Car parking ကနေ အခန်းထိ
တစ်ယောက်တည်းပဲ တက်သွားပါ့မယ်လို့
ယံသွန်းညို ပြောတာကို ကွန်းခ က လက်မခံ၊
သူ့ကို ကလေးတစ်ယောက်နှယ် သတ်မှတ်ပြီး
အိမ်တံခါးအရှေ့ထိ လိုက်ပို့ပေးနေပြန်၏။
"အိမ်ပြန်ရောက်ရင် ဖုန်းဆက်နော် ဘေဘီလေး"
ယံသွန်းညိုက ပြုံးစိစိရုပ်လေး လုပ်၍
ကွန်းခ ကိုပြောလိုက်သည်။
"ဘာကို ဘေဘီလေးလဲ"
"ဟွန်း ဘာလဲ ။ မကျေနပ်တာလား။
မင်းလည်း ငါ့ကို ကလေးလေး လို့ခေါ်နေတာပဲလေ"
ကွန်းခ က နှစ်ခြိုက်စွာရယ်လိုက်ပြီးမှ ..
ယံသွန်းညိုရဲ့ လက်တစ်ဖက်ကို ဖွဖွဆွဲယူကာ
လက်ချောင်းလေးတွေအချင်းချင်း သွယ်ယှက်၍
ဆုပ်ကိုင်လိုက်လေသည်။
" မင်းနဲ့တွေ့ပြီးရင် အိမ်တောင်မပြန်ချင်တော့ဘူး။
တကယ် မခွဲချင်ဘူးဗျာ.."
"အိမ်လိုက်ခဲ့ရမလား"
"တကယ်လိုက်ခဲ့မလား"
မပီတပီ မျက်စောင်းဖွဖွလေးသည်
သူ့နှလုံးအိမ်တွင် လာစိုက်၏။
"စာကြည့်ရဦးမှာဆို"
"ဟုတ်တယ်"
"ပြန်တော့လေ ဒါဆို။
မင်းစာကြည့်ပြီး ညမှ ဖုန်းအေးဆေးပြောမယ်နော်"
"ခဏလေးပဲ ..မင်းမျက်နှာလေးကို
အဝကြည့်သွားဦးမယ်"
ကွန်းခ က ပြောပြီး ယံသွန်းညိုရဲ့ ကိုယ်လေးကို
ပခုံးမှ ကိုင်ကာ တံခါးဆီသို့ အသာအယာ
ဆွဲကပ်လိုက်သည်။
ယံသွန်းညိုက မျက်စလေးပင့်၍ ..
"မျက်နှာပဲကြည့်မှာဆို..ဒီလို လုပ်ဖို့မလိုပါဘူး"
ကွန်းခ သည် ဖွဖွပြုံး၏။
" တခြား ကျွန်တော် လုပ်ချင်သေးတာကို
ခွင့်တောင်းလို့ရမလား"
ပြုံးရိပ်ထင်သည့် နှုတ်ခမ်းတို့နှင့်
ကွန်းခ၏ မျက်ဝန်းအကြည့်တို့သည် နက်နက်ရှိုင်းရှိုင်း ။
YOU ARE READING
Beyond All Measures (COMPLETED)
RomanceSlow Romance! ဘုန်းလျှံကွန်းခ x ယံသွန်းညို UNICODE /ZAWGYI Start date _ Oct 3 2022 End Date _ Feb 3 2023
