تحضى نار قلبي

حلقة السابعة والخمسون

_اي اي متفهمك وحقك هم بس بعد بقت بكيفك أنتَ أعرف بمصلحتك بس علية نبهتك.

_لا إذا عندي خاطر يمك لا تحچي لسرور
ولا تفكر تخليها ترافع لمصلتحك.

_ثق بالله نفسيتها تعبانة وما أريدها تتعب زيادة ودخول المحاكم والمرافعات كلها تدمر النفسية.

زفر نفسة بقوة بعدها أردف
_هايهية شوف إلي تريدة شنو و أمشي بي.
بس نصيحة مني لا تحچي لمصطفى شيء لان أبنك الله يسلمة متهور وعايزة شعلة.

سلم علية وفصل الخط حسيت علية شغل لجگارة وگعد ينافخ..

مر وقت وبالي يم كلامة أريد افهم السالفة شنو وليش هيچ محيرتهم والاضرب طلاكيش وزوجة عمو شمسوية.

لحضات وحسيت علية تمدد يمي ويگلب بالجهاز
عيني ما ذاكت النوم بسبب التفكير لحد ما صار الفجر وگام طلع ملابسة ونزل..

عرفتة راح يسبح.
نزلت للمطبخ خليت القوري على الطباخ سويت الچاي
وطلعت بيض.

غسلت وجهي ورجعت أحضر بالريوگ.
سمعت الباب أنفتح وصوت ياسين يگول
_صباح الخير، بعد وقت ليش گاعدة؟

صديت علية وحچيت
_لان أريد أسوي ريوگ.

رفع حاجبة وگال
_يعني أگول رجعت قزحيتي الأعرفها لو بعدچ معلسة؟

قوست شفايفي وحچيت بعدم مبالا
_ على حطتي

شمر علية الخاولي وگال
_يافرحة ما تمت
گلت بيني ما بين زوجتي العزيزة صحت على نفسها.

گلبت عيوني وحچيت
_يلا لعد أصعد غير ملابسك حتى نتريك.

رد بصدمة
_لا
جد متغيرة اليوم نتريك وگاعدة لوقت دوامي
بيها الخير إن شاء الله.

ضحكت وهو صعد للغرفة.
بين ما طگيت البيض نزل تريگنا سوا وطلع لدوامة.

ضليت أفتر بالبيت عزلت الغراض وگعدت بالصالة
حسبت على برشة گعدت.

غسلت وأجت يمي عيونها مورمة.
عقدت حواجبي وحچيت
_خير يا طير شبيهن عيونچ؟

زفرت نفسها وحچت
_ما أريد روضي ولا أريد أتزوج ولا أريد أشوف خلقتة..

رفعت حواجبي وحچيت
_ليش شنو السالفة؟!.

برشة:ما أريد ما أعرف ليش بس أحسن.

ضحكت وحچيت
_ملاحضة نفسچ ما تعرفين شنو تردين بالضبط؟
تحبينة وسويتي كوارث الدنيا وتالي هسة ما تردي
غير أكو سبب مقنع يخليچ ترفضي.

تمددت گدامي وگالت
_غيمار

_شنو و غيمار شعلية وضحي

رفعت أدينها وأشرت على أصابعها
_ غيمار تعود علية وتعودت علية أحس يومي فارغ بدونة ومستحيل أتركة..