مابعد الصبر إلا الجميل

البـ18ـارت

______________
••في الديره ••

الجده كانت تمشي الشارع وهي تحسه لأول مره يصير طويل وبعيد مايخلص وصلت لبيت ابو سالم ودقت الباب بيد ترجف وهي ماتعرف وش صاير وش فيه فتحت لها رغد ووجهها بعد بكاء بلعت ريقها وقالت: بسم الله عليك وش في وجهك
رغد هز راسها بلا وهي تأشر لها تدخل دخلت الجده وشافت الحريم مجتمعين عند موضي حست بدوخه لما استوعبت كل كلمه قالها نواف نوف راحت! بس لحظه هم ليه يضحكون شافت موضي تتقدم لها: هلا بك يام عادل نورتي تفضلي
ام عادل بصوت راجف : سلمتي يمه شلونكم
موضي بتسليك: الحمدلله شايفه نجهز للملكه لليله والجيران ماقصرو الله يسعدهم تفضلي "تأشر لها"

الجده ام عادل تدور بعيونها على نوف: ووينها عروستنا
موضي: بغرفتها ليه؟
ام عادل: ودي اشوفها اذا ماعليك امر وبروح
موضي بأستغراب: لجل وش تبين تشوفينها
ام عادل: والله ودي اشوفها
موضي ميلت فمها وتقدمت للغرفه تدق الباب: نوف ام عادل ودها تشوفك
ام عادل دقت الباب بهدوء: يمه نوف؟!
فتحت نوف الباب بسرعه والتقت عيونها بالجده وتقدمت تسلم عليها بحب: هلا يمه!!!
ام عادل بحنيه عليها:انتي بخيرر.
موضي رفعت حاجب: وش بيكون فيها
نوف هزت راسها انها بخير
ام عادل تضمها: الف مبروك مقدماً يمه الله يجمعكم على خير ويسعدكم
نوف نزلت راسها بحسره (مابي احد غير نواف): الله يبارك فيك يايمه
ام عادل بحنيه: اجل استودعتك الله انا بروح اشوفتس الليل ان شاءلله
نوف نزلت راسها ولاردت وام عادل فسرت سكوتها خجل وودعتهم وراحت راجعه لبيتهم

نوف ناظرت موضي بحقد وسكرت الباب بقوه في وجهها وراحت تبكي بمكانها وهي تتذكر وش صار

#عوده _ماضي

كانت تبكي بقوه لما استوعبت انها خلاص بتتزوج حد ثاني غير نواف الي ياما وياما حلمت بالزواج منه
ووقفت بكل سرعتها ودخلت للمطبخ واخذت السكين ومدت يدها وهي ترتجف ناظرت وريدها وغمضت عيونها ومدت السكين لوريدها وهي تردد(يارب سامحني يارب سامحني والله مقدر اكون لغيره يارب لاتؤاخذني يارب العالمين اغفر لي يارب لامس السكين يدها وقلبها يصرخ «لاتعصين ربك» بس الشيطان يقول «اقطعي وريدك وارتاحي من ذي الحياه افضل من انك تتزوجي شخص غير نواف»
قبل تضغط بالسكين على وريدها حست بيدها تنسحب بقوه وكانت رغد الي مصدومه من تفكير اختها صرخت: وش تسوووووين انتي؟؟؟؟؟!
نوف جلست تبكي على الأرض لما استوعبت: تعبت تعبت ماااابي اتزوج مااابي
رغد تجلس بجنبها وتضمها وتبكي: وتذبحين عمرك؟؟؟!!!!!
نوف: اااااه يمه ااااخ قلبي يوجعني حيل
رغد تبكي: بسم الله عليك كل شي بيصير لك فيه الخير ان شاءالله يمكن ترتاحين ياعمري من ذي الحياه وتحكم امي فيك
نوف تشد عليها وتبكي: وين ارتاح وين؟؟! (وانا بتزوج حد غير نواف)
رغد: والله انه رجال طيب وكفو وانا اعرف بنات عمه دايم يمدحونه والله انه زينة شباب الديره
نوف بحرقه: مابيه مابيه
رغد تبكي معاها: تكفين اهدي خلاص تكفين ام سعران بتجي بعد شوي بفساتين تختارين لك لاتشوفك تصيحين والله ان تعرف الديره كلها
نوف سكتت ودموعها تنزل
رغد تمسح دموعها: قومي جعلني فداك يوخيتي خلينا نفرح فيك واتباها فيك واقول اختي عروسه الليله وننبسط صدقيني مابتندمين ان شاءالله
نوف ناظرت اختها وابتسمت بوجع
رغد بفرحه: يلا قومي خلينا نتجهز ونسوي لك ملكه كل الديره يتكلمون عنها ومن زينها
نوف وقفت بتصنع وهي ماتبي تكسر فرحة اختها ومستحيل ترجع تفكر في الانتحار توجهت غرفتها هي ورغد وبدو يجهزون لهم بعض الأشياء سمعو الباب يندق وشوي وامتلى البيت صوت حريم وصوت الفرحه مليانه البيت وكلهم فرحانين لها ويساعدون موضي للملكه وبعد مرور ساعتين طلعت رغد تفرش الحوش زوليات ورجع لها طيف اختها وهي تبي تنتحر مسكتها الغصه على اختها والتعب الي تعيشه مع امها لكن وش بيدها هي تسويه نزلت دموعها وهي تمسحهم وتكمل تفرش سمعت صوت الباب وراحت ترد وكانت ام عادل (عجيب وش جابها الحين؟!!!)
الجده:بسم الله عليك وش في وجهك
رغد اشرت براسها بلا