هتفت رنا بسرعة بدون تفكير: ايه؟ لا مرشتش حاجة أنا
عم الصمت قليلًا، كانت ثوانى معدودة ولكن بالنسبة لرنا كالدهر، لينتهى ذلك الصمت بعد أن قالت عفاف بإبتسامة جانبية : طب عينى فى عينك كدا
انفجرت رنا ضاحكه من طريقتها ، لتقول من بين ضحكاتها :
بصراحه رشيت بوردة هرش عشان ...
ابتسمت عفاف قائلة بسعادة مفطرطة: من غير عشان هى تستاهل عندك حق
حمحمت بحرج وهى تهتف بتساؤل : بجد يعنى مش هتقولى لحد يا عفاف؟
ضربت كفًا بالآخر قائلة بثبات: ما لو كنت عايزه أقول كنت قولت تحت يا رنا ؟
قطبت رنا حاجبيها بتعجب قائلة: ليه؟ ليه مقولتيش ؟ عايزه تساعدينى يعنى
بقت صامته لبعض الوقت ثم هزت رأسها نفيًا لتقول بفتور واضح:اطلاقا، لا عايز أساعد ولا أضر، أنا بس مبحبهاش ولا بحب معاملتها لأهلى ، فتستاهل بصراحة، بس المرة الجاية استخدمى حاجه متتكشفشى بسهولة ، شغلى دماغك
لتسالهأ بضحك : حاجه زى ايه؟
هتفت الآخرى بطريقة درامية :ملين مثلًا، أهو يلين عليها دنيا عقبال الأخره بقي ،أو حبوب هلوسة تخليها تضحك فى عز الميتم ، يعنى من الآخر حاجه تخليها فرجة لكل أهل البيت
انفجرت رنا من الضحك حين قالت ذلك ، لتقول من بين ضحكاتها :تصدقى فكرة مجتش فى بالى خالص
ابتسمت عفاف لتقول بطفولية: خلاص ياستي عدى الجمايل

لكن رنا لم تكن تعرف السبب وراء كل هذا الكره الوليد لتسال بتعجب قائلة:
بس عفاف انتى بتكرهيها للدجادى
جزت على أسنانها بغيط لتقول بغضب شديد:
مش كره قد ما غصب وقهر ، الناس دى مؤذية بشكل بشع
قطبت رنا حاجبيها، لا تعرف حقًا ما الذى حدث مع تلك الفتاة لتصل لتلك النقطة من الغضب لتسألها بهدوء: قهر من ايه ؟عشان أهلك يعنى ؟
ابتسمت بحزن دفين لتجاهد دموعها بشدة قائلة: رنا هو أنا شغاله ايه ؟
نظرت لها بحنق لتهتف بغيظ واضح :
ايه السؤال البايخ دا ، أنا عارفه انك ممرضة ياعفاف ، إيه لازمه الكلام دا واحنا فى حوار مصيرى عن الولية مرات عمى؟
قالت عفاف بهدوء قاتل بدون أى مقدمات:
لا خالص أنا فى آخر سنه من كلية طب بشرى جامعة القاهرة

وقع الخبر عليها كالصاعقة، كأن أحد ألقى بدلو ماء بارد فوق راسها لتقول بدون وعى: ايه بتهزرى ، بجد ، مش مصدقة